ရေကိုချွေတာ သုံးစွဲပါ။

17/01/2020 17:00 PM တွင် ထွန်းဝင်းကျော် ထွန်းဝင်းကျော် မှ ရေးသား ပြီး Greenovator Greenovator မှ ပေးပို့ထားပါသည်။

ကောင်းသောနေ့လေးဖြစ်ကြပါစေ။

ဘယ်နိုင်ငံကပဲဖြစ်နေနေ စိုက်ရေးပျိုးရေးမှာ ရေချိုကိုတော့ ထုတ်သုံးရတဲ့သူတွေချည်းပါပဲ။ မြေအောက်က ရေကို ထုတ်ယူသုံးစွဲရတယ်ဆိုရင်တော့ မြေပြိုတာမျိုး မြေတိုက်စားခံရတာမျိုး စတဲ့ပြဿနာတွေကိုပါ ကြုံနိုင်ပါသေးတယ်။ ဘယ်နေရာမဆို လွန်တာကတော့ မကောင်းဘူးပေါ့။

ရေရှိနေတယ်ဆိုတာဟာ ကိုယ့်မှာ အရင်းအမြစ်တစ်ခုကြီး ရှိနေလိုက်တာပါပဲ။ အဲ့အရင်းအမြစ်ကြီးကို ဘယ်လိုထိန်းသိမ်းကြမလဲဆိုတာကိုတော့ တွေးတောပြီးတော့ လိုက်လုပ်သင့်တာ သဘာဝပါပဲနော်။

ပထမဆုံးအချက် - အော်ဂဲနစ်စိုက်ပျိုးရေးကို ဖော်ဆောင်ပါ။

နှစ် (၃၀) ကြာ အော်ဂဲနစ် စိုက်ပျိုးရေးကို အစမ်းသဘောလုပ်ဆောင်ကြည့်ကြတဲ့အခါမှာ စိုက်ထားတဲ့ပြောင်းပင်တွေက ရေမရှိတဲ့အချိန်မှာတောင် ရိုးရိုးအခင်းထက် (၃၀)ရာခိုင်နှုန်း ပိုထွက်တာကို တွေ့ခဲ့ရပါတယ်။ ဘာကြောင့်လဲဆိုတော့ အော်ဂဲနစ်စိုက်ပျိုးရေးမှာ မြေအစိုဓာတ်ကို ထိန်းထားပေးနိုင်တဲ့ နည်းလမ်းတွေပါဝင်ပြီးတော့ သုံးလို့ရတဲ့ ရေချိုတွေကို ညစ်ညမ်းစေတဲ့ ပိုးသတ်ဆေးတွေကိုလည်း ရှောင်ရှားနိုင်တဲ့နည်းလမ်းတွေ ပါဝင်နေလို့ပဲ ဖြစ်ပါတယ်။

ဒုတိယအချက် - ပိုကောင်းတဲ့ ရေပေးဝေ စနစ်ကို အသုံးချပါ။

စိုက်ပျိုးရေးမှာ နာမည်ကျော်တဲ့ အစ္စရေးနိုင်ငံ- ရေမရှိပါဘူး။ ဒါပေမဲ့ အပင်တွေဖြစ်ထွန်းအောင်မြင်နေကြတဲ့ အစက်ချရေသွင်းစနစ်ကို သုံးပြီးတော့ ရေကိုချွေတာပြီးတော့ စိုက်ပျိုးခဲ့ကြပါတယ်။ အမြစ်ကို တိုက်ရိုက်ပို့ဆောင်ပေးတဲ့ ဒီစနစ်ဟာ (၈၀)ရာခိုင်နှုန်းလောက်အထိကို ချွေတာပေးနိုင်တာ ဖြစ်ပါတယ်။

တတိယအချက် - ရေငတ်ခံနိုင်တဲ့ သီးနှံတွေကို ရွေးချယ်ပါ။

ဒေသနဲ့ ကိုက်ညီတဲ့မျိုးက အကောင်းဆုံးပါပဲ။ ရေငတ်တာကိုခံနိုင်တဲ့မျိုးတွေ စိုက်ပျိုးခြင်းအားဖြင့်တော့ ရေကိုလည်းချွေတာနိုင်တဲ့အပြင် စိုက်ပျိုးရေးလုပ်ငန်းအတွက်လည်း စိတ်ချရတဲ့ အခြေအနေတစ်ခုကို ဖန်တီးပေးနိုင်ပါတယ်။

စတုတ္ထအချက် - ရေလောင်းဖို့ အဓိကအချက်တွေကို စုဆောင်းထားပါ။

အပင်တွေမှာ ရေအဓိကလိုအပ်တဲ့အချိန်မှာ ရေပေးနိုင်ဖို့က အရေးကြီးပါတယ်။ အဲ့လိုအချိန်တွေကို သိထားခြင်းအားဖြင့်လည်း စမ်းတဝါးဝါးသွင်းနေ ပေးနေရတဲ့အဆင့်ကနေ ရေကို ချွေတာနိုင်မှာဖြစ်ပါတယ်။

ပဉ္စမအချက် - မြေသားအရည်အသွေးကို ထိန်းသိမ်းပေးပါ။

မြေသားအရည်အသွေးကောင်းတယ် ဆိုတဲ့အချက်တွေထဲမှာ ရေအစိုဓာတ်ကို ထိန်းသိမ်းနိုင်တာလည်း ပါဝင်ပါတယ်။ မြေကောင်းတစ်ခုက အစိုဓာတ်နဲ့ အောက်စီဂျင်ကို ကောင်းကောင်းထောက်ပံ့ပေးနိုင်ပါတယ်။ မြေကောင်းကောင်းရထားတယ်ဆိုရင်တော့ ရေကို အများကြီးလောင်းစရာ မလိုအပ်တော့ဘူးပေါ့။ နွားချေး၊ မြေဆွေး၊ သဘာဝမြေသြဇာတွေကို ထည့်ပေးပြီးတော့ မြေသား အရည်အသွေးကို ထိန်းသိမ်းပေးနိုင်ပါတယ်။

ဆဌမအချက် - သီးလှည့်စိုက်ပါ။

သီးနှံတစ်ခုတည်းကို စိုက်ပျိုးတယ်ဆိုရင် မြေကြီးက အစိုဓာတ်စုပ်ယူမှုနဲ့ အာဟာရစုပ်ယူမှုတွေ တစ်သမှတ်တည်းဖြစ်နေတာမျိုးတွေ ကြုံရပါလိမ့်မယ်။ အဲ့လိုမဟုတ်ပဲ သီးနှံတွေကို လှည့်ပြီးတော့စိုက်ပျိုးမယ်ဆိုရင် အလှည့်ကျထုတ်သုံးသလိုဖြစ်ပြီးတော့ ပြန်လည်ဖြည့်တင်းရတာလည် လွယ်ကူပါလိမ့်မယ်။

သတ္တမအချက် - မိုးရေကို သိုလှောင်ပါ။

မိုးရေကိုလှောင်ပြီးတော့ အောင်မြင်နေကြတယ်ဆိုတာ ဥပမာ ပြရရင် မိုးကောင်းသောက်ဆည်တွေပဲပေါ့။ ရသလောက် သိုလှောင်ပြီးတော့ ပြန်သုံးတာကလည်း မြေအောက်ရေကို ထုတ်ယူရတာကို လျှော့ချနိုင်ပြီးတော့ ရေအရင်းအမြစ်ကို ထိန်းသိမ်းရာရောက်ပါတယ်။

စိုက်ပျိုးရေးမှာ ရေဆိုတာကလည်း တကယ့်ကို အရေးကြီးတဲ့ သွင်းအားစုတစ်ခုဖြစ်ပါတယ်။ အဲ့လိုသွင်းအားစု ရှိတဲ့ ရေအရင်းအမြစ်ကို ထိန်းသိမ်းမယ်။ ချွေတာမယ် ဆိုရင်တော့ နောင်လာနောက်သားတွေအတွက် သုံးလို့ရဦးမယ် လို့ ယုံကြည်ပါတယ်။ တောင်သူဦးကြီးများ စီးပွားအထွက်တိုး နိုင်ကြပါစေ။

ထွန်းဝင်းကျော်

References-https://www.sigfox.com/en/news/8-tips-agricultural-water-conservation

 

 


S&Z International Co., Ltd ကြော်ငြာ
မြေကောင်း အမြစ်သန် ပင်သီးပွင့်ဝေ "ဟူးမစ်ကေ" See More စိုက်ပျိုးမြေတွေက တစ်နှစ်ထက်တစ်နှစ် အဆီအနှစ်တွေခမ်း‌ ခြောက်လာနေလို့ စိတ်ညစ်နေကြပြီလား.. ? မြေဩဇာတွေ ပေါပေါမသုံးနိုင်တော့ အထွက်တွေ မတက်လို့ ခက်နေပြီလား.. ? အဲ့ဒါတွေအားလုံးကို "ဟူးမစ် ကေ" ကို သုံးပေးလိုက်ရုံနဲ့ ဖြေရှင်းနိုင်ပါတယ် ခင်ဗျာ .. "ဟူးမစ်-ကေ"မှာ "ဟူးမစ်အက်စစ်- ၇၀ % ၊ ဖူးဗစ်အက်စစ် -၆-၁၅ % နဲ့ ပိုတက်ဆီယမ် -၁၀-၁၅%" ပါဝင်ပါတယ်..။ အဲ့ဒါတွေက ဘာတွေကောင်းစေတာလဲဆိုတော့… အဲ့ဒီဓာတ်တွေက နှစ်စဉ်ဆုံးရှုံးသွားတဲ့ မြေဆီမြေနှစ်တွေကို ပြန်လည်အားဖြည့်ပေးပြီး မြေဩဇာကို ရေရှည် အကျိုးပြု ထက်သန်စေတာပါပဲ.. မြေကိုဘယ်လိုအားဖြည့်ပေးတာလဲဆိုတော့ "ဟူးမစ်-ကေ" ကို ထည့်ပေးလိုက်တာနဲ့.. မြေသားဖွဲ့စည်းမှုကို ထိန်းညှိကောင်းမွန်စေတာ၊ မြေစေးတာ ဖွယ်တာတွေကို ထိန်းညှိပေးတာ၊ မြေဆီလွှာ အတွင်းက အကျိုးပြုအဏုဇီဝပိုးတွေကို ပွားများရှင်သန်စေတာ၊ မြေဆီလွှာအတွင်း အာဟာရဓာတ်တွေရဲ့ ဖလှယ်နိုင်မှုကို တိုးတက်ကောင်းမွန်စေတာ မြေချဉ်ငံဓါတ်ကိုလဲထိန်းညှိမျှတစေတာ နဲ့မြေဆီလွှာအတွင်း လေဝင်လေထွက် မျှတစေပြီး အစိုဓာတ်ထိန်းသိမ်းမှုကို မျှတစေတာ စတဲ့အကျိုးကျေးဇူးတွေ အများကြီး ရစေတာမို့ပါပဲ... သူ့ချည်းသာလော.. ဆိုရင်တော့ ပိုသေးသဗျ .. သီးနှံပင်တွေကို အမြစ်အားကောင်းစေပြီး အပင်သန်မာကြီးထွားစေ အထွက်နှုန်းတိုးစေတာလေးပါ အဆစ်ပါသေးဆိုတော့.. ကဲ..တောင်သူဦးကြီးတို့ရဲ့ ပျက်စီးနေတဲ့မြေဆီလွှာတွေကို "ဟူးမစ်-ကေ" နဲ့ အထူးဖြစ်နေအောင် ပြုပြင်လိုက်ကြ ပါစို့ဗျာ.. "ဟူးမစ်-ကေ" ကို သူ့ချည်းသက်သက်မသုံးဘဲ ပုလဲ၊ တီစူပါ၊ ပိုတက်အပြင် တခြား ကွန်ပေါင်းဓာတ်မြေဩဇာတွေနဲ့ လူးနယ်ကြဲပက်အသုံးပြုမယ်ဆိုရင်လည်း ဓါမြေဩဇာများအားလေလွင့်ဆုံးရှုံးမှုမှ ကာကွယ်ပေးပြီး ပိုမိုထူးခြားကောင်းမွန်တဲ့ အကျိုးအာနိသင်ကို ရရှိစေနိုင်မှာဖြစ်ပါတယ်ဗျာ..။ ဪ တစ်ခုကျန်သေးသဗျ ရေပျော်စွမ်းအား ၉၉.၉ % ရှိပြီး ရွက်ဖျန်းအားဆေး များဖြင့်လည်းရာစပ်ပက်ဖျန်း ပင်သီးပွင့် ဝေ စေဖို့ အသုံးပြုနိုင် ပါတယ် ခင်ဗျာ။ အသေးစိတ်သိရှိလိုပါက ဆက်သွယ်ရန်- S & Z International Co.,ltd အမှတ်(၁၆)၊ပျဥ်းကတိုးလမ်း၊(၃၄) ရပ်ကွက်၊ဒဂုံမြို့သစ်မြောက်ပိုင်း၊ရန်ကုန် Ph No-09797944994
Read more S&Z facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်