တီလားပီးယားငါး စနစ်တကျသားပေါက်ထုတ်လုပ်နည်း (၂)

၄။ သားဖောက်ရုံ (လူမှဖန်တီးယူထားသောဥမှ သားဖောက်ခြင်း ဥဖောက်ကိရိယာများအပါအဝင်)

(က) မွေးမြူသော တီလားပီးယားငါးမျိုးစိတ်အားလုံးသည် ပါးစပ်ထဲတွင် ဥငုံ၍သားပေါက်သောငါးမျိုးများဖြစ်ကြပြီး အသိုက်ကျင်းထဲ၌ သန္ဓေအောင်သောဥများကို ငါးမများက ချက်ချင်းကောက်ယူ၍ ဥမှအကောင်မပေါက်ခင်အချိန်နှင့် အကောင်ပေါက်ပြီး ရက်ပေါင်းများစွာကြာသည့်တိုင် ၎င်းတို့၏ ပါးစပ်ထဲတွင် ငုံထားတတ်ကြသည်။
(ခ) ထို့ကြောင့် မိတ်လိုက်ဥချကန်သည် သားဖောက်ကန်လည်း ဖြစ်ပါသည်။
(ဂ) တီလားပီးယားငါးမများသည် တစ်ကြိမ်မိတ်လိုက်ဥချပါက အနည်းငယ်သော ရာဂဏန်းဥအရေအတွက် ဥချကြပြီး ကန်တစ်ကန်အတွင်း၌ တစ်ကြိမ်လျှင်ငါးသားပေါက် အရေ အတွက် ရာထောင်ချီသောကောင်ရေကို ထုတ်လုပ်နိုင်ပါသည်။
(ဃ) ငါးဖျန်းအရွယ်၌ အသားစားနှုန်းမြင့်မားလာသဖြင့် တီလားပီးယားငါးသန်အရွယ်နှင့် ငါးဖျန်းအရွယ်ငယ်များကို မကြာခဏဖယ်ရှားပေးရမည်ဖြစ်သည်။
(င) သန္ဓေအောင်ဥများအား မျိုးငါးမများ၏ ပါးစပ်မှ ခါချယူပြီးနောက် သီးသန့်ပြုလုပ်ထားသော ဥဖောက်ကိရိယာဖြင့် အကောင်ဖောက်နိုင်ပါသည်။
(စ) သီးသန့်ပြုလုပ်ထားသော ဥဖောက်စနစ်တွင် ဥဖောက်ဂျား၊ ရေပိုက်လိုင်းနှင့် သားပေါက်များစုဆောင်းသောဗန်းများ ပါရှိပါသည်။

၅။ ငါးသားပေါက်ပြုစုခြင်းနှင့် ငါးဖျန်းအရွယ်မွေးမြူခြင်း

(က) တီလားပီးယားငါးသားပေါက်များ ပြုစုရန်နှင့် ငါးဖျန်းအရွယ်ငါးများမွေးမြူရန်အတွက် ကန်အရွယ်အားဖြင့် ၂၀၀၀-၄၀၀၀ စတုရန်းမီတာ(၀.၅-၀.၉၉ ဧက)အကျယ်၊ ကန်ရေအနက်အားဖြင့် ၁.၀-၁.၅ မီတာအနက်၊ ကန်အောက်ခြေညီညာပြန့်ပြူးပြီး နုန်းအနည်းငယ်(သင့်တော်သောနုန်းအနက်မှာ ၁၀ စင်တီမီတာ) အနေအထား ရှိရပါမည်။

၆။ အခြားသောအခြေအနေများ

(က) တီလားပီးယားသားဖောက်ရုံတစ်ခု လုပ်ငန်းလည်ပတ်ရေး အောင်မြင်ရန်အတွက် အရေးကြီးဆုံးအချက်တစ်ခုမှာ ရေပမာဏအလုံအလောက်ရရှိမှုနှင့်အတူ ရေအရည်အသွေး ကောင်းမွန်ခြင်း ဖြစ်ပါသည်။
(ခ) မြစ်ရေ၊ ချောင်းရေ၊ ကန်ရေ(သို့မဟုတ်)မြေအောက်ရေများကို သားဖောက်ရုံများတွင် အသုံးပြုနိုင်ပါသည်။
(ဂ) သားဖောက်ရုံစနစ်၏အပြင်ဘက်မှ မလိုအပ်သောငါးများနှင့် အခြားသတ္တဝါများ ဝင်ရောက်မှုကို တားဆီးနိုင်ရန်အတွက် ရေဝင်ပေါက်နေရာ၌ ပိုက်ကွက်စိတ်ဆန်ကာဖြင့် တပ်ဆင်ကာရံထားရပါမည်။
(ဃ) တူညီစွာပင် မြေသားကန်(သို့မဟုတ်)အုတ်ကန်မှ ငါးများလွတ်ထွက်မှုကို ကာရံတားဆီးနိုင်ရန် ရေထုတ်ပိုက်အဝကိုလည်း ဆန်ကာဖြင့် တပ်ဆင်ကာရံထားရပါမည်။
(င) အသုံးပြုသည့်ရေအား စစ်ယူရန် ဖြစ်နိုင်ပါက ရေစစ်ရေလှောင်ကန်တစ်ခု(သို့မဟုတ်) အမြင့်ပိုင်းရှိ မြေသားရေလှောင်ကန်ဖြင့် အသုံးပြုမည့်ရေအား သိုလှောင်ထားပြီး ငါးကန်များ (သို့မဟုတ်) အုတ်ကန်များသို့ မြေကြီးဆွဲအားဖြင့် အလိုအလျောက် ရေစီးနိုင်ခြင်းစနစ်တစ်ရပ် ထားရှိရန် လေးလေးနက်နက် အကြံပြုလိုပါသည်။
(စ) ရေအပူချိန်သည် (၂၅-၃၂ ဒီဂရီဆဲလ်စီးရပ်စ်)နှင့် ရေ၏ချဉ်ဖန်နှုန်းမှာ (၆.၅-၉.၀)အတွင်း ရှိရပါမည်။
(ဆ) ငါးများယာယီသိုလှောင်ထားရန်နှင့် ငါးသားပေါက်နှင့် ငါးဖျန်းအရွယ်များ သယ်ယူပို့ဆောင်ရာတွင်အသုံးပြုရန် ရေပုံး၊ ဇလုံ၊ ရေထည့်နိုင်မည့်ဖိုင်ဘာပုံး၊ သံပုံး အစရှိသည့် ကွန်တိန်နာပုံစံအမျိုးမျိုး၊ ပိုက်များ(ငါးဆွဲပိုက်များ၊ ဒိုင်းဝန်း စသည်တို့)၊ ငါးအရွယ်ခွဲပုံးနှင့် ဆန်ကာများ၊ ပလတ် စတစ် (သို့မဟုတ်) နိုင်လွန်အိတ်များ၊ အောက်ဆီဂျင်ဘူးများဖြင့် ပြင်ဆင်ထားရှိရပါမည်။

အပိုင်း-၁ ကို ဖတ်ရှုလိုပါက အောက်ပါလင့်တွင် ဝင်ရောက်ဖတ်ရှုနိုင်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...