ဒေါ်နန်းထက်ထက်ချစ်ကမ္ဘာ့အကျော်ကြားဆုံးအသီးရဲ့ ကိုယ်ပိုင်နေ့တစ်နေ့တာကို ရောက်ရှိလို့လာပါပြီ။
ကမ္ဘာကြီးတစ်ခုလုံးက ငှက်ပျောချစ်သူတွေအားလုံး စုပေါင်းသတ်မှတ်ထားတဲ့ ဩဂုတ်လ (၂၇) ရက် “ငှက်ပျောချစ်သူများနေ့”ကို ဂုဏ်ပြုကြိုဆိုလိုက်ကြရအောင်လား…
“ငှက်ပျောချစ်သူများနေ့ သမိုင်း”
ငှက်ပျောသီးဟာ သမိုင်းမှာအထင်ရှားဆုံး ယဉ်ကျေးမှုဓလေ့ထုံးတမ်း သီးနှံတွေထဲက တစ်ခုဖြစ်ခဲ့ပြီး လွန်ခဲ့တဲ့နှစ်ပေါင်း (၁၀၀) လောက်ကတည်းက ငှက်ပျောမျိုးကောင်းမျိုးသန့်တွေကို တစစပြောင်းလဲစိုက်ပျိုးလာကြတာ အခုလို နေရာတိုင်းလိုလိုမှာ တွေ့ရှိနိုင်တဲ့ အထိပါပဲ။
ပိုတက်စီယမ်ဓာတ် ကြွယ်ဝ၊ အာဟာရပြည့်ဝတဲ့ ငှက်ပျောသီးလေးတွေကို ဂုဏ်ပြုတဲ့ Banana Lovers 'Day ဟာ ငှက်ပျောသီးစားသုံးခြင်းကြောင့် ရလာမယ့် ကျန်းမာခြင်းသုခတွေကို အပြန်အလှန်ပေးအပ်ပြီး မိသားစုဝင်တွေရဲ့ ချစ်ခြင်းမေတ္တာကိုအရယူတဲ့ အချိန်ကောင်းလို့လည်း ဆိုကြပါသေးတယ်။
ကမ္ဘာတစ်ဝှမ်းလုံးမှာ ငှက်ပျောချစ်သူများနေ့ကို ဘယ်လိုကျင်းပကြသလဲ?
တစ်နေ့တာလုံးကို မနက်ခင်းအချိန်က စတင်ပြီး ညစာအထိကို ငှက်ပျောသီးရနံ့၊ ငှက်ပျောသီးနဲ့ပြုလုပ်ဖန်တီးတဲ့ အစားအစာ, ငှက်ပျောထမင်း, ငှက်ပျောပူတင်း, ငှက်ပျောဖျော်ရည်, ငှက်ပျော Smoothies, ငှက်ပျောရေခဲမုန့် စတဲ့ နည်းလမ်းအမျိုးမျိုးနဲ့ဖန်တီးထားတဲ့ ငှက်ပျောလက်ရာတွေနဲ့ပဲ “ငှက်ပျောချစ်သူများနေ့” ဆင်နွှဲကြတာပါ။
တစ်ကမ္ဘာလုံးအတိုင်းအတာနဲ့ ဒီနေ့လေးကို ကျင်းပကြတဲ့ ရည်ရွယ်ချက်က တောင်သူလယ်သမားတွေရဲ့ ငှက်ပျောစိုက်ပျိုးထုတ်လုပ်မှု တိုးတက်ဖွံ့ဖြိုးပြီး၊ ငှက်ပျောသီးစားသုံးသူတွေ များပြားလာစေဖို့အတွက် တစ်နည်းတစ်ဖုံ အကျိုးဖြစ်ထွန်းလာဖို့ အတွက် ဆိုရင်လည်း မမှားနိုင်ပါဘူး။
(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}