သတိပြုရမည့် Email (အီးမေးလ်) အတုများ

20/12/2021 20:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား

“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေးကနေ ပြန်လည်ကြိုဆိုလိုက်ပါတယ် ခင်ဗျ။

ယခုတစ်ပတ်မှာတော့ သတိပြုရမယ့် အီးမေးလ်အတုများ အကြောင်းကို တောင်သူတွေအတွက် မျှဝေပေးသွားမှာဖြစ်ပါတယ် ခင်ဗျ။

အီးမေးလ်ရဲ့ အကြောင်းကို ယခင်က ဆောင်းပါးတွေမှာအကျယ်တဝင့် ဖော်ပြခဲ့ပြီးပြီ ဖြစ်ပါတယ်။ အီးမေးလ်တွေကနေတစ်ဆင့် ကိုယ်ရေးအချက်အလက် ခိုးယူခြင်းနဲ့ ငွေကြေးလိမ်လည်မှုတွေပြုလုပ်လာနေကြတာမို့ အီးမေးလ်အသုံးပြုနေတဲ့ တောင်သူ ဦးလေး ဒေါ်လေးတို့ရှိမယ်ဆိုရင် သတိထားနိုင်ဖို့ မျှဝေပေးလိုက်ပါတယ် ခင်ဗျ။

အီးမေးအတုတွေမှာဆိုရင် သာမန် အီးမေးလ်အစစ်ကဲ့သို့ အမှတ်အသားများ၊ တံဆိပ်များ၊ လိုဂိုများ ပါဝင်ပြီး လက်ခံမည့်သူ ယုံကြည်အောင်ပြုလုပ်ထားလေ့ရှိပါတယ်။ အဆိုပါ အီးမေးရဲ့ အောက်ခြေတွင်လည်း လက်ခံရရှိသူမှ ဒေါင်းလုဒ်ဆွဲပြီး ဖွင့်ကြည့်စေရန် လင့်ခ်တစ်ခု (သို့မဟုတ်) ဖိုင်တစ်ဖိုင်ပါလေ့ရှိပါတယ်။ ၎င်း လင့်ခ် (သို့မဟုတ်) ဖိုင် အပေါ်နှိပ်ကြည့်လိုက်ပါက malware (အဖျက်အမှောင့်ဆော့ဝဲလ်) ကူးစက်ခံရပြီး မိမိရဲ့ ကိုယ်ရေးအချက်အလက်တွေ၊ လျှို့ဝှက်နံပါတ်တွေ ခိုးယူခံရမှာ ဖြစ်ပါတယ်။

အီးမေးလ်ဖြင့် ငွေကြေးလိမ်လည်ရာတွင် ဘဏ်အယောင်ဆောင် အီးမေးလ်များဖွင့်ကာ ကိုယ်ပိုင်ဘဏ်အကောင့်ထဲသို့ ဝင်နိုင်ရန် လင့်ခ် တစ်ခုပေးထားလေ့ရှိပါတယ်။ ၎င်းလင့်ခ်ထဲသို့ဝင်ရောက်လိုက်သောအခါ အသုံးပြုသူရဲ့ နာမည်နှင့်လျှို့ဝှက်နံပါတ်များကို တိုက်ရိုက်ခိုးယူသွားခြင်း ပြုလုပ်နိုင်တာမို့ သတိပြုရမှာ ဖြစ်ပါတယ်။ ဒါကြောင့် မိမိမသိတဲ့သူဆီမှ ပေးပို့လာတဲ့ လင့်တွေ၊ ဖိုင်တွေကို နှိပ်မကြည့်ဖို့၊ မိမိရဲ့

အသိမိတ်ဆွေထံမှ ပေးပို့လာရင်လည်း သေချာအောင်အတည်ပြု မေးမြန်းပြီး စစ်ဆေးပါလို့ အကြံပြုလိုက်ရပါတယ် ခင်ဗျ။

ယခင်တစ်ပတ်က ဖော်ပြခဲ့တဲ့ ဆောင်းပါးလေး ပြန်လည်ဖတ်ရှုချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။

Facebook ပေါ်ရှိ group နှင့် page များကို သုံးသပ်ခြင်း

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်