ရခိုင်ပြည်နယ်သို့ တင်ပို့သည့် ယာဉ်လမ်းကြောင်းများ အသွားအလာနည်းပါးသွားသဖြင့် ကွမ်းရွက်အကြမ်းဈေး ပြုတ်ကျ

    ရခိုင်ပြည်နယ်သို့တင်ပို့သည့် ယာဉ်လမ်းကြောင်းများ အသွားအလာနည်းပါးသွားသဖြင့် ကွမ်းရွက်အကြမ်းဈေးပြုတ်ကျကာ ကွမ်းစိုက်ပျိုးသူများ ဆုံးရှုံးမှုခံစားနေရကြောင်း ဧရာဝတီတိုင်းရှိ ကွမ်းစိုက်တောင်သူများထံမှ သိရသည်။

အရင်နှစ်ကဆို ဇူလိူင်၊ ဩဂုတ်၊ စက်တင်ဘာလကုန်အထိ ဝယ်လက်ရှိတယ်။ ကွမ်းရွက်(ပယ်ကြီး) စျေးကတော့ တစ်ရာသီလုံးနီးပါး စျေးကောင်းတတ်တယ်။ အခုလမှာတော့ ကွမ်းရွက် (အကြမ်းစျေး) ပြုတ်ကျသွားလို့ ကွမ်းရွက်တွေ ခူးပြီး လွှင့်ပစ်ရတယ်။ ကျွန်တော်တို့ဘက်က အခုမှစခူးကြတာ များတယ်လေ။ အကုန်ခူးပြီး သွန်ပစ်နေရတယ်။ မခူးဘဲထားပြန်တော့ အရွက်ရင့်တွေကို အနာကလိုက်သေးတယ်။ အနာဖြစ်လို့ ဆေးဖြန်းဖို့လည်း ဝင်ငွေမရှိ။

ဟု ဧရာဝတီတိုင်း၊ ပုသိမ်ခရိုင်၊ ကျောင်းကုန်းမြို့နယ်၊ သစ်ဆိမ့်ကုန်းအုပ်စု၊ မှော်သေးကျေးရွာမှ ကွမ်းစီးပွားဖြစ်စိုက်ပျိုးသူ ကိုထွန်းထွန်းက ပြောသည်။

    ဧရာဝတီတိုင်းမှ ထွက်ရှိသည့် ကွမ်းရွက်အကြမ်းများကို ရခိုင်ပြည်နယ် (အမ်းမြို့) သို့ တင်ပို့ရောင်းချကြပြီး ရခိုင်ပြည်နယ်သို့ တင်ပို့သည့် ယာဉ်လမ်းကြောင်းများ အသွားအလာ နည်းပါးသွားသဖြင့် ယခုကဲ့သို့ ဆုံးရှုံးမှုခံစားရခြင်း ဖြစ်သည်။

   လက်ရှိအချိန်တွင် ရခိုင်ပြည်နယ်အတွင်း COVID - 19 ဓာတ်ခွဲအတည်ပြု လူနာစုစုပေါင်း (၉၆) ဦး အထိ ရှိနေပြီး ပြည်တွင်းကူးစက်မှု ပြန်လည်ဖြစ်ပေါ်သည့် ဩဂုတ် (၁၆) ရက်မှ ယနေ့အထိ စုစုပေါင် (၁၃၀) ဦး ရှိလာကြောင်း ကျန်းမာရေးနှင့်အားကစားဝန်ကြီးဌာန၏ ထုတ်ပြန်ချက်များအရ သိရသည်။

ဒီဘက်က ကွမ်းရွက်အကြမ်းနဲ့ ဆိုဒ်လွန်ကွမ်းတွေကို နယ်တွေကိုပို့တာပါ။ အကြမ်းက အထိအခိုက် အကြမ်းခံတယ်။ ဒါ့ကြောင့် စစ်တွေ-အမ်းလမ်းကြောင်းအတိုင်း နယ်ဘက်ကို ပြန်တင်ပို့တာပါ။ အခု အဲ့ဒီလမ်းကြောင်းတွေက ပိတ်ပစ်လိုက်တယ်။ ရန်ကုန်မြို့ပေါ်လောက်ကပဲ ကွမ်းယူကြတော့တယ်။ အဲ့ဒီတော့ အချောရှယ်ကွမ်းပဲ စျေးကွက်ရှိတော့တာလေ။ အခုလို အကြမ်းအသေး ပယ်လွန်တွေဆို ခူးခတောင်မရတော့ဘူး။ ကိုဗစ်ဂယက်ကြောင့်ပေါ့။ ဆုံရှုံးမှုများတယ်။ မြန်မာနိုင်ငံမှာက တစ်ခုခုဆို တောင်သူကိုအရင်လာထိသလားတောင် တွေးမိတယ်။ တစ်ကယ်တော့ တောင်သူဘဝက တော်တော်မလွယ်တဲ့ဘဝပါပဲ။

ဟု ကိုထွန်းထွန်းက ဆက်လက်ပြောသည်။

    ၂၀၂၀ ခုနှစ်၊ ဇူလိုင်လက ကွမ်းရွက်အကြမ်းစျေး တစ်ပိဿာလျှင် ၄,၀၀၀/ ၆,၀၀၀ ကျပ်၊ ကွမ်းရွက် ပယ်လွန် (ဆိုဒ်ကြီး) တစ်ပိဿာလျှင် ၄,၅၀၀/ ၅,၀၀၀ ကျပ် ဈေးများရရှိခဲ့ကာ၊ ကွမ်းစျေးအမြင့်ဆုံး အချိန်များတွင် ကွမ်းရွက်အကြမ်းဈေး တစ်ပိဿာလျှင် ၆,၅၀၀ မှ ၈,၀၀၀ လောက်အထိ ပေါက်ဈေးရှိခဲ့ပြီး ယခုဩဂုတ်လပိုင်းမှစတင်ကာ ကွမ်းရွက်အကြမ်းဈေးကွက် ပြုတ်ကျခဲ့ခြင်းဖြစ်သည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်) 

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးင​မြောင်​တောင်ပိုး( Rice armyworm) စတဲ့ စပါးဖျက်ပိုး​တွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ

Read more