ငါးရစ်/ငါးသန် ဘေးမဲ့ချန်ပြီး ငါးသယံဇာတများ ဝိုင်းကူထိန်းသိမ်းပေးကြပါ

ငါးရစ်/ငါးသန်ကာလဖြစ်သည့် မိုးဖြိုင်ဖြိုင်ရွာသော မေလနှောင်းပိုင်းနှင့် ဇွန်၊ဇူလိုင်လ များတွင် မြစ်၊ ချောင်း၊ အင်းအိုင်အနှံ့အပြား၌ ဥများဖြင့်ပြည့်နေသော ငါးမကြီးများနှင့် မျိုးရည်ပြည့်ဝနေသော ငါးထီးကြီးများသည် ဥချရန်နေရာရှာ၍ ငါးရစ်တက်လေ့ရှိကြပါသည်။

ငါးရစ်ငါးဆိုသည်မှာ ငါးဥများ၊ မျိုးရည်များရင့်မာပြီး မျိုးပေါက်ဖွားဖို့ရာ အသင့်ဖြစ်နေကြသည့် ငါးအထီး၊ ငါးအမ အားလုံးကိုခြုံငုံပြီး ငါးရစ်ငါးဟု ခေါ်ကြခြင်းဖြစ်ပါသည်။ ငါးများ ငါးရစ်တက်သည် ဆိုသည်မှာ မိုးဖြိုင်ဖြိုင်ရွာသည့် မေလ နှောင်းပိုင်းနှင့် ဇွန်၊ ဇူလိုင်လများတွင် မြစ်၊ ချောင်းများထဲမှ ငါးရစ်ငါးများသည် ရေစီးကြောင်းအတိုင်း ရေတိမ်ကွင်းများရှိရာဘက်ကို မြူးထူးစွာဆန်တက်ကူးခပ်ပြီး ဥချပေါက်ဖွားဖို့ သွားကြသည်ကို ငါးရစ်တက်သည်ဟု ဆိုပါသည်။

ထိုငါးရစ်တက်နေသောငါးများကို ဖမ်းဆီးလိုက်ပါက ပေါက်ပွားလာမည့် သန်းပေါင်းများစွာသော ငါးသားပေါက်လေးများသည်လည်း သေကြေပျက်စီးကာ တစ်နိုင်ငံလုံး ဖူလုံစွာ ငါးစားသုံးမှုနှင့် လူမှု စီးပွားဖွံ့ဖြိုးမှုကို အထောက်အကူ မပြုနိုင်တော့ဘဲ ငါးမျိုးပြုန်းတီးစေနိုင်ပါသည်။

ငါးဆိုသည့်အမျိုးက ဥရှိမှအကောင်ဖြစ်လာပြီး အသေးရှိမှ အကြီးဖြစ်လာတာမို့ မျိုးကျန်အောင် ချန်ထားပေးသင့်ပါသည်။ ငါးများဥချတော့မည့်အချိန်တွင် ဥများနှင့်ဖောင်းကားနေသော မျိုးပွားတော့မည့် မျိုးငါးကြီးများကို အကုန်အစင် ဖမ်းဆီးပစ်၊ စားသုံးပစ်လိုက်လျှင် တဖြည်းဖြည်းနှင့် ငါးမျိုးများ မျိုးသုဥ်းပြုန်းတီးလာနိုင်ပါသည်။

ယခုလို မိုးရာသီကာလရောက်ပြီဆိုလျှင်ဖြင့် ငါးရစ်များ တက်ချိန်၊ ငါးများ ဥဥချိန်များ ဖြစ်သဖြင့် စျေးထဲတွင်ဥပါသော ငါးတချို့ကို ရောင်းချနေကြသည်ကို တွေ့ကြရပါလိမ့်မည်။ အထူးသဖြင့် ဥပါသော ငါးပုဏ္ဏား၊ ငါးသလောက်၊ ငါးဇင်ရိုင်းများကို တွေ့ကြရပါမည်။ သို့သော် ရေရှည်အကျိုးကိုသာ ရှု့မျှော်ကြည့်တတ်မည်ဆိုပါက ငါးသလောက်ဥ၊ ငါးပုဏ္ဏားဥ အပါအဝင် မည်သည့်ငါးဥကိုမျှ မစားသင့်ပေ။

အဘယ်ကြောင့်ဆိုသော် ငါးဥအတွဲတစ်တွဲတွင် ငါးဥကလေးပေါင်း မြောက်များစွာ ပါရှိနေကြပါသည်။ ငါးဥအတွဲကြီး တစ်တွဲလုံးတွင်ပါရှိသော တစ်ခုချင်းစီသောဥများ အားလုံးထဲမှ ငါးကြီးများအဖြစ် ရှင်သန်ပေါက်ဖွားမလာနိုင်သည့်တိုင်အောင် ပျှမ်းမျှ ထိုငါးဥတွဲကြီး၏ သုံးပုံနှစ်ပုံခန့်(သို့) ထက်ဝက်နီးပါးလောက်သောဥများမှ ငါးကြီးများအဖြစ် မလွဲမသေ ရှင်သန်ပေါက်ဖွားလာကြပါလိမ့်မည်။

ထို့ကြောင့်လည်း ငါးလုပ်ငန်းဦးစီးဌာနမှ နှစ်စဥ်နှစ်တိုင်း ငါးရစ်တက်ချိန်၊ ငါးဥချချိန်များတွင် သတင်းစာ၊ ရေဒီယို၊ ရုပ်မြင်သံကြား စသည့် လူမှုဆက်သွယ်ရေးကွန်ရက်များမှ တစ်ဆင့် “ဥနှင့်ငါးကို ပွားစေလို ၊ ငါးရစ်ဆို မဖမ်းနဲ့”၊ “ငါးရစ်ငါးသန် ဘေးမဲ့ချန်၊ ပုံမှန်စားသုံး မျိုးမသုဥ်း”၊ “ငါးရစ်တစ်ကောင်သုံးလရှောင်၊ ထောင်သောင်းတိုးပွား ရေရှည်စား” စသောဆောင်ပုဒ်များအပါအဝင် ရေနေသယံဇာတထိန်းသိမ်းရေး ပညာပေးပိုစတာများ စိုက်ထူခြင်း၊ လက်ကမ်းစာစောင်များ ဖြန့်ဝေခြင်း၊ ငါးရစ်ငါးသန်နှင့် ရေနေသယံဇာတထိန်းသိမ်းရေး ဟောပြောပွဲများပြုလုပ်ခြင်း၊ ကွင်းဆင်းစစ်ဆေးခြင်း၊ အသံချဲ့စက်ဖြင့် ကြေငြာခြင်းများ ပြုလုပ်ကြပါသည်။

တားမြစ်ထားသော ငါးရစ်/ငါးသန်ချိန်ကာလ (မေ၊ ဇွန်၊ ဇူလိုင်)လများတွင် သဘာဝရေပြင်မှ ငါး/ပုစွန်များကို ဖမ်းယူခြင်း၊ သတ်ဖြတ်ခြင်း၊ သယ်ယူခြင်း၊ ပို့ဆောင်ခြင်း၊ သိုလှောင်ခြင်း၊ လက်ဝယ်ထားရှိခြင်း၊ ရောင်းဝယ်ခြင်း(သို့)အခြားနည်းဖြင့် တစ်စုံတစ်ရာနှောင့်ယှက်ခြင်း မပြုလုပ်ကြရန် တားမြစ်ထားပြီး ဖောက်ဖျက်ကျူးလွန်သူများအား ရေချိုငါးလုပ်ငန်းဥပဒေပုဒ်မ(၆၂)အရ တရားစွဲဆို အရေးယူခြင်းခံရမည်ဖြစ်သဖြင့် ရှောင်ရှားကြပါရန် တိုက်တွန်းအပ်ပါသည်။

သို့ပါသောကြောင့် ငါးသယံဇာတများ မပျောက်ပျက်ရလေအောင် ရေလုပ်သားများမှလည်း ငါးရစ်တက်ချိန်နှင့် ငါးသားပေါက်လေ့ရှိသော မိုးရာသီကာလတွင် ငါးရစ်ငါးများ လွတ်လပ်စွာ ဥချသား ပေါက်နိုင်ရေးနှင့် နုနယ်လှသော ငါးသားပေါက်များ ဆက်လက်ရှင်သန်ကြီးထွားနိုင်ရေးတို့အတွက် ငါးရစ်ငါးများနှင့် ငါးသားပေါက်များကို ဖမ်းဆီးခြင်း မပြုဘဲ တာဝန်သိစိတ်ဖြင့် ဘေးမဲ့လွှတ်ပေးသင့် ပါကြောင်း ရေးသားတင်ပြလိုက်ရပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ရောဂါပိုးမွှားတွေ ဝင်မလာနိုင်ဖို့ဆို အားရှိနေမှဖြစ်မှာနော်.. ဒါက လူတွေမှာတင်မဟုတ်ပါဘူး..မွေးမြူထားတဲ့ တိရစ္ဆာန်လေးတွေမှာလည်း အလားတူပါပဲ။ ဆိုတော့ ငါး၊ ပုစွန်မွေးမြူသူတွေအတွက်လည်း.. သူတို့လေးတွေ အားရှိနေဖို့ အားဆေးလေးတွေ ကျွေးပေးဖို့ လိုပါတယ်ရှင့်။ ဒီအတွက် အခက်အခဲလေး ရှိမယ်ဆိုရင်… ‘ဗွေဆော်ဦး’ မှာရှိတဲ့ ‘Aqua Booster’ လေးက ဖြေရှင်းပေးနိုင်ပါတယ်ရှင့်။ Aqua Booster ဆိုတာ… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝ ကမ္မဆိုင်ရာ အာဟာရအားတိုးဆေးမျိုးပါ။ သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်ပြီး ပုစွန်တွေရဲ့ ကျန်းမာ ရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်။ ဇီဝနည်းဖြင့် ဆွေးမြည့်ပျက်စီးပြီး ရေရှည်တည်တံ့တဲ့စွမ်းအင်မျိုးရှိတာကြောင့် ဘယ်လို ရေလုပ်ငန်း မျိုးနဲ့မဆို သင့်တော်ပြီး အမြတ်အစွန်းတိုးပွားစေနိုင်ပါတယ်။ ဘယ်လိုအကျိုးကျေးဇူးတွေ ရှိစေနိုင်လဲ… ပုစွန်များရဲ့ ကျန်းမာရေးကောင်းမွန်စေလို့ အူလမ်းကြောင်းထဲက pH ကို လျှော့ချပေးပြီး ရောဂါဖြစ်စေဘတ်တီးရီးယားများ လျော့ပါးစေ နိုင်ပြီး သဘာဝအကျိုးပြုဘက်တီးရီးယားများ တိုးပွားစေလို့ ကြီးထွားနှုန်းနှင့် ရှင်သန်နှုန်း မြင့်တက်စေခါတယ်။ ဘက်တီးရီးယားဒဏ်ကို အကောင်းဆုံးခံနိုင်ရည်ရှိစေပြီး အစာမှအသားဖြစ်စေနှုန်းနဲ့ ပရိုတင်း ချေဖျက်မှုကို မြှင့်တင်ပေးလို့ အထွက်နှုန်းကိုလည်းတိုးစေနိုင်ပါတယ်။ (ပဋိဇီဝဆေး မဟုတ်လို့ နောက်ဆက်တွဲပြဿနာများလည်းမရှိသောကြောင့် ထုတ်ကုန်တန်ဖိုးလျော့ကျစေမဲ့ ဓာတ်ကြွင်းအာနိသင်များမရှိပါ။) ကဲ...ဘာစဉ်းစားနေဦးမလဲ...ကိုယ့်ရဲ့ ငါး၊ ပုစွန်လေးတွေကို ‘ Aqua Booster’ နဲ့ အားတွေ မြှင့်ပေးလိုက်တော့လေ...။

Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်

ငါးရစ်/ငါးသန် ဘေးမဲ့ချန်ပြီး ငါးသယံဇာတများ ဝိုင်းကူထိန်းသိမ်းပေးကြပါ

ဗွေဆော်ဦး ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ငါးရစ်/ငါးသန် ဘေးမဲ့ချန်ပြီး ငါးသယံဇာတများ ဝိုင်းကူထိန်းသိမ်းပေးကြပါ

ဗွေဆော်ဦး ကြော်ငြာ

ဆွေးနွေးချက်များ

ဆက်စပ်ဆောင်းပါးများ

ရခိုင်ပြည်နယ် ရေချို ငါးဖမ်းလုပ်ငန်း ဥပဒေနှင့် ရေလုပ်သားများ၏လူမှုဘဝ

ပင်းတယမြို့က ပျားမွေးမြူရေးအကြောင်း

နည်းစနစ်သစ်များဖြင့် ကျေးလက်ဒေသ မွေးမြူရေး တိုးတက်ကောင်းမွန်လာခြင်း

{{ post.title }}