မျိုးဈေး ကြီးမြင့်မှုနှင့် စိုက်ပျိုးနည်းစနစ် မကျွမ်းကျင်ခြင်းကြောင့် ဝဥစိုက်ဧကနည်းနေခြင်းဖြစ်

    ဝဥမျိုးဈေး ကြီးမြင့်မှုနှင့် စိုက်ပျိုးနည်းစနစ် မကျွမ်းကျင်ခြင်းတို့ကြောင့် ဝဥစိုက်ဧကများ နည်းနေသေးခြင်းဖြစ်ကြောင်း ကိုယ်တိုင်စိုက်ပျိုးသူများထံမှ သိရသည်။

တောထွက်ဝဥက ရှားလာပြီး ဝယ်သူတွေက များလာပါတယ်။ ဒီလပိုင်းမှာဆို ဝဥစျေးနှုန်းက စျေးချဝယ်တဲ့သူတွေတောင် ပစ္စည်းမရနိုင်ပါဘူး။ စိုက်ပျိုးသူတွေရဲ့ဝဥက စက်ရုံတွေရဲ့လိုအပ်ချက်ပြည့်မီအောင် မထွက်သေးပါဘူး။ ဈေးကွက်ကောင်းတယ်ဆိုရင်လည်း စနစ်တကျစိုက်ပျိုးသူက နည်းသေးတယ်။ အများစုက ဧကတစ်ဝက်လောက်ပဲ စိုက်နိုင်သေးတာပါ။ ဝဥမျိုးတွေ စျေးကြီးမှုကြောင့်ပေါ့။ သုံးဧကနဲ့အထက်စိုက်ပျိုးသူ အရမ်းနည်းလွန်းပါတယ်။ ဝဥက စနစ်တကျမစိုက်တတ်ရင် မဖြစ်ထွန်းပါဘူးခင်ဗျာ။ ချင်းပြည်နယ်မှာသာ ဝဥစိုက်ပျိုးသူများတာပါ။ တခြားဒေသမှာက စမ်းသပ်စိုက်ပျိုးသူတွေ၊ အနည်းအကျဉ်း စိုက်ပျိုးသူတွေသာ ရှိပါသေးတယ်။

ဟု ဝဥစိုက်တောင်သူ ကိုစောလှမင်းက ပြောသည်။

    မြန်မာနိုင်ငံတွင် ဝဥသီးနှံကို ချင်းပြည်နယ်ရှိ မင်းတပ်မြို့နယ်၊ မတူပီမြို့နယ်၊ ကန်ပက်လက်မြို့နယ် အစရှိသည့်ဒေသများမှ အများဆုံးထွက်ရှိနေပြီး၊ ကျန်ဒေသများ၌လည်း စီးပွားဖြစ်စိုက်ပျိုးထုတ်လုပ်လာကြသည်။

မျိုးဉနဲ့ အရွက်သီးဈေးနှုန်းက တစ်နှစ်နဲ့တစ်နှစ်မတူဘူး။ ဝဥဈေးတွေကလည်း တစ်နှစ်နဲ့တစ်နှစ် တက်တက်လာတော့ မျိုးဈေးတွေကလည်း တက်တက်သွားတာပဲလေ။ ဒီနှစ်ဆို အလုံးငါးဆယ်ကနေ တစ်ရာကျော်လောက်ပဲပါတဲ့ အရွက်သီးတစ်ပိဿာကို သောင်းရှစ်ထောင်ကျပ်လောက်နဲ့ ရောင်းနေကြတယ်။ အရွက်သီးဈေးကို သောင်းနှစ်ထောင်လောက်နဲ့ ဈေးစခဲ့တာဆိုရင် စိုက်ပျိုးရာသီကုန်ချိန်ဆို သောင်းရှစ်ထောင်လောက်နဲ့ လိုက်ဝယ်နေကြတယ်။ မျိုးဥကျတော့ ဈေးအစားစား ရှိတယ်။ သူ့အရွယ်အစားပေါ်မူတည်ပြီး ရောင်းနေကြတယ်။ တစ်ပိဿာကို လေးထောင်ကနေ ငါးထောင်၊ ခြောက်ထောင်၊ ခုနှစ်ထောင်၊ ရှစ်ထောင်အထိ ဈေးရှိတယ်။

ဟု ချင်းပြည်နယ်တောင်ပိုင်း ဝဥအစုအဖွဲ့မှ အဖွဲ့ဝင် ဦးကီးဟုန်းက ပြောသည်။

    နှစ်စဉ် ဇွန်လ၊ ဇူလိုင်လ၊ ဩဂုတ်လများသည် ဝဥအရောင်းအဝယ်အေးသည့် ကာလများဖြစ်ပြီး စက်တင်ဘာလနောက်ပိုင်း ကာလများတွင်မူ ဝဥစက်ရုံများ စျေးဖွင့်ဝယ်ယူချိန်ဖြစ်သဖြင့် ဝဥအရောင်းအဝယ်ဈေးကွက် ပြန်လည်စတင်လည်ပတ်လေ့ရှိကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more