"ငါးခွေးလျှာငါး (Tongue Fishes)"

        ငါးခွေးလျှာငါး ကို အင်္ဂလိပ်လို ' long tongue sole’(ခေါ်) textile tongue sole ဟုလည်း ခေါ်ကြသည်။ ထိုင်း၊ မလေးရှားကျွန်းဆွယ္်၊ ဖိလစ်ပိုင်နှင့် မြန်မာ့ကမ်းရိုးတန်းတစ်လျှောက်တွင် ငါးခွေးလျှာငါးများကို တွေ့ရှိရပါသည်။ 

        ငါးခွေးလျှာငါးမျိုးကို 'ငါးပြားမျိုး'ဟုလည်း ခေါ်ကြသည်။ ငါးခွေးလျှာသည် များသောအားဖြင့် ရေအောက်ကြမ်းပြင်တွင် သွားလာကျက်စားတတ်သော (demersal fish)များ ဖြစ်ကြသည်။ ရေအောက်ရှိ ရွံ့နွံအရောင်နှင့် ဆင်တူသောကြောင့်ငါးခွေးလျှာကို အလွယ်တကူမြင်နိုင်ရန် ခဲယဥ်းလှသည်။ 

        ငါးခွေးလျှာငါး၏ ထူးခြားချက်မှာ ငါး၏ အရောင်သည် တစ်ချိန်နှင့် တစ်ချိန်အရောင်မတူကြဘဲ ပြောင်းလဲလျက်ရှိသ ည်။ ညိုမဲသော မြေပြင်ပေါ်တွင်မူ ညိုမဲသော အရောင်သို့ ပြောင်းလဲတတ်သော သဘောရှိသည်။ ငါးခွေးလျှာ၌ အထက်အောက်နှင့် ဘေးပတ်လည်ကို မြင်နိုင်သော မျက်စိရှိသည်။ 

        ငါးခွေးလျှာသည် မြေကြီးပေါ်၌ အပြားလိုက်နေနိုင်၍ ကိုယ်အပေါ်ဖက်ပိုင်းသာ ရွံ့နွံ၏အရောင်နှင့် တူကြသည်၊ 

        ထို့ကြောင့်လည်း ငါးခွေးလျှာအုပ်စုဝင် (Tongue Fish)များမှာ အပြားလိုက်နေထိုင်ကြသော (Flat Fish)များဖြစ်ကြပြီး ငါးခွေးလျှာဆိုသည့်အတိုင်း ' လျှာပုံသဏ္ဍာန်' နှင့် ဆင်တူကြပါသည်။ ငါးခွေးလျှာငါးများမှာ ကျောရိုးရှိ (chordata)တွင် ပါဝင်ပြီး ဆူးတောင်ရိုးပျော့ငါး (ray- finned fishes) အုပ်စုဝင်များဖြစ်ကြသည်။ ရေငန်ပိုင်းနှင့် ရေချိုရေငန်စပ်တို့တွင် ငါးခွေးလျှာငါးများကို ပိုမိုရမိတတ်ကြသည်။ 

        ကမ္ဘာတစ်ဝန်းလုံးတွင် ငါးခွေးလျှာမျိုးစေ့ပေါင်း(၆၃)ခု တွေ့ရသည်ဟု မှတ်တမ်းများအရ သိရပါသည်။ မြန်မာနိုင်ငံတွင်လည်း မျိုးစေ့သစ်(၂၁)ခုအား တွေ့ရှိထားသည်ဟု မှတ်သားရဖူးပါသည်။ 

        ငါးခွေးလျှာငါးမှာ ကိုယ်ထည်ရှည်လျားပြီး မျက်လုံးသည် သေးငယ်ပြီး လုံးဝန်းသည့် ပုံစံအနေဖြင့် တွေ့ရှိရပါသည်။ ငါးခွေးလျှာငါး၏ အကြေးခွံပမာဏသည် ကိုယ်ထည် အမျိုးအစားနှင့် နှိုင်းယှဥ်လျှင် ကြီးမားသည်ဟု ယူဆရသည်။ 

        ငါးခွေးလျှာငါး၏ ဇီဝတည်ဆောက်မှုကို လေ့လာကြည့်လျှင့် မျိုးပွားနိုင်သည့်အရွယ် (matural size)တွင် အဓိကအားဖြင့် ရွံ့နွံထူထပ်သော နေရာဖြစ်စေ၊ သဲထူသည့်နေရာတွင်ဖြစ်စေ နေထိုင်လေ့ရှိပြီး ရေတိမ်သည့် ကမ်းရိုးတန်းဒေသများတွင်လည်း နေထိုင်တတ်ကြပါသည်။ နေ့ဘက်တွင် သဲမြေနှင့်ရွံ့နွံအောက်ခြေကို တွင်းတူးနေထိုင်လေ့ရှိပြီး ညဘက်တွင် အစာရှာဖွေစားသောက်လေ့ရှိကြပါသည်။ ငါးခွေးလျှာငါးများမှာ သူတို့၏ အစာအဖြစ် benthic invertebrateဟုခေါ်သော ကျောရိုးမဲ့ ရေသတ္တဝါလေးများကို စားသုံးကြပါသည်။ ငါးခွေးလျှာငါးမှာလည်း မာကျူရီဓါတ်(ပြဒါးဓါတ်)နည်းပါးစွာ ပါဝင်သော ငါးအမျိုးအစားတွင် ပါဝင်သောကြောင့် ယေဘုယျအားဖြင့် အဆိုပါငါးများကို စားပေးခြင်းသည် ကျန်းမာရေးအတွက် ကောင်းကျိုးပြုသည်ဟု သိရပါသည်။ 

        ငါးခွေးလျှာငါးကို အခြောက်ခံ၍ ငါးခြောက်အဖြစ်၊ ဆားနယ်၍ ငါးဆားနယ်အဖြစ်သော်လည်းကောင်း ဈေးကွက်ဝင်အဖြစ်ရောင်းချကြပါသည်။ ဒေသခံများမှာ ငါးခွေးလျှာငါးကို အိုးကပ်၊ အကြွပ်ကြော်၊ ငါးသံပုရာပေါင်းပြုလုပ်စားသုံးကြပါသည်။ 

        ငါးခွေးလျှာငါး၏ အသေးစိတ်အချက်အလက် (Scientific classification) မှာ အောက်ပါအတိုင်းဖြစ်သည်။ 

မျိုးပေါင်းစု (Phylum) - Chordata

အမျိုးအစား (Class) - Actinopterygii

မျိုးစဉ် (Order) - Pleuronectiformes

မျိုးရင်း (Family) - Cynoglossidae

မျိုးစု (Genus) - Cynoglossus

မျိုးစိတ် (Species) - C. lingua တို့ဖြစ်ကြသည်။

ပင်လယ်ပြာ (ငါးဦးစီး)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ရောဂါပိုးမွှားတွေ ဝင်မလာနိုင်ဖို့ဆို အားရှိနေမှဖြစ်မှာနော်.. ဒါက လူတွေမှာတင်မဟုတ်ပါဘူး..မွေးမြူထားတဲ့ တိရစ္ဆာန်လေးတွေမှာလည်း အလားတူပါပဲ။ ဆိုတော့ ငါး၊ ပုစွန်မွေးမြူသူတွေအတွက်လည်း.. သူတို့လေးတွေ အားရှိနေဖို့ အားဆေးလေးတွေ ကျွေးပေးဖို့ လိုပါတယ်ရှင့်။ ဒီအတွက် အခက်အခဲလေး ရှိမယ်ဆိုရင်… ‘ဗွေဆော်ဦး’ မှာရှိတဲ့ ‘Aqua Booster’ လေးက ဖြေရှင်းပေးနိုင်ပါတယ်ရှင့်။ Aqua Booster ဆိုတာ… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝ ကမ္မဆိုင်ရာ အာဟာရအားတိုးဆေးမျိုးပါ။ သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်ပြီး ပုစွန်တွေရဲ့ ကျန်းမာ ရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်။ ဇီဝနည်းဖြင့် ဆွေးမြည့်ပျက်စီးပြီး ရေရှည်တည်တံ့တဲ့စွမ်းအင်မျိုးရှိတာကြောင့် ဘယ်လို ရေလုပ်ငန်း မျိုးနဲ့မဆို သင့်တော်ပြီး အမြတ်အစွန်းတိုးပွားစေနိုင်ပါတယ်။ ဘယ်လိုအကျိုးကျေးဇူးတွေ ရှိစေနိုင်လဲ… ပုစွန်များရဲ့ ကျန်းမာရေးကောင်းမွန်စေလို့ အူလမ်းကြောင်းထဲက pH ကို လျှော့ချပေးပြီး ရောဂါဖြစ်စေဘတ်တီးရီးယားများ လျော့ပါးစေ နိုင်ပြီး သဘာဝအကျိုးပြုဘက်တီးရီးယားများ တိုးပွားစေလို့ ကြီးထွားနှုန်းနှင့် ရှင်သန်နှုန်း မြင့်တက်စေခါတယ်။ ဘက်တီးရီးယားဒဏ်ကို အကောင်းဆုံးခံနိုင်ရည်ရှိစေပြီး အစာမှအသားဖြစ်စေနှုန်းနဲ့ ပရိုတင်း ချေဖျက်မှုကို မြှင့်တင်ပေးလို့ အထွက်နှုန်းကိုလည်းတိုးစေနိုင်ပါတယ်။ (ပဋိဇီဝဆေး မဟုတ်လို့ နောက်ဆက်တွဲပြဿနာများလည်းမရှိသောကြောင့် ထုတ်ကုန်တန်ဖိုးလျော့ကျစေမဲ့ ဓာတ်ကြွင်းအာနိသင်များမရှိပါ။) ကဲ...ဘာစဉ်းစားနေဦးမလဲ...ကိုယ့်ရဲ့ ငါး၊ ပုစွန်လေးတွေကို ‘ Aqua Booster’ နဲ့ အားတွေ မြှင့်ပေးလိုက်တော့လေ...။

Read more

မှာယူရန် နှိပ်ပါ