ထိုင်းဆန်ဈေးများ လေးလတာအတွင်း အမြင့်ဆုံးရောက်ရှိလာ

ဆန်တင်ပို့မှုအဓိကတစ်နိုင်ငံဖြစ်တဲ့ ထိုင်းနိုင်ငံရဲ့ ယခုအပတ် ဆန်ပေါက်ဈေးတွေဟာ လေးလအတွင်း အမြင့်ဆုံးရောက်ရှိခဲ့ပြီး ဗီယက်နမ်ဆန်ဈေးတွေလည်း တစ်နှစ်ကျော်အတွင်း အမြင့်ဆုံးနှုန်းမှာ ဆက်လက်ရပ်တည်ခဲ့ပါတယ်။ ဒါဟာ အိမ်နီးချင်းနိုင်ငံတွေက ဆန်မှာယူမှုမြင့်တက်လာတာကြောင့် ဖြစ်ပါတယ်။

ယခုနှစ်မှာ ဆန်ဈေးတွေ ကောင်းနေတာကြောင့် အာရှတောင်သူတွေ စပါးဧက ချဲ့ထွင်စိုက်ပျိုးခဲ့ကြတဲ့အတွက် အာရှဆန်အထွက် မြင့်တက်လာနိုင်ပြီး ဆန်‌ရောင်းအား စိုးရိမ်ချက်တွေ ပြေလျော့လာဖွယ်ရှိပါတယ်။ ယမန်နှစ် ၂၀၂၂ တုန်းကတော့ ဆန်ထုတ်လုပ်မှုတွေ ခုနစ်နှစ်အတွင်း ပထမဆုံးအကြိမ်အဖြစ် ကျဆင်းခဲ့တာပါ။

ကမ္ဘာ့ဆန်တင်ပို့မှု တတိယအများဆုံး ဗီယက်နမ်ဟာ ၂၀၂၃ ပထမလေးလလအတွင်း ဆန်တင်ပို့မှု နှစ်အလိုက် ၂၃ ဒသမ ၄ ရာခိုင်နှုန်း မြှင့်တင်နိုင်ခဲ့ကာ တန်ချိန် ၁ ဒသမ ၈၅ သန်း တင်ပို့ခဲ့ကြောင်း ဗီယက်နမ်အစိုးရအကောက်ခွန်ဌာနစာရင်းတွေအရ သိရပါတယ်။ ဧပြီလဆန်တင်ပို့မှုဟာ မတ်လထက် ၈၀ ရာခိုင်နှုန်း ပိုများခဲ့ပြီး ၉၆၁၆၀၈ တန် ရှိခဲ့ပါတယ်။

“ ပို့ကုန်သမားတွေဟာ ပြည်ပစာချုပ်တွေကို ဖြည့်ဆည်းရောင်းချနိုင်ရေး ဆန်အတင်းဝယ်ယူနေတာကြောင့် အရောင်းအဝယ် သွက်နေပါတယ်” လို့ ဟိုချီမင်းစီးတီးမြို့အခြေစိုက် ဆန်ကုန်သည်တစ်ယောက်က ပြောပါတယ်။

ဗီယက်နမ်ဝန်ကြီးချုပ် Pham Minh Chinh ကလည်း ဒေသတွင်းအစည်းအဝေးတစ်ခုမှာ ဖိလစ်ပိုင်သမ္မတ Ferdinand Marcos Jr နဲ့ တွေ့ဆုံစဉ် ဗီယက်နမ်ဟာ ဖိလစ်ပိုင်ထံ ဆန်ကို သင့်တင့်တဲ့ဈေးနှုန်းနဲ့ ကာလရှည် ရောင်းချသွားလိုကြောင်း ကမ်းလှမ်းခဲ့ပါတယ်။ လက်ရှိမှာ ဖိလစ်ပိုင်ဟာ ဗီယက်နမ်ဆန်အများဆုံးဝယ်ယူနေတဲ့ ဝယ်လက်အဖြစ် ရပ်တည်နေပါတယ်။

ပြီးခဲ့တဲ့ ကြာသပတေးနေ့က ဖြစ်ပေါ်တဲ့ ဗီယက်နမ်ငါးမှတ်ဆန်ဈေးဟာ ယခင်အပတ်ကအတိုင်း မပြောင်းလဲဘဲ တစ်တန်ကို ၄၈၅-၄၉၅ ဒေါ်လာကြား ရပ်တည်ခဲ့ပါတယ်။ ဒါဟာ ၂၀၂၁ ဧပြီလနောက်ပိုင်း အမြင့်ဆုံးနှုန်းမှာပါပဲ။

ထိုင်းနိုင်ငံမှာ ငါးမှတ်ဆန်ဈေးဟာ အရင်အပတ်က တစ်တန်ကို ၄၈၅ ဒေါ်လာမှာ ရပ်တည်ခဲ့ရာကနေ ယခုအပတ်မှာတော့ ဇန်နဝါရီနောက်ပိုင်း အမြင့်ဆုံးဖြစ်တဲ့ ၄၉၈-၅၀၀ ဒေါ်လာနှုန်းကြားကို ရောက်ရှိလာပါတယ်။ ဒီလိုဈေးတက်လာခြင်းဟာ အင်ဒိုနီးရှားအပါအဝင် ဒေသတွင်းနိုင်ငံတွေဆီက ဝယ်လိုအား မြင့်တက်လာတာအပြင် ဘတ်ငွေအားကောင်းလာတာကြောင့်လည်းပါတယ်လို့ ကုန်သည်တွေက ပြောပါတယ်။ ပြည်တွင်းဘတ်ဈေး မြင့်တက်လာတာကြောင့် ဒေါ်လာနဲ့ ရောင်းဝယ်ဖောက်ကားတဲ့ ပြည်ပပို့ကုန်ဈေးတွေလည်း လိုက်ပါမြင့်တက်ခဲ့တာဖြစ်ပါတယ်။

အိန္ဒိယငါးမှတ်ပေါင်းဆန်ဈေးကတော့ အရင်အပတ်ကအတိုင်း အပြောင်းအလဲမရှိ တစ်တန်ကို ၃၇၆-၃၈၀ ဒေါ်လာကြား ရပ်တည်ခဲ့ပါတယ်။ ဒါဟာ ဒီဇင်ဘာလနောက်ပိုင်း အနိမ့်ဆုံးနှုန်းကို ကျရောက်နေတာလည်း ဖြစ်ပါတယ်။ “ဆန်ဝယ်လိုအား နည်းနေတယ်။ ပြီးခဲ့တဲ့ သီတင်းပတ်တွေမှာ အချိန်အခါမဟုတ် မိုးရွာသွန်းခဲ့တာကြောင့် ဆောင်းသီးနှံက ထွက်ရှိတဲ့ ရောင်းအားတွေ နှောင့်နှေးတာလည်းရှိတယ်” လို့ အိန္ဒိယတောင်ပိုင်း အန္ဓရဒေသပြည်နယ် ကာကီနာဒါမြို့အခြေစိုက် ပို့ကုန်လုပ်ငန်းရှင်တစ်ယောက်က ပြောပါတယ်။

ဝေယံဟိန်း (B.Ag)

Ref: Asia rice: Thai rates at four-month high - Markets - Reuters

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...