၂၀၂၁ မိုးစပါးနှင့် ၂၀၂၂ နွေစပါးအတွက် အခြေခံရည်ညွှန်းစပါးဈေး ၅၄၀၀၀၀ သတ်မှတ်

တောင်သူလယ်သမားအခွင့်အရေးနှင့် အကျိုးစီးပွားမြှင့်တင်ရေး ဦးဆောင်အဖွဲ့က တစ်တင်း ၄၆ ပေါင်ကိုက် စပါးတင်းတစ်ရာ၏ အခြေခံရည်ညွှန်းစပါးဈေးနှုန်းကို ငွေကျပ် ငါးသိန်းလေးသောင်း သတ်မှတ်လိုက်ကြောင်း ဒီကနေ့ထုတ် အစိုးရသတင်းစာများမှာ ဖော်ပြထားပါတယ်။ ဒီဈေးနှုန်းက မြန်မာနိုင်ငံဆန်စပါးအသင်းချုပ်က အဆိုပြုတင်သွင်းထားတဲ့ ဈေးနှုန်းလည်းဖြစ်ပါတယ်။

လက်ရှိစပါးဈေးကွက်မှာတော့ အစိုဓာတ် ၂၇ မှတ်ကနေ ၃၃ မှတ်လောက်ရှိနေတဲ့ တစ်တင်း ၅၅ ပေါင်ကိုက်ရယူတဲ့ ဆင်းသုခ၊ ပခန်း စတဲ့စပါးတွေကတော့ တင်းတစ်ရာကိုကျပ် ခြောက်သိန်းဈေးရှိ နေပါတယ်။ မှော်ဘီ - ၂၊ ဆင်းသွယ်လတ်၊ ပြည်တော်ရင် စတဲ့စပါးတွေကတော့ တင်းတစ်ရာကို ကျပ်ငါးသိန်းကိုးသောင်းဈေးလောက်ရှိပါတယ်။ အခြားအထွက်ကောင်းနဲ့ ဆန်မွှေးစပါးမျိုးဖြစ်တဲ့ ချမ်းမြေ့မေလိုစပါးမျိုးကတော့ အခြောက်စပါးတင်းတစ်ရာကို ကျပ်ခြောက်သိန်းခုနှစ်သောင်းလောက် ရှိနေပါတယ်။

ဒီနှစ်က စပါးဈေး ပြည်ပပေါက်ဈေးက အနည်းငယ်ကောင်းမွန်နေပေမယ့် ဓာတ်မြေသြဇာနဲ့ စက်သုံးဆီတို့လို စိုက်ပျိုးရေးလုပ်ငန်းသုံး သွင်းအားစုတွေက ယခင်ထက် နှစ်ဆလောက် ဈေးမြင့်တက်သွားတဲ့အတွက် စပါးစိုက်ရတာ အကျိုးအမြတ်ပိုပြီးနည်းပါးတယ်

လို့ ဓနုဖြူမြို့နယ် ရေတွင်းကုန်းကျေးရွာမှ စပါး ၁၃ ဧက စိုက်တောင်သူ ဦးစိုးဝင်းကပြောပါတယ်။

ကုန်ကျမှုကတော့ နှစ်သိန်းကိုးသောင်းခွဲလောက်ရှိတယ်။ အစာလည်းဈေးကြီးတယ်။ ပေါင်းသတ်ဆေးလည်းဖျန်းရတယ်။ နောက်ပိုင်းက ဒီထက်ပိုတက်လာတယ်။ စပါးဈေးမြင့်ပေမယ့် အကျိုးအမြတ်ကနည်းတယ်လို့ပြောပါတယ်။

အခြေခံရည်ညွှန်းစပါးဈေးကို မည်သည့်စပါးမျိုးစိုက်သည်ဖြစ်စေ ကျပ်ငါးသိန်းလေးသောင်အောက် မရောက်စေဘဲ တောင်သူတွေ သင့်တင့်မျှတဲ့ဈေးကွက်နဲ့ ဈေးနှုန်းဖြစ်ပေါ်စေရေးအတွက် ရည်ရွယ်ထုတ်ပြန်တာဖြစ်ပါတယ်။ ဒီဈေးနှုန်းကို ၂၀၁၈ မတ်လမှာ စတင်ထုတ်ပြန်ခဲ့ပြီး တစ်တင်း ၄၆ ပေါင်ကိုက် တင်းတစ်ရာကို ကျပ် ငါးသိန်း၊ ငါးသိန်းနှစ်သောင်းမှ ကျပ်ငါးသိန်းလေးသောင်းအထိ တိုးမြှင့် သတ်မှတ်လာခြင်းဖြစ်ပါတယ်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...