ပြည်ပသို့ ကုက္ကိုလ်သစ်ခွဲသားများ တင်ပို့ခွင့်မပြုကြောင်း အသိပေးစာထုတ်

ရန်ကုန်၊ စက်တင်ဘာ ၂၆

   ကုမ္ပဏီများက ပြည်တွင်းရှိ ကုက္ကိုလ်သစ်ခွဲသားများကို ပြည်ပသို့ တင်ပို့ခွင့်လျှောက်ထားလာခြင်းနှင့်ပတ်သက်၍ ကုက္ကိုလ်သစ်ခွဲသားများကို ပြည်ပသို့ တင်ပို့ခွင့်မပြုကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနက အသိပေးစာထုတ်ပြန်ထားသည်။

  သဘာဝပတ်ဝန်းကျင်ကို အကျိုးပြုလျက်ရှိသည့် သက်တမ်းရင့် ကုက္ကိုလ်ပင်ကြီးများကို သဘာဝပတ်ဝန်းကျင်ရှုထောင့်မှ ထိန်းသိမ်းကာကွယ် စောင့်ရှောက်နိုင်ရေးအတွက် ကုက္ကိုလ်သစ်ခွဲသားများကို ပြည်ပသို့တင်ပို့ခွင့် မပြုကြောင်း အသိပေးစာထုတ်ပြန်ထားသည်။

   မြန်မာနိုင်ငံအနှံ့အပြားတွင် စိုက်ပျိုးထားရှိသည့် သက်တမ်းရင့်ကုက္ကိုလ်ပင်ကြီးများသည် ရာသီဥတုပြောင်းလဲမှုနှင့် သဘာဝပတ်ဝန်းကျင် ပျက်စီးယိုယွင်းမှုများကို နှစ်ပေါင်းများစွာအကာအကွယ်ပေးလျက်ရှိပြီး လူသားတို့ကို အကျိုးပြုလျက်ရှိသည့်အတွက် မျိုးသုန်းလျော့နည်းပျောက်ကွယ်မှု မရှိစေရန် ထိန်းသိမ်းစောင့်ရှောက်သင့်ကြောင်း အသိပေးစာတွင်ပါရှိသည်။

   ထို့ပြင် သြဂုတ်လ ၁ ရက်နေ့မှစတင်ကာ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနက သစ်တောဥပဒေအရ ထိရောက်စွာ ထိန်းသိမ်းကာကွယ်နိုင်ရန်အတွက် မြန်မာနိုင်ငံတစ်ဝန်းလုံးတွင် တားမြစ်သစ်ပင်အဖြစ် သစ်ပင်အမျိုးအစား ၅၂ မျိုးကို သတ်မှတ်ထားသည်။

   တားမြစ်လိုက်သည့်သစ်ပင်အမျိုးအစား ၅၂ မျိုးတွင် ကျွန်း၊ သစ်ခါး၊ သစ်ရှို၊ သင်္ကန်း (သင်္ကန်းရွှေ၊ သစ်သင်္ကန်း)၊ သင်္ကန်းနက် (သင်္ကန်းကျောက်)၊ သင်္ကန်းပွဲ (သင်္ကန်းမကလေးပင်)၊ တညင်ပျံ၊ ပျဉ်းကတိုး (ပျဉ်းပင်)၊ ရှား၊ ပိတောက်၊ ကညင်ဖြူ၊ ကညင် (ကညင်နီ၊ ကညင်ဝက်တောင်း) တို့ပါဝင်သည်။ 

အေးအေးမြင့်(ABM)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်