လုပ်ရလွယ်ကူတဲ့ မရောနစ်

    ခုနောက်ပိုင်း မရောနစ်(Mayonnaise)ကို အစားအသောက်တော်တော်များများနဲ့ တွဲဖက်စားသောက်လာကြပြီး လူကြိုက်များလာတာကို တွေ့ရပါတယ်။ ဒါပေမယ့် မရောနစ်ကို အိမ်မှာတော့ မလုပ်စားဖြစ်သေးဘူး။ လုပ်ရတာခက်မယ်လို့ထင်ထားတာကိုး။ လုပ်နည်းသိတော့မှ တကယ်အံ့ဩသွားတယ်။ လုပ်နည်းကလွယ်လွယ်လေးရယ်။ ကုန်ကျစရိတ်လဲတော်တော်နည်းတယ်။ လုပ်ရောင်းရင်တောင် ဝင်ငွေတိုးမယ့် နည်းတစ်နည်းပါ။

ပါဝင်ပစ္စည်းများ

1. ကြက်ဥ- ၂လုံး
2. ဆား- လက်ဖက်ရည်ဇွန်း၂ ဇွန်း
3. သကြား- ထမင်းစားဇွန်း ၂ ဇွန်း
4. ရှာလကာရည်(သို့)သံပုရာရည်- ထမင်းစားဇွန်း၂ ဇွန်း
5. ဆီ- လက်ဖက်ရည်ပန်းကန်လုံးနှစ်လုံး
6. ငရုတ်ကောင်းမှုန့်- ထမင်းစားဇွန်း ၁ ဇွန်း (မကြိုက်ရင်မထည့်လို့ရပါတယ်)

ပြုလုပ်နည်း

• ကြက်ဥ၊ ဆား၊ သကြား ၊ ငရုတ်ကောင်းနှင့် ရှာလကာရည်(သို့)သံပုရာရည်ကို သစ်သီးဖျော်စက်(blender)ထဲကိုထည့်ပြီး မွှေပါ။ 
• မွှေနေရင်း နေကြာဆီ (သို့မဟုတ်) ဟင်းသီးဟင်းရွက်ဆီကို အနည်းငယ်ထည့်ပါ။ ‌မွှေတာကိုရပ်ပြီးထည့်လဲရပါတယ်နော်။ 
• မွှေလိုက် ဆီနည်းနည်းထည့်လိုက် ထပ်မွှေလိုက်လုပ်ပေးပြီး ပျစ်လာရင်အရသာရှိတဲ့ မရောနစ်လေး ရပါပြီ။ ဓာတုဆေးမသုံးပဲတောင် တစ်ခါလုပ်ထားရင် တစ်ပတ်လောက်အထားခံပါတယ်နော်။

သစ်သီးဖျော်စက်(blender)မရှိသူများအတွက်ပြုလုပ်နည်း

• ကြက်ဥ၊ ဆား၊ သကြား ၊ ငရုတ်ကောင်းနှင့် ရှာလကာရည်(သို့)သံပုရာရည်ကို ပန်းကန်လုံးထဲကိုထည့်ပြီး ကြက်ဥမွှေတံဖြင့် မွှေပေးပါ။
• ထို့နောက် ဆီအနည်းငယ်ထည့်ပြီး ဆက်မွှေပါ။
• ၅-၁ဝ မိနစ်လောက် မွှေပြီးရင် ၃ မိနစ်လောက် ခဏနားပါ။
• ပြီးနောက် ဆီထည့်လိုက် မွှေလိုက် ဆက်တိုက်လုပ်ပေးပြီး နောက်ဆုံးအနှစ်တွေပျစ်လာရင် စားသုံးလို့ပါပြီ။ အချိန်ခဏကြာအောင် စိတ်ရှည်လက်ရှည်မွှေပြီးနောက် အရသာရှိတဲ့ မရောနစ်လေးကို ရရှိမှာဖြစ်ပါတယ်။

    မရောနစ်ပမာဏကို များစေချင်ရင် ဆီပမာဏပိုထည့်လို့ရပါတယ်နော်။ နောက်ပြီး အရသာကိုလည်း ကိုယ်ကြိုက်သလို လိုတိုးပိုလျော့လုပ်လို့ရပါတယ်နော်။

ဝတ်မှုံသင်း

(ဆောင်းပါးများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်