တရုတ်အပြင် ပြည်တွင်းဝယ်လိုအားပါ ကောင်းနေ၍ စိန်တစ်လုံးသရက်များ ဈေးကောင်းရနေ

တရုတ်နိုင်ငံဘက်က ဝယ်နေသည့်အပြင် ပြည်တွင်းမှာပါ ဝယ်လိုအားကောင်းနေသည့်အတွက် မြန်မာ့စိန်တစ်လုံးသရက်များ ဈေးကောင်းရရှိနေကြောင်း မြန်မာသရက်စျေးကွက်နှင့်နည်းပညာဖွံ့ဖြိုးတိုးတက်ရေးအသင်းမှအထွေထွေအတွင်းရေးမှူး ဦးကျော်စိုးနိုင်က ပြောသည်။

မူဆယ်ဈေးကွက်၌ အလုံးရေ ၄၀ မှ ၅၀ အတွင်း ပါရှိသည့် ၁၆ ကီလိုတစ်ခြင်းလျှင် အနိမ့်ဆုံး ၁၀၀ ယွမ်မှ ၁၂၀ ယွမ် ပတ်ချာလည်နှင့် အမြင့်ဆုံး ၁၃၀ ယွမ်မှ ၁၄၀ ယွမ်ပတ်ချာလည်(မြန်မာကျပ်ငွေ ငါးသောင်းမှခြောက်သောင်းဝန်းကျင်) ရရှိနေပြီး ပြည်တွင်းဈေးကွက်၌လည်း ၁၆ ကီလို တစ်ခြင်းလျှင် ကျပ်သုံးသောင်းမှ ငါးသောင်းဝန်းကျင်အထိ ဈေးနှုန်းရရှိနေခြင်းဖြစ်သည်ဟု သိရသည်။

" သရက်ဈေးကွက်အခြေအနေကတော့ အခုလောလောဆယ်က ကောင်းနေပါတယ်။ လက်လီဈေးကွက်ကော၊ လက်ကားဈေးကွက်ကော ကောင်းတယ်။ ဈေးကတော့ တရုတ်နဲ့ပြည်တွင်းသိပ်မတိမ်းမယိမ်းပဲ။ လေးငါးခြောက်သောင်းပတ်ချာလည်ပဲ သွားနေကြတယ်။ တရုတ်ပြည်ကလည်း အဲ့ဒီလောက်ပဲ သွားနေတာပဲ။ အများနဲ့အနည်းပဲ ကွာတယ်။ တချို့ကလည်း ရန်ကုန်ဈေးကွက်တို့ နယ်ဈေးကွက်တို့ ပြန်ပို့တာတွေ ရှိပါတယ်" ဟု ဦးကျော်စိုးနိုင်က ပြောသည်။

လတ်တလောတွင် မန္တလေးတိုင်းဒေသကြီးမှ ထွက်ရှိသည့်သရက်သီးများအား ပြည်တွင်းအပြင်တရုတ်နိုင်ငံသို့ မူဆယ်ဈေးကွက်မှတစ်ဆင့်တင်ပို့နေခြင်းဖြစ်ပြီး ဧပြီလလယ် သင်္ကြန်ကာလမစတင်မီမှစတင်၍ တင်ပို့နေခြင်းဖြစ်ကြောင်း သိရသည်။

" တရုတ်ကို စပို့တာက သင်္ကြန်မတိုင်ခင်ကပ်ရက်ကလေးကစပြီး ပို့ကြတယ်။ အခုလောလော ဆယ်လည်း ဆက်ပို့နေကြတယ်။ အမှန်ကတော့ အခုနောက်ပိုင်းမှ တရုတ်ကိုတင်ပို့မှုတွေ များလာတာပါ။ တက်လာတာပေါ့ဗျာ။ တရုတ်ရဲ့ ဝယ်လိုအားကလည်း ကောင်းပါတယ်" ဟု ဦးကေျာ်စိုးနိုင်က ဆိုသည်။

ပြည်တွင်းမှထွက်ရှိသည့် စိန်တစ်လုံး၊ ပတ္တမြားငမောက်စသည့် ဈေးကွက်ဝင် အရည်အသွေးကောင်းသရက်များအား ပြည်တွင်းသုံးအပြင် ပြည်ပနိုင်ငံများသို့ပါ အဓိကတင်ပို့လေ့ရှိပြီး သရက်သီးအကြမ်းသီးများကိုမူ သရက်ကင်းနှင့်ပြည်တွင်းသရက်ချဉ်လုပ်ငန်းများအတွက် အများဆုံးအသုံးပြုလေ့ရှိကြောင်းသိရသည်။

မြန်မာနိုင်ငံတွင် သရက်ကို ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ပဲခူးတိုင်းဒေသကြီး၊နေပြည်တော်၊ မန္တလေးတိုင်းဒေသကြီးတို့တွင် အဓိကစိုက်ပျိုးကြပြီး အခြားတိုင်းနှင့်ပြည်နယ်အနှံ့အပြား၌လည်း စိုက်ပျိုးကြခြင်းဖြစ်ကာ ဧပြီလဆန်း၌ စတင်အသီးထွက်လေ့ရှိကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ