နယ်စပ်ကုန်သွယ်ရေးလမ်းကြောင်းများပွင့်လန်းလာရန် လျှော်ဖြူစိုက်ပျိုးသူများမျှော်လင့်နေ

နယ်စပ်ကုန်သွယ်ရေးလမ်းကြောင်းများ ပြန်လည်ပွင့်လန်းလာပြီး၊ လျှော်ဖြူဈေးကွက်ကောင်းများရရှိရန် မျှော်လင့်လျှက်ရှိကြောင်း လျှော်ဖြူပင်စိုက်ပျိုးထုတ်လုပ်နေသူများထံမှ သိရသည်။ 

"လျှော်ဖြူစေးက ဝယ်လက် လုံးဝ မရှိတာမျိုးတော့မဟုတ်ဘူး။ ဝယ်လက်တွေကရှိပေမယ့် တင်ပို့မယ်ဆိုရင် အရင်လိုပမာဏနည်းနည်းချင်းစီ အဆင်ပြေသလို တင်ပို့လို့မရတော့တဲ့အတွက် ကွန်တိန်နာတစ်စီးလုံးအပြည့်မှ တင်ပို့လို့ရမယ့် အခြေအနေမျိုးတွေရှိနေတယ်။ ဒါက တောင်သူငယ်တွေ/ကုန်သည်ပွဲစားငယ်တွေအတွက်လည်း အဆင်မပြေသလို၊ ပမာဏအများကြီးပို့တဲ့အခါ အရည်အသွေးထိန်းသိမ်းပြီး တင်ပို့နိုင်ဖို့ကလည်း လိုအပ်ချက်တွေရှိပြန်တယ်။ ပင်လယ်ရေကြောင်းခရီးကနေ တင်ပို့ကြမယ်ဆိုတော့လည်း ကုန်ကျစရိတ်က အများကြီးရှိနိုင်တယ်။ လျှော်ဖြူစေးရောင်းချပြီးတော့ ပြန်ရနိုင်မယ့်အမြတ်အစွန်းနဲ့ တင်ပို့ရတဲ့ကုန်ကျစရိတ်နဲ့က မကာမိဘူးလေ။"

ဟု မန္တ​လေးတိုင်း​ဒေသကြီး၊ ပုသိမ်ကြီးမြို့နယ်၊ ဂန္ဓမာရွာ၊ မန္တ​လေး-မတ္တရာကားလမ်း၊ မိုင်တိုင်(၁၁) အနီးရှိ နန္ဒဝန်လျှော်ဖြူထုတ်လုပ်ရေးခြံမှ စီမံအုပ်ချုပ်သူ ဦးဇင်မင်းသန့်က ပြောသည်။

လျှော်ဖြူပင်၏အစေး (ဆေးကုလားမ)ကို မြန်မာနိုင်ငံမှ အိမ်နီးနိုင်ငံတစ်ချို့သို့ ယခင်ခေတ်အဆက်ဆက် ရောင်းချခဲ့ကြပြီး၊ ကိုဗစ်-၁၉ ကမ္ဘာ့ကပ်ရောဂါဆိုးဖြစ်ပွားမှု ဒုတိယလှိုင်းကာလမှ စတင်၍ ဈေးကွက်တင်ပို့မှုအပိုင်းမှာ အားနည်းသည်ထက် အားနည်းလာခြင်း ဖြစ်သည်။

"ပထမကိုဗစ်လှိုင်းကာလတုန်းကတောင် ဈေးကွက်က သူ့ဈေးကွက်လေးနဲ့သူ လည်ပတ်နေခဲ့ပါသေးတယ်။ ဒုတိယနဲ့ တတိယ ကိုဗစ်လှိုင်းကာလတွေမှာ တောင်သူတွေအနေနဲ့ အရင်ကထက် ဈေးကွက်ကျဆင်းမှုဒဏ်ကို ခံစားလာရတာပါ။ တစ်ချို့တောင်သူတွေဆိုရင် လျှော်ဖြူပင်စိုက်ပျိုးရာကနေ တစ်ခြားသီးနှံအမျိုးအစား/တစ်ခြားဈေးကွက်ကောင်းရာ နှစ်ရှည်ပင်အမျိုးအစားတွေကို ပြောင်းလဲစိုက်ပျိုးတဲ့သူတွေလည်း ရှိလာတယ်။ ပြည်တွင်းဈေးကွက်မှာပဲ မဖြစ်ဖြစ်အောင် ရောင်းချပြီး၊ ဈေးကွက်ပြန်လည်ကောင်းမွန်လာချိန်ကို စောင့်ဆိုင်းနေသူတစ်ချို့လည်း ရှိပါတယ်။"

ဟု ၎င်းက ဆက်လက်ပြောသည်။

မြန်မာနိုင်ငံတွင် လျှော်ဖြူပင်များကို အဓိကအားဖြင့် ပဲခူးတိုင်းဒေသကြီး၊ မန္တလေးတိုင်းဒေသကြီး၊ စစ်ကိုင်းတိုင်းဒေသကြီးနှင့် မကွေးတိုင်းဒေသကြီး အနီးတစ်ဝိုက်ဒေသများတွင် စိုက်ပျိုးထုတ်လုပ်ထားကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...

Read more

Aqua ဘူစတာ

Aqua ကယ်လဆီယမ်

Facebook စာမျက်နှာသို့သွားရန်