GACC လက်မှတ်နဲ့အတူ မြန်မာ့ထောပတ်သီး တရုတ်နိုင်ငံသို့ တရားဝင်တင်ပို့နိုင်

ယခုနှစ် ထောပတ်သီးရာသီအတွက် မြန်မာနိုင်ငံထွက် ထောပတ်သီးများကို တရုတ်နိုင်ငံသို့ တရားဝင်လမ်းကြောင်းမှ တင်ပို့နိုင်လာပြီဟု မြန်မာနိုင်ငံ ထောပတ်သီးစိုက်ပျိုးထုတ်လုပ်တင်ပို့ရောင်းချသူများအသင်း (MAVO) မှ သိရသည်။

တရုတ်နိုင်ငံသို့ ထောပတ်သီးတင်ပို့ရာတွင် တရုတ်နိုင်ငံ အကောက်ခွန်အထွေထွေအုပ်ချုပ်မှုအာဏာပိုင်အဖွဲ့ (GACC) ၏ သတ်မှတ်ချက်များအတိုင်း ပင်လယ်ရေကြောင်းမှတစ်ဆင့် တင်ပို့ရမည်ဖြစ်သည်။ ထို့ကြောင့် တင်ပို့လိုသည့် လုပ်ငန်းရှင်များအနေနဲ့လည်း GACC လက်မှတ် (Certificate) ရရှိထားဖို့လိုအပ်နေကြသည်။

“GACC လက်မှတ်ရှိမှသာ တင်ပို့ခွင့်ရမယ်။ တရုတ်ဖက်က အစားအစာနဲ့ပတ်သက်တာမှာ တင်းတင်းကြပ်ကြပ် စစ်ဆေးတတ်တယ်။ ဓာတ်မြေဩဇာနဲ့ ပိုးသတ်ဆေး ဓာတ်ကြွင်းတွေ့ရင် မယူဘူး။ ပြန်ပို့ခံရတတ်တယ်။ လုပ်ငန်းရှင်အနေနဲ့လည်း သတိထားဖို့လိုတယ်” ဟု ထောပတ်သီးတင်ပို့လုပ်ငန်းရှင်တစ်ဦးက ပြောသည်။

တရုတ်နိုင်ငံသို့ တရားဝင်လမ်းကြောင်းမှ တင်ပို့နိုင်ခြင်းကြောင့် ပြည်တွင်းထောပတ်သီးစျေးကွက် တိုးတက်လာနိုင်ပြီး ထောပတ်စိုက်တောင်သူများအတွက် အကျိုးအမြတ် ရရှိနိုင်မည်ဟု စိုက်ပျိုးသူများက မျှော်မှန်းထားကြသည်။

အဆိုပါရာသီတွင် တရုတ်အပြင် အိန္ဒိယနိုင်ငံသို့လည်း မြန်မာနိုင်ငံထုတ် အေးခဲထောပတ်သီး တန်ချိန် ၂၀၀ ခန့် တင်ပို့နိုင်ရေးအတွက် နှစ်နိုင်ငံတာဝန်ရှိသူများ ဆွေးနွေးနေကြသည်ဟု သိရသည်။

ပြီးခဲ့သည့် ထောပတ်သီးရာသီကာလအတွင်းတွင် ထိုင်းနိုင်ငံတစ်နိုင်ငံကိုသာ အဓိကတင်ပို့ခဲ့ပြီး ထောပတ်သီး တန်ချိန် ၃,၀၀၀ ဝန်းကျင်သာ ပြည်ပသို့ တင်ပို့နိုင်ခဲ့ကြောင်း သိရသည်။

ယခုနှစ်တွင်တော့ ထောပတ်သီး တင်ပို့ပမာဏကို တန်ချိန် ၅,၀၀၀ အထိ တိုးလာနိုင်မည်ဟု ခန့်မှန်းထားပြီး တင်ပို့မှုများကို ဒီဇင်ဘာလအတွင်း စတင်လုပ်ဆောင်မည်ဖြစ်သည်။

ပြည်တွင်းထောပတ်သီးအထွက်နှုန်းကောင်းပေမယ့် အရည်အသွေးမြင့်အသီးနည်းနေခြင်းကြောင့် Hass မျိုးအမျိုးအစားကို အဓိကတင်သွင်းစိုက်ပျိုးနေကြသည်။ Hass မျိုးသည် အမေရိကန်နိုင်ငံကယ်လီဖိုးနီးယားတွင် မျိုးစပ်ထုတ်လုပ်ထားသည့် ထောပတ်သီးဖြစ်ပြီး ပြည်ပတင်ပို့ရာတွင်လည်း ထိုအမျိုးအစားကိုသာ အသုံးပြုနေကြကြောင်း သိရသည်။

AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ