တောင်ယာအစား ကြံပြောင်းစိုက်ပြီး အကျိုးများလာတဲ့ ကိုတန်ဂွန်တို့ လဘန်ရွာ

ကချင်ပြည်နယ်၊ မြစ်ကြီးနားမြို့ မြစ်ဆုံအနီးရှိ ဧရာဝတီမြစ်အရှေ့ဘက်ခြမ်းဒေသတွေမှာ အကျိုးအမြတ်နည်းပါးတဲ့ တောင်ယာသီးနှံထက် ကြံကိုပိုပြီးစိုက်ပျိုးလာကြပါတယ်။ ကြံရည်အစိမ်းရောင်ရပြီး ဈေးကွက်ဝင် အရောင်လှတဲ့ ဒေသအခေါ် ၇၇၄ ကြံမျိုးတွေကို နမ္မတီးမြို့မှသွားရောက်ဝယ်ယူပြီး စိုက်ပျိုးကြတာပါ။

စပါး၊ ပဲတောင့်ရှည်၊ ဖရုံ၊ ပိန်းဥစတဲ့ တောင်ယာသီးနှံတွေကို ဝမ်းစာလောက်သာ လျှော့ချစိုက်ပျိုးတော့ပြီး ကြံကိုပိုပြီး စိုက်ပျိုးလာကြတာ ဖြစ်ပါတယ်။ စိုက်ဧကတိုးချဲ့စိုက်ပျိုးထားတဲ့ ဝိုင်းမော်မြို့နယ်၊ လဘန်ကျေးရွာမှ ကိုတန်ဂွန်က ကြံစိုက်ပျိုးထုတ်လုပ်ထားတဲ့အခြေအနေကို ရှင်းပြပါတယ်။

“ တောင်ယာလုပ်တာထက်စာရင်တော့ ဒီကြံစိုက်တာကတော့ ဘယ်လိုခေါ်မလဲ အကျိုးရှိတာပေါ့နော်။ ကိုယ်က လောလောဆယ် ဒီအနီးတဝိုက်မှာ ကြံစိုက်တာက တစ်ဧကလောက်စိုက်ပြီဆိုရင် ဆယ်ငွေ (သိန်း) အထက်တော့ကိုင်ရတယ်။ တောင်ယာလုပ်ရင် တကယ့်တကယ်အလွန်ဆုံး ကိုင်ရမှ ၂ သိန်း၊ ၃ သိန်းပေါ့။ ကုန်တာနဲ့ ထွက်တာနဲ့ ဘာမှအကျိုးမရှိဘူးပေါ့နော်။ ကြံစိုက်တာကတော့ မိသားစုအတွက်အကျိုးရှိတယ်” လို့ ကိုတန်ဂွန်က ဆိုပါတယ်။

လဘန်ကျေးရွာအနီးတဝိုက်မှာ ကြံကို ဧပြီလမှာ စတင်စိုက်ပျိုးပြီး နောက်တစ်နှစ် အခုလို မတ်လအချိန်မှာ ခုတ်ယူကြတာဖြစ်ပါတယ်။ ဝိုင်းမော်မြို့နယ်ကထွက်ရှိလာတဲ့ ကြံတွေကို ဧရာဝတီမြစ်တစ်ဖက်ကမ်းက မြစ်ကြီးနားဈေးကွက်ကို အများဆုံးတင်ပို့ကြတာပဲ ဖြစ်ပါတယ်။ 

ကြံရည်ဆိုင်ပေါင်း သုံးရာလောက်ရှိတဲ့ မြစ်ကြီးနားကြံရည်ဈေးကွက်ရဲ့ ကြံလိုအပ်ချက်က အခုလိုနွေရာသီအချိန်မှာ အလုအယက်မှာယူကြတာပဲ ဖြစ်ပါတယ်။ ကြံဈေးကွက် အခြေအနေနဲ့ပတ်သက်ပြီး ကြံပွဲရုံများအတွက် ကြံစုဆောင်းပေးသူ နန်မ်ကျင် ဒေသမှ ကိုသန်းဝင်းက အခုလို ပြောပါတယ်။

“ ကြံက တစ်ခြားဟာတွေ အသီးအနှံတွေထက်စာရင်မဆိုးဘူးလို့ ပြောရမှာပေါ့။ မဆိုးဘူး။ သူကကျတော့ ဈေးကွက်လည်း ဝင်တယ်။ တစ်ဧကလောက်ဆိုရင် သိန်း ၂၀ လောက်က ပြေးမလွတ်ဘူးဆိုတော့ တစ်ခြားဖရဲသီးတွေ၊ လိမ္မော်သီးတွေ၊ ငှက်ပျောသီးတွေလို ချရောင်းစရာမလိုဘူး။ လာပြီးမှကို လာဝယ်ကြတယ်။ ပြီးတော့လည်း လုံးကနဲ လုံးကနဲလည်း ပို့လို့ရတယ်။ အဲ့ဒီအသီးအနှံတွေထက်စာရင်တော့ ကြံကတော့ ဈေးကွက်ကောင်းတယ်” လို့ ပြောပါတယ်။

အခု ၂၀၂၂ ကြံခုတ်သိမ်းရာသီမှာ ကြံတစ်ချောင်း အခင်းထဲအရာက်လက္ကားဈေးက ကျပ်၂၀၀ ပေါက်ဈေးရှိနေတယ်လို့ သိရပါတယ်။

ဂျာနူး

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more