အကောင့် ဟက်ခံရခြင်း

“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေးကနေ ကြိုဆို လိုက်ပါတယ် ခင်ဗျ။ ယခင်တစ်ပတ်ကတော့ ဖုန်းအားအမြန်သွင်းနိုင်မယ့် နည်းလမ်းလေးတွေ မျှဝေပေးခဲ့တာ ဖြစ်ပါတယ် ခင်ဗျ။ ယခုတစ်ပတ်မှာတော့ အင်တာနက်သုံးရင်း အကောင့်ဟက်ခံရတဲ့ အကြောင်းကို မျှဝေပေးသွားမှာ ဖြစ်ပါတယ် ခင်ဗျ။

ယနေ့ခေတ်မှာ လူမှုကွန်ယက် မီဒီယာတွေ အကောင့်တွေသာမက ဘဏ်အကောင့်တွေ၊ ဖေ့စ်ဘုတ် စာမျက်နှာတွေပါ အဟက်ခံနေရတာကို ကြားဖူး မြင်ဖူးနေကြမှာပါ။ အကောင့် အဟက်ခံရရင် မိမိရဲ့ ကိုယ်ရေးအချက်အလက်တွေ ပေါက်ကြားသွားနိုင်တာမို့ သတိပြုဖို့လိုအပ်ပါတယ်။ ဒီလို အဟက်ခံရတယ်ဆိုတာ မိမိရဲ့ လုံခြုံရေးဆိုင်ရာ ဆောင်ရွက်မှုတွေ အားနည်းတာကြောင့်ဖြစ်လို့ သတိထား လုပ်ဆောင်သင့်တာလေးတွေကို မျှဝေပေးလိုက်ပါတယ် ခင်ဗျ။

၁။ အားနည်းတဲ့ လျှို့ဝှက်နံပါတ်များ အသုံးပြုခြင်း

လူမှုကွန်ယက် မီဒီယာတွေအသုံးပြုတဲ့ အခါမှာ လူအများစုဟာ လျှို့ဝှက်ကုဒ်ကို မှတ်မိလွယ်အောင် မိမိရဲ့ မွေးနေ့၊ မှတ်ပုံတင်နံပါတ်၊ ဖုန်းနံပါတ် စတာတွေကို သုံးလေ့ရှိကြပါတယ်။ နောက်တစ်ခုကတော့ အသုံးပြုတဲ့ အကောင့်မှန်သမျှကို လျှို့ဝှက်ကုဒ်တစ်ခုပဲ ထားပြီး အသုံးပြုတာ ဖြစ်ပါတယ်။ ဒါကြောင့် လျှို့ဝှက်ကုဒ်သတ်မှတ်တဲ့ အခါ စာလုံးအကြီး၊ အသေးနဲ့ သင်္ကေတမျိုးလေးတွေ ထည့်ပြီးသတ်မှတ်ထားသင့်ပါတယ်။

၂။ ပက်စ်ဝက် မန်နေဂျာ (password manager) မသုံးခြင်း

ယနေ့ခေတ်မှာ လူတစ်ယောက်ဟာ အနည်းဆုံး အကောင့် ၂ ခုမှ ၃ ခုလောက်အထိတော့ရှိကြပါတယ်။ ဒါကြောင့် မိမိကိုယ်တိုင် မှတ်ဖို့ အခက်အခဲရှိနေတယ်ဆိုရင် ပက်စ်ဝက် မန်နေဂျာဆော့ဝဲ သုံးပြီး မိမိရဲ့ အချက်အလက်တွေကို သိမ်းထားလိုက်တာဟာ ပိုပြီးစိတ်ချရပါတယ်။

၃။ ကိုယ်မသိတဲ့ အီးမေးလ်၊ လင့် တွေ ဖွင့်ကြည့်မိခြင်း

မိမိရဲ့ ဖုန်းထဲ၊ မက်ဆေ့ချ်ထဲကို ဘယ်ကလာမှန်းမသိတဲ့ လင့်တွေ၊ မေးလ် တွေရောက်နေတယ်ဆိုရင် မဖွင့်ကြည့်သေးပဲ အရင်စစ်ဆေးသင့်ပါတယ်။ ပိုသေချာချင်ရင်တော့ ပိုတဲ့သူကို အတည်ပြု မေးမြန်း စစ်ဆေးပြီးမှ ဝင်ကြည့်တာ ပိုစိတ်ချရပါတယ် ခင်ဗျ။

၄။ အများသုံး ဝိုင်ဖိုင်မှာ ချိတ်ဆက်အသုံးပြုခြင်း

ကော်ဖီဆိုင်တို့ စားသောက်ဆိုင်တို့မှာလို ဝိုင်ဖိုင် အင်တာနက် အလကားသုံးခြင်းဟာ မိမိရဲ့ ကိုယ်ပိုင်အင်တာနက်နဲ့ သုံးနေတာ မဟုတ်လို့ နည်းပညာ ကျွမ်းကျင်သူ တစ်ယောက်ယောက်က မိမိရဲ့ ကိုယ်ရေးအချက် အလက်တွေကို ကြည့်နေတာမျိုး၊ ဟက်ခံရတာမျိုးလည်း ရှိနေနိုင်တာမို့ သတိပြုရမှာ ဖြစ်ပါတယ် ခင်ဗျ။ မိမိရဲ့ အကောင့် အဟက်မခံရစေဖို့ အထက်မှာ ဖော်ပြခဲ့တဲ့ အချက်လေးတွေကို သတိထား အသုံးပြုကြပါလို့ အကြံပေးချင်ပါတယ် ခင်ဗျ။

ယခင်တစ်ပတ်က ဖုန်းအားအမြန်သွင်းနိုင်မယ့် နည်းလမ်းလေးတွေ. အကြောင်းဖော်ပြထားတဲ့ ဆောင်းပါလေးကို ပြန်လည်ဖတ်ရှုချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။

ဖုန်းအားအမြန်သွင်းနိုင်မယ့်နည်းလမ်းများ

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ပြန်လည်ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...