အယ်နီညိုကြောင့် ထိုင်းဆန်ထုတ်လုပ်မှု ထိခိုက်နိုင်ပြီး ဆန်ဈေးထပ်တက်ဖွယ်ရှိနေ

19/05/2023 15:00 PM တွင် ဝေယံဟိန်း (B.Ag) ဝေယံဟိန်း (B.Ag) မှ ရေးသား

အယ်နီညိုရာသီဥတု ဖြစ်ထွန်းပြီး မိုးရေချိန် လျော့နည်းနိုင်ခြေရှိတာကြောင့် ကမ္ဘာ့ဆန်တင်ပို့မှု ဒုတိယအများဆုံး ထိုင်းနိုင်ငံက တောင်သူတွေအနေနဲ့ ဒီနှစ်မှာ နှစ်တိုင်းလို စပါးနှစ်သီး မစိုက်ဘဲ တစ်သီးသာ စိုက်ပျိုးကြဖို့ အစိုးရပိုင်းက တောင်းဆိုနေတာ တွေ့ရပါတယ်။

စပါးဟာ ရေသုံးစွဲမှုမြင့်မားပြီး သွင်းရေနဲ့ သဘာဝမိုးရေအပေါ် အားပြုနေရတဲ့သီးနှံ ဖြစ်ပါတယ်။ လက်ရှိအခြေအနေအရ ဖျက်လိုဖျက်ဆီး ရာသီဥတုဖြစ်စဉ်ကြောင့် ကမ္ဘာ့စားနပ်ရိက္ခာထုတ်လုပ်မှု ထိခိုက်လာနိုင်တဲ့ ကနဦးလက္ခဏာတွေ တွေ့နေရပါတယ်။  ဆန်စပါးထုတ်လုပ်မှု ကျဆင်းလာမယ်ဆိုရင် ကမ္ဘာ့လူဦးရေ ထက်ဝက်ကျော် မှီခိုနေရတဲ့ အခြေခံသီးနှံဆန်ဈေးတွေ ထပ်မံမြင့်တက်လာဖို့ ရှိပါတယ်။

စပါးတစ်သီးတည်းသာ စိုက်ပျိုးဖို့အတွက် ထိုင်းအစိုးရရဲ့ ပန်ကြားတဲ့သတင်းကို ဘန်ကောက်ပို့စ်သတင်းဌာနက ထိုင်းအစိုးရရေအရင်းအမြစ်ရုံးရဲ့ ထုတ်ပြန်ချက်ကို ကိုးကားဖော်ပြခဲ့တာတာပါ။

ဖြစ်လုဖြစ်ခင် အယ်နီညိုရာသီဥတုပုံစံကြောင့် ပြီးခဲ့တဲ့သီတင်းပတ်တွေမှာ အရှေ့တောင်အာရှ နိုင်ငံတွေအတွင်း အလွန်အမင်းပူပြင်းတဲ့နေ့ရက်တွေ ကြုံတွေ့ခဲ့ရပါတယ်။ အယ်နီညိုဟာ အာရှတိုက်ဒေသများစွာကို ပူပြင်းခြောက်သွေ့တဲ့ ရာသီဥတုမျိုးတွေ ဖြစ်ပေါ်စေလေ့ရှိတာဖြစ်ပါတယ်။ ဒါကြောင့် ဆန်စပါးအပြင် စားအုန်းဆီ၊ ကိုကိုးစေ့နဲ့ ထိုင်းနိုင်ငံက ပမာဏများစွာထုတ်လုပ်နေတဲ့ သကြားအထွက်နှုန်းလည်း ကျဆင်းမယ့်အလားအလာ ရှိနေပါတယ်။

ထိုင်းသကြားထုတ်လုပ်မှုအနေနဲ့တော့ အောက်တိုဘာလက စတင်မယ့် ရာသီအတွင်း ၂၀၀၉-၁၀ နောက်ပိုင်း အနိမ့်ကျဆုံးကို ရောက်ရှိသွားနိုင်ပါတယ်။

မေလ တတိယပတ်မှာ စတင်လေ့ရှိတဲ့ ထိုင်းနိုင်ငံ မိုးရာသီဟာ ဒီနှစ်မှာတော့ အတော်လေး နောက် ကျနိုင်ပြီး ဇွန်လထဲမှာလည်း ကွက်ကြားမိုးလောက်သာ ရွာသွန်းနိုင်ကြောင်း ဘန်ကောက်ပို့စ်က ရေးသားဖော်ပြထားပါတယ်။ ထိုင်းရေအရင်းအမြစ်ဌာနကတော့ ဆည်ရေတွေ ခန်းမသွားအောင် အစီအစဉ်တစ်ရပ် ချမှတ်အကောင်အထည် ဖော်နေပြီး တောင်သူလယ်သမားတွေရဲ့ ပူးပေါင်းဆောင်ရွက်မှုကိုလည်း တောင်းခံထားပါတယ်။

လက်ရှိကမ္ဘာ့ရာသီဥတုဖြစ်စဉ်အနေအထားဟာ အယ်နီညိုလည်းမဟုတ် လာနီညာလည်းမဟုတ်တဲ့ ကြားအခြေအနေ(Neutral) မှာရှိနေတာဖြစ်ပြီး ဇူလိုင်၊ ဩဂုတ်လတွေလောက်ကျရင်တော့ အယ်နီညိုဖြစ်စဉ်နဲ့ ကြုံတွေ့ရနိုင်ချေရှိနေတာဖြစ်တယ်လို့ သိရပါတယ်။

ဝေယံဟိန်း (B.Ag)

Ref: El Nino May Slash Thai Rice Crop and Spur Inflation Across Asia - Bloomberg

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်