ငှက်ပျောစိုက်ပျိုးသူများ နေရာဒေသပေါ်မူတည်၍ ဈေးနှုန်းကွာဟချက်ကို ခံစားနေရ

ငှက်ပျောစိုက်ပျိုးသူများ နေရာဒေသပေါ်မူတည်၍ ဈေးနှုန်းကွာဟချက်ကို ခံစားနေရကြောင်း မန္တလေးတိုင်းဒေသကြီးရှိ ငှက်ပျောပင် စီးပွားဖြစ်စိုက်ပျိုးသူများထံမှ သိရသည်။

ဈေးကွက်ကတော့ ဒီဘက်က လောလောဆယ်မှာ ရန်ကုန်ဈေးကွက်က မဖွင့်သေးဘူး။ မန္တလေးဈေးကွက်ကို တင်ပို့ရောင်းချရပါတယ်။ ကျွန်တော်တို့ဘက်က ဒီလိုမျိုး အဝေးဘက်ကို တင်ပို့မှုမရှိတဲ့အတွက် ဈေးကွက်ကလည်း အားနည်းတာပေါ့။ လက်ရှိမှာ ကျွန်တော်တို့ဆီမှာ ဖီးကြမ်းငှက်ပျောတစ်ဖီးကို ငါးရာ၊ ခြောက်ရာလောက်ပဲရတယ်ဆိုရင် တချို့ဒေသတွေမှာ တစ်ဖီးကို အနည်းဆုံး တစ်ရာ့ငါးဆယ်လောက် ပိုရနေတာတွေ့ရတယ်။ စိုက်ပျိုးတဲ့ငှက်ပျောသီးရဲ့အရည်အသွေးချင်းတူရင်တောင်၊ နေရာဒေသပေါ်မူတည်ပြီး ဈေးနှုန်းကွာဟချက်ရှိတာကို ခံရပါတယ်။

ဟု မန္တလေးတိုင်းဒေသကြီး၊ မတ္တရာမြို့နယ်၊ မြောင်းသစ်ကျေးရွာမှ ဖီးကြမ်းငှက်ပျောပင် စိုက်ပျိုးသူ ကိုငြိမ်းကိုက ပြောသည်။

ငှက်ပျောပင် စိုက်ပျိုးရာတွင် ငှက်ပျောခိုင်တစ်ခိုင်ချင်းစီ၏ အဖီးရေထွက်နှုန်းများပြားမှသာ တောင်သူများအနေဖြင့် ဈေးကွက်တင်ပို့ရာတွင် တွက်ခြေကိုက်နိုင်ကြောင်း သိရသည်။

အခိုင်လည်းချောတယ်၊ တစ်ခိုင်ကို အဖီးရေ ခြောက်ဖီးကနေ ရှစ်ဖီးလောက်ပါတဲ့ အခိုင်မျိုးဆိုရင် တစ်ဖီးကို ခြောက်ရာလောက်ဈေးရပါတယ်။ အဲ့ဒီဈေးလောက်ရောင်းရရင်တော့ စိုက်ပျိုးစရိတ်က ကိုက်ပါတယ်။ တစ်ဖီးကို ဈေးနှုန်း ငါးရာအောက်ကျသွားရင်တော့ တွက်ခြေမကိုက်ဘူးပေါ့ဗျာ။ တောင်သူအတွက် အမြတ်ကျန်နည်းသွားတာပေါ့။

ဟု ၎င်းက ဆက်လက်ပြောသည်။

ငှက်ပျောတစ်ခိုင်လျှင် (၆) ဖီးနှင့်အထက် (၈) ဖီးမှ(၉) ဖီးအထိရရှိပါက ဈေးကွက်အားနည်းချိန်များတွင် တောင်သူများအနေဖြင့် အမြတ်ကျန်နိုင်မည်ဖြစ်ပြီး၊ တစ်ခိုင်လျှင် (၄)ဖီး၊ (၅)ဖီးမျှသာ ရရှိပါက စိုက်ပျိုးစရိတ် အရင်းသာပြန်ရ၍ တွက်ခြေမကိုက်နိုင်ကြောင်း သိရသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။