"အရွယ်အစားကြီးမား……...ငါးရွေးငါး"

မြန်မာတိုင်းရင်းငါးများဖြစ်သော ငါးကြင်း၊ ငါးခူ၊ ငါးရံ့၊ ငါးဘတ်၊ ငါးမြင်း၊ ငါးဂျောင်း၊ ငါးထွေ၊ ငါးသလောက်၊ ငါးရွေး စသည့်ငါးမျိုးစိတ်တို့တွင် တစ်ချို့မျိုးစိတ်များမှာ ရှားပါးစပြုလာနေပါပြီ။ လူတွေနှင့် မစိမ်းလှသည့် ငါးတွေထဲမှာ ငါးမြင်းရင်းငါးမှာလည်း အတော်လေးရှားပါးနေပါပြီ။

ရှားပါးမျိုးစိတ်များတွင်မှ တိုင်းရင်းငါးဖြစ်သော 'ငါးရွေးငါး' အကြောင်းကို လေ့လာတင်ပြပေးပါမည်။ ငါးရွေးငါးမှာ လူကြီးတစ်ရပ်စာ အရွယ်အစားလောက်ရှိကြပြီး ရေချိုငါးထဲမှာ အရွယ်အစားအလွန်ကြီးမားသည့် ငါးလည်းဖြစ်ပါသည်။ အမြင့်ဆုံးခန္ဓာကိုယ်အလျား ၁၅၀ စင်တီမီတာအထိ ရှိကြပြီး အလေးချိန်အားဖြင့် ၈၀.၀ ကီလိုဂရမ် အထိရှိကြသည်။

ငါးရွေးငါးမှာ catfish နွယ်ဝင် ငါးတစ်မျိုးဖြစ်ပြီး ဧရာဝတီ၊ စစ်တောင်းမြစ်တို့တွင် တွေ့ရှိရပြီး မြန်မာနိုင်ငံသာမက အန္ဒိယနှင့် ထိုင်းနိုင်ငံတွင်တို့တွင်လည်း တွေ့ရှိရပါသည်။ ရေအောက်ကြမ်းပြင်နေ (demersal fish) များဖြစ်ကြပြီး အသားစား (carnivorous ) အုပ်စုတွင်ပါဝင်သဖြင့် ငါး၊ ပုစွန်၊ ကဏန်းများကို သူတို့၏အစာအဖြစ်စားသုံးကြသည်။

ငါးရွေးငါးမှာ ကျောဖက်တွင် ဆူးချွန် (spine) နှစ်ခုပါရှိပြီး ကျောဖက်ဆူးတောင်ရိုးပျော့ ၇ ခု၊ စအိုဖက်တွင် ဆူးတောင်ရိုးပျော့ (၁၂-၁၃) ခု အထိပါရှိကြသည်။ နှာယောင်မှာ လုံးဝန်းနေပါသည်။

'ကုန်းမှာ မြွေပွေး၊ ရေမှာ ငါးရွေး' ဆိုပြီး ငါးရွေးငါးကို တင်စားကြသည့် စကားပုံအဓိပ္ပါယ်မှာ မြွေပွေးသည် ကုန်းပေါ်တွင် အဆိပ်ပြင်းသောသတ္တဝါဖြစ်သကဲ့သို့ ငါးရွေးငါးသည်လည်း ရေထဲတွင် အဆိပ်ရှိသော သတ္တဝါဖြစ်သည်ကို ဆိုလိုပါသည်။ ထို့ကြောင့်လည်း ငါးရွေးငါးကိုဖမ်းမိပါက ရေလုပ်သားများမှာ သတိထားကိုင်တွယ်ကြရပါသည်။

ကချင်ပြည်နယ်ရှိ မြန်မာ့အကြီးဆုံး အင်းတော်ကြီးကန်တွင် ၂၀၂၀ ခုနှစ်က အလေးချိန် ၁၂၂၇ ဂရမ်၊ အလျား ၅၃ စင်တီမီတာ (၂၁ လက်မ) အရွယ်အစားရှိသော ငါးရွေးငါးကြီးတစ်ကောင်ကို ဖမ်းဆီးရမိခဲ့ကြပါသည်။.

အလားတူ (၁၉.၆.၂၀၂၀) ရက်နေ့တွင်လည်း ဧရာဝတီတိုင်းဒေသကြီး၊ လေးမျက်နှာမြို့နယ်၊ သခွတ်ချောင်းကျေးရွာအုပ်စု၊ သခွက်ချောင်းကျေးရွာတွင် ငါးရွေးငါးကြီး နှစ်ကောင် ပိုက်တွင်မိနေသဖြင့် တစ်ကောင်ကို ပြန်လွှတ်ပေးလိုက်ပြီးနောက်၊ နောက်ထပ်တစ်ကောင် ထပ်မံရမိသည်ဟု သိရပါသည်။ အဆိုပါငါး၏ ဗိုက်ထဲတွင် ၁ ပိဿာ ၅၀ ကျပ်သားခန့်ရှိ ငါးနှစ်ကောင်ကို စားသောက်ထားကြောင်း သိရပါသည်။

ထို့အတူ ၂၀၂၀ ခုနှစ်အတွင်းမှာပင် သောက်ရေခပ်ချောင်းထဲမှလည်း ရေကျချိန်တွင် သောင်တင်နေသော ငါးရွေးငါးကြီးမှာ လူတစ်ရပ်စာအရွယ်အစားရှိပြီး ငါးဥမှာ ၆ ပိဿာခန့်ရှိကြောင်း သိရပါသည်။

ဒေသခံများမှာ ငါးရွေးငါးကို အချို, ပဲဆီပေါင်း၊ အစပ်ဟင်းနှင့် ငါးရွေးသောက်ဆမ်းဟင်းဟူ၍ စသည်ဖြင့် ပြုလုပ်စားသုံးကြပါသည်။

ငါးရွေးငါးနှင့်ပတ်သက်၍ အသေးစိတ်အချက်အလက် Scientific classification မှာ အောက်ပါအတိုင်း ဖြစ်ပါသည်။

Phylum (မျိုးပေါင်းစု)- Chordata

Class (အမျိုးအစား) - Actinopterygii

Order (မျိုးစဉ်) - Siluriformes

Family (မျိုးရင်း) - Bagridae

Genus (မျိုးစု) - Hemibagrus

Species (မျိုးစိတ်) – H.microphthalmus ဟူ၍ ဖြစ်သည်။

ပင်လယ်ပြာ (ငါးဦးစီး)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...