ကြက်သွန်နီဈေးနှုန်း အနည်းငယ်ကျဆင်း

ကြက်သွန်နီ Export တင်ပို့ရာတွင် အရည်အသွေးပိုင်း ကန့်သတ်ချက်များရှိနေသဖြင့် ယခုရက်အတွင်း ပြည်တွင်းကြက်သွန်နီဈေးနှုန်းများ အနည်းငယ် ပြန်လည်ကျဆင်းလာကြောင်း သိရသည်။

ကြက်သွန်နီဈေးက တအားထိုးကျတာမျိုးတော့ မဟုတ်ဘူး။ တောင်သူတွေက ပြည်ပတင်ပို့တဲ့ ကြက်သွန်တွေထဲ အထားမခံတဲ့ကြက်သွန်တွေ ထုတ်ရောင်းကြတယ်၊ ကုန်သည်ပွဲစားကလည်း မြတ်တယ်ဆိုပြီး အဲ့ဒါတွေကို ရောရောပြီး Export လုပ်ခဲ့တယ်။ တင်ပို့လိုက်ပြီး ၁၅ ရက်လောက်အကြာမှာ ကြက်သွန်တွေက အညှောင့်ပေါက်လာတယ်။ အဲ့ဒီအခါ ဘင်္ဂလားဒေရှ့်ဘက်ကနေ မြန်မာကြက်သွန်တွေကို အပုပ်တွေများတယ်ဆိုပြီး အဝယ်ကိုရပ်လိုက်တာပေါ့။ အဲ့ဒါကြောင့်မို့ Export တန့်သွားတဲ့အခါကျတော့ အလိုလို ဈေးပြန်ကျသွားတဲ့သဘောပါ။

ဟု မန္တလေးတိုင်းဒေသကြီး၊ မြင်းခြံမြို့မှ ကြက်သွန်နီစိုက်ပျိုးထုတ်လုပ် တင်ပို့ရောင်းချသူ ဦးဝင်းမြင့်ဌေးက ပြောသည်။

အောက်တိုဘာလ ၂၀ ရက်ဝန်းကျင်အထိ ကြက်သွန်နီအရည်အသွေးပေါ်မူတည်၍ ခြံကောက်ဈေး တစ်ပိဿာလျှင် ၄၀၀ ကျပ်မှ ၇၅၀ ကျပ်အတွင်း ဈေးနှုန်းများ ရရှိခဲ့ကြောင်း သိရသည်။

အရင်ကတော့ ဘယ်လောက်ပမာဏရရ ယူမယ်ဆိုတဲ့ သဘောဖြစ်ခဲ့ပေမယ့် အခုကျတော့ သန့်မှ တင်ပို့လို့ရမယ့်သဘောဆိုတော့ ပွဲစားတွေက ထုတ်ကွက်မရှိတော့တာပါ။ တကယ့်တကယ် အရည်အသွေးကောင်းတဲ့ကြက်သွန်ဆိုရင်တော့ တစ်ပိဿာကို ၅၅၀/၆၀၀ ကျပ်ဝန်းကျင် ရနိုင်ပါတယ်။ ကြက်သွန်ကလည်း အရည်အသွေးအမျိုးမျိုးရှိတယ်။ သိုလှောင်ရုံကို သီးသန့်မထားဘဲ ကိုယ်နေတဲ့အိမ်လေးဘေးမှာ အဖီလေးလုပ်ထားပြီး၊ ကြက်သွန်တွေ ပုံတိုက်ပြီး စုလှောင်ထားတာမျိုးဆိုရင် အရည်အသွေးကျဆင်းမှု ရှိတတ်ပါတယ်။

ဟု ဦးဝင်းမြင့်ဌေးက ဆက်လက်ပြောသည်။

ကြက်သွန်နီ Export တင်ပို့ရာတွင် အရည်အသွေးပိုင်း ကန့်သတ်ချက်များအနေဖြင့် ကြက်သွန်နှုတ်ပြီးချိန် မူလပုံစံမပျက်အတိုင်း ကြက်သွန်မြိတ်ခြောက်နေခြင်း၊ မိုးလေကင်းလွတ်၍ သန့်ရှင်းမှုရှိကာ လေဝင်လေထွက်ကောင်းသော သိုလှောင်ရုံအမျိုးအစားတွင် သိုလှောင်ထားခြင်း၊ ကြက်သွန်အခွံ ညို/ရှုံ့မှုမဖြစ်ခြင်း စသည့်အချက်များနှင့်ပြည့်စုံရမည်ဖြစ်ကြောင်း သိရသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ကြက်သွန်နီဈေးနှုန်း အနည်းငယ်ကျဆင်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ကြက်သွန်နီဈေးနှုန်း အနည်းငယ်ကျဆင်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

စက်တင်ဘာလ (၁၁)ရက် မှ (၁၅)ရက်နေ့ထိ အပြောင်းအလဲဖြစ်ပေါ်ခဲ့သော ကုန်စည်စျေးနှူန်းများစာရင်း

ခရမ်းချဉ် သီး တွေရော၊ အာလူး တွေပါ သီးတဲ့ TomTato အပင်

စားနပ်ရိက္ခာဖူလုံရေး သားစဉ်မြေးဆက်ပေး အစီအစဉ်မှ ပညာပေး သင်ထောက်ကူပစ္စည်းများ

{{ post.title }}