ဆောင်းရာသီစာ ကောက်ညှင်းကျည်တောက်လေးလုပ်စားကြမယ်

ဆောင်းရာသီရောက်ပြီဆို မွန်ပြည်နယ်အပါအဝင် နေရာဒေသတော်တော်များများမှာ ကောက်ညှင်းကျည်တောက်တွေ ပေါပေါများများ တွေ့နေရပါပြီ။ အရသာဆိမ့်ဆိမ့် အိအိလေးနဲ့ ဝါးနံ့သင်းနေတဲ့ ကောက်ညှင်းကျည်တောက် (အုန်းပေါင်းတင်း) ကို ကိုယ်တိုင်လုပ်စားလို့ရရအောင် ပြုလုပ်နည်းလေးကို ပြောပြပေးပါမယ်။

ပါဝင်ပစ္စည်းများမှာ-

ကောက်ညှင်း ( အဖြူ/ငချိတ် )

အုန်းသီး

ဆားအနည်းငယ်

ငှက်ပျောဖက် နှင့်

တင်းဝါးတို့ လိုအပ်ပါတယ်။

ပြုလုပ်နည်းမှာ -

၁။ ကောက်ညှင်းကို ရေဆေးပြီး ပွလာအောင် (၄) နာရီခန့် ရေစိမ်ထားပါ။

၂။ အုန်းသီးများကို ပါးပါးလေး လှီးထားပါ။

၃။ ဝါးအတွင်းထဲသို့ ရေနှင့်ဆေးပါ။

၄။ ငှက်ပျောဖက်များကို အနည်းငယ် နွမ်းသွားအောင် နေလှန်းထားပါ။ (ပေါင်းတင်းထိပ်ဝကို ဆို့ဖို့အတွက်ပါ)

အားလုံးပြီးစီးပါက-

၁။ ပါးပါးလေးလှီးထားသော အုန်းသီးများကို ကောက်ညှင်းနှင့် ရောပါ။ ဆားအနည်းငယ်ထည့်ပါ။

၂။ အုန်းသီးခွဲလို့ရလာတဲ့ အုန်းရေ ထည့်ပါ။ (အဆိမ့်ပိုကြိုက်လျှင် ရယ်ဒီမိတ်အုန်းရေ ထည့်နိုင်ပါသည် )

၃။ အားလုံးအဆင်သင့်ဖြစ်ပြီဆိုတာနဲ့ ဝါးထဲကို ကောက်ညှင်းထည့်လို့ ရပါပြီ။

၄။ ဝါးကို နည်းနည်းစောင်းပြီး ကောက်ညှင်းများကို ဇွန်းဖြင့်ထည့်ပါ (ထည့်နေစဉ် ကောက်ညှင်း ပိုဝင်အောင်ဆိုပြီး ဝါးများကို မဆောင့်ပါနှင့်၊ အရမ်းပြွတ်သိပ်နေရင် မကျက်မှာစိုးလို့ပါ။)

၅။ ကောက်ညှင်းတစ်ဇွန်းထည့်လျှင် ရေအနည်းငယ်ထည့်ပေးပါ။ (ရေမများပါစေနှင့်။ ပျော့သွားတတ်သည်)

၆။ ကောက်ညှင်းများ ဝါးထဲထည့်ပြီး လက်တစ်လုံးအလိုလောက်ရောက်လျှင် ကောက်ညှင်းများကို ဆက်မထည့်ပါနှင့်။ ငှက်ပျောဖက်နှင့် ဝါးထိပ်ဝကို ဆို့ပါ။

၆။ ပြီးလျှင် ထင်း သို့ မီးသွေးမီးဖိုကို ဖိုထားပါ။

၇။ မီးအပူရှိန်ပေါ် မူတည်ပြီး ခန့်မှန်းချိန် နာရီဝက် သို့ ၄၅ မိနစ်ခန့်ကြာအောင် ကောက်ညှင်းဝါးကျည်တောက်ကို မီးကင်ပါ။

မီးကင်ထားသော အုန်းပေါင်းတင်းကျက်တဲ့အခါမှာတော့ ဝါးများလည်း မီးကျွမ်းပြီး ထိပ်ဝကိုဆို့ထားသော ငှက်ပျောဖက်များလည်း တူးသွားပါက အုန်းပေါင်းတင်း ခေါ် ကောက်ညှင်းကျည်တောက် ကျက်ပါပြီ။

ကျက်လျှင် ပထမထပ် မဲနေသောဝါးများကို တစ်ထပ်ခွာပစ်ပါ။ ဒုတိယထပ် ဝါးများကိုလည်း ပါးပါးလေးထပ်ခွာပစ်ပြီး ပါးပါးလေးဖြစ်သွားလျှင် ကြိုက်တဲ့ချိန် အရသာရှိရှိသုံးဆောင်လို့ရပါပြီ။ကောက်ညှင်းကျည်တောက်ကို လက်ဖက်ရည်၊ ကော်ဖီ၊ ရေနွေးကြမ်းဖြင့် တွဲဖက်စားသုံးကြသလို သူ့ချည်းသက်သက်လည်း စားလေ့ရှိပါသည်။

ပင်လယ်ပြာ(ငါးဦးစီး)

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။