မရင့်မှည့်မီခူးဆွတ်ခြင်းနှင့် ခူးဆွတ်ပုံစနစ်မကျခြင်းတို့ကြောင့် ဒေသမျိုးရင်းထောပတ်သီးများ ဈေးကွက်ကျဆင်းခြင်းဖြစ်

ဒေသမျိုးရင်းထောပတ်သီးများ ဈေးကွက်ကျဆင်းရခြင်းမှာ ရင့်မှည့်ချိန်မတိုင်မီခူးဆွတ်ခြင်းနှင့် ခူးဆွတ်ပုံ စနစ်မကျခြင်းတို့ကြောင့် အဓိကဖြစ်ကြောင်း ထောပတ်စိုက်ပျိုးရေးကျွမ်းကျင်သူများက ပြောသည်။

ဒေသထောပတ်သီးတွေက ကောင်းပါတယ်။ ဒေသထောပတ်သီး ၇၀% လောက်က ကောင်းပါတယ်။ ဒါဆိုစားသုံးသူနဲ့ ဝယ်လက်ပွဲစားတွေက ဘာကြောင့်စိတ်ကျေနပ်မှုမရှိတာလဲဆိုရင် မရင့်မှည့်မီခူးဆွတ်တာက အဓိကအချက်ပါ။ မရင့်မှည့်မီခူးဆွတ်တာဟာ အရသာကိုလည်း မကောင်းသလို အထားလည်းမခံပါဘူး။ ရင့်မှည့်တယ်ဆိုတဲ့နေရာမှာလည်း တစ်လုံးရင့်မှည့်ရင် တစ်ပင်လုံးအသီးတွေရင့်ပြီလို့ ထင်ကြတယ်။ တကယ်တော့ မဟုတ်ဘူးဗျ။ ထောပတ်သီးက တချို့ပဲရင့်မှည့်ပြီး တချို့က အနုပဲရှိပါသေးတယ်။ ထောပတ်တောင်သူတွေက ဒါကိုမသိပဲ ခူးရောင်းမိတာမျိုးဖြစ်တတ်ပါတယ်။ မရင့်မှည်မီခူးဆွတ်တာဟာ စားသုံးသူကိုငြိုငြင်စေပြီး၊ ဝယ်လက်ပွဲစားတွေကိုလည်း ဆုံးရှူံးမှုများစေမှာပါ။ ပြဿနာအများဆုံးတက်တာကတော့ စက်တင်ဘာ၊ အောက်တိုဘာ၊ နိုဝင်ဘာလတွေမှာဖြစ်တတ်ပါတယ်။ ဒီဇင်ဘာလမှာတော့ အသီးတော်တော်များက ရင့်ပါပြီ။

ဟု မြန်မာနိုင်ငံ ထောပတ်စိုက်ပျိုးထုတ်လုပ်တင်ပို့ရောင်းချသူများအသင်း၏ တွဲဖက်အတွင်းရေးမှူး ဦးကျော်စိုးမင်းက ပြောသည်။

အရည်အသွေးထိခိုက်မှုမရှိစေရန် မရင့်မှည့်မီခူးဆွတ်ခြင်းနှင့် ခူးဆွတ်ပုံစနစ်မကျခြင်းတို့အပြင် မှိုနှင့် ပိုးမွှားကျရောက်မှုကိုလည်း အထူးဂရုစိုက်ပေးရန်လိုအပ်ကြောင်း သိရသည်။

ခူးဆွတ်ပုံစနစ်မကျတာကတော့ အသီးတွေကို အလွယ်ရိုက်ချတာ၊ အပင်ကိုလှုပ်ခူးတာ စတဲ့နည်းတွေနဲ့ခူးယူရင် တစ်ခြမ်းပုပ်၊ အနာပါခြင်းဖြစ်တတ်တာကြောင့် စနစ်တကျ အညှာပါအောင်ခူးဆွတ်ရမယ်။ မှိုရောဂါကတော့ ထောပတ်ပင်ရဲ့ အဓိကရန်သူပါ။ အပင်မှာမှိုစွဲရင် မကောင်းသလို၊ အသီးမှာမှိုစွဲရင်လည်း ထောပတ်အခွံမျက်နှာပြင် ထိခိုက်ပြီး ထောပတ်သီးအခွံက သူ့ တာဝန်တွေကို ကောင်းစွာမထမ်းဆောင်နိုင်တဲ့အတွက် အတွင်းသားအရသာပါ ပျက်စေနိုင်တယ်။ ပိုးမွှားကိုက်ရင်လည်း ထိုနည်းတူပါပဲ။ ဒါကြောင့် organic နဲ့ဖြစ်ဖြစ် chemical နဲ့ဖြစ်ဖြစ် ကြိုတင်ကာကွယ်ဖို့အရေးကြီးပါတယ်။ အခုလို လိုက်နာရမယ့်အချက်တွေကိုလိုက်နာပြီး၊ ရှောင်သင့်တဲ့အချက်ကို ရှောင်မယ်ဆိုရင် စားသုံးတွေကို စိတ်ကျေနပ်မှုပေးနိုင်မှာပါ။

ဟု ဦးကျော်စိုးမင်းက ဆက်လက်ပြောသည်။

ဈေးကွက်အတွင်းသို့ ထောပတ်သီးများ တင်ပို့ရောင်းချရာတွင် ပီနံအိတ်ခွံ/ဆာလာအိတ်ခွံတို့ဖြင့် ထုတ်ပိုးတင်ပို့ခြင်းသည် အသီးထိခိုက်မှုများတတ်ခြင်းကြောင့် ဂရုတစိုက်ဆောင်ရွက်သင့်ကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...