အစိမ်းရောင်လမ်းထိုင်းနိုင်ငံမှာ ရေကြီးရေလျှံမှုတွေကြောင့် အလယ်ပိုင်းနဲ့ အရှေ့မြောက်ပိုင်းတွေမှာ စိုက်ပျိုးမြေဧက ၂၆၀၀၀၀ ကျော်ပျက်စီးတာ၊ မွေးမြူရေးတိရစ္ဆာန်တွေများစွာသေဆုံးတာတွေ ဖြစ်ပေါ်ခဲ့သလို အရှေ့မြောက်ပိုင်းစီရင်စုတစ်ခုမှာ မိကျောင်းနှစ်ကောင်လည်း ပျောက်ဆုံးနေလို့ ဒေသခံတွေကို သတိပေးမှုတွေ ပြုလုပ်ထားရတယ်လို့ သိရပါတယ်။
ထိုင်းနိုင်ငံတွင်း ပြီးခဲ့တဲ့လကစလို့ အပူပိုင်းမုန်တိုင်းဖြစ်ပေါ်မှုတွေ၊ မိုးသည်းထန်စွာရွာသွန်းတာတွေ များစွာကြုံခဲ့ရပြီးနောက် စုစုပေါင်း စီရင်စု ၇၇ ခုအနက် ၅၉ ခုမှာ ရေကြီးရေလျှံမှုတွေဖြစ်ပေါ်ခဲ့ကာ အိမ်ခြေ ၄၅၀၀၀၀ အပေါ် သက်ရောက်မှုရှိခဲ့တယ်လို့ ပြည်ထဲရေးဝန်ကြီးဌာနက ပြောကြားထားပါတယ်။
အဲ့ဒီထဲမှာ အဓိက စိုက်ပျိုးမြေဧရိယာတွေရှိတဲ့ အရှေ့မြောက်နဲ့ အလယ်ပိုင်းဒေသတွေထဲက စိုက်ပျိုးမြေဧရိယာ ၁၀၇၂၀၀ ဟက်တာ (၂၆၄၇၀၀ ကျော်ဧက) ပျက်စီးခဲ့တယ်လို့ စိုက်ပျိုးရေးဝန်ကြီးဌာနက ပြောကြားခဲ့ပါတယ်။
ဒီဘေးအန္တရာယ်တွေအတွက် အကူအညီပေးဖို့နဲ့ ပြန်လည်ထူထောင်ရေးတွေလုပ်ဖို့ ထိုင်းအစိုးရက ဘတ်ငွေ ၂၃ ဘီလျံ (အမေရိကန်ဒေါ်လာ ၆၀၂ သန်းကျော်) ခွင့်ပြုပေးထားတယ်လို့ သိရပါတယ်။
ရေကြီးရေလျှံမှုတွေအတွင်း မွေးမြူရေးတိရစ္ဆာန်တွေလည်း များစွာသေဆုံးခဲ့မှုရှိခဲ့တယ်လို့ သိရပါတယ်။ ယခုလ အောက်တိုဘာ ၁၇ ရက်နေ့မှာတင် ထိုင်းအလယ်ပိုင်းဒေသရှိ အန်သောင်စီရင်စုမှာ ကြက်ကောင်ရေ ၅၀၀၀၀ ခန့် ရေနစ်မြုပ် သေဆုံးခဲ့ပါတယ်။
ဒါ့အပြင် ထိုင်းနိုင်ငံ အရှေ့မြောက်ပိုင်းရှိ Khon Kean စီရင်စုအတွင်းမှာလည်း ရေကြီးရေလျှံမှုကြောင့် မိကျောင်း မွေးမြူရေးခြံတစ်ခုက မိကျောင်း ၄ ကောင် ပျောက်ဆုံးသွားခဲ့ပြီး လက်ရှိအချိန်ထိ ၂ ကောင်သာ ပြန်လည် ဖမ်းဆီးရမိသေးကာ ၂ ကောင်ကတော့ လွတ်မြောက်နေတယ်လို့ သိရပါတယ်။
အသက် ၁ နှစ်သားခန့်၊ အရှည် ၃ မီတာကျော်ခန့်စီရှိတဲ့ မိကျောင်း ၄ ကောင်ပျောက်ဆုံးသွားတာဖြစ်ပြီး တစ်ကောင်ကို ပြီးခဲ့တဲ့ ၃ ရက်က စပါးခင်းတစ်ခုအတွင်းမှာ ပြန်ဖမ်းမိခဲ့ကာ မနေ့က အောက်တိုဘာ ၁၈ ရက်မှာတော့ ဒုတိယမြောက် တစ်ကောင်ကို ပြန်လည်ဖမ်းမိခဲ့တယ်လို့ သိရပါတယ်။
ကျန်တဲ့ မိကျောင်း ၂ ကောင်ကိုတော့ ဆက်လက်ရှာဖွေနေဆဲဖြစ်ပြီး ဒေသခံတွေအနေနဲ့ အထူးသတိထားနေထိုင်ကြဖို့ Khon Kean စီရင်စု အုပ်ချုပ်ရေးမှူးက သတိပေးထားတယ်လို့ သိရပါတယ်။
Ref; www.reuters.com
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
ဗွေဆော်ဦး ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}