လူကိုကူးစက်လာနိုင်တဲ့ ကြက်ငှက်တုပ်ကွေးအန္တရာယ်ကို ကုလသမဂ္ဂ သတိပေး

ကမ္ဘာတစ်ဝန်းမှာ ဖြစ်ပွားနေတဲ့ ကြက်ငှက်တုပ်ကွေးရောဂါ ဗိုင်းရပ်စ်ပိုးဟာ လူကိုပါ အလွယ်တကူ ကူးစက်နိုင်တဲ့အသွင်ပြောင်းလာမှာ စိုးရိမ်လာရကြောင်း ကုလသမဂ္ဂအေဂျင်စီတွေက သတိပေးလိုက်ပြီး နိုင်ငံတွေအနေနဲ့ ရောဂါစောင့်ကြည့်မှု တင်းကျပ်ဖို့နဲ့ ကြက်ငှက်မွေးမြူရေးခြံတွေမှာ ရောဂါကာကွယ်ရေးမြှင့်တင်ဆောင်ရွက်ကြဖို့ တိုက်တွန်းလိုက်ပါတယ်။

ယခုနှစ်ဆန်းပိုင်းကပြီး တောရိုင်းငှက်မျိုးတွေမှာ ကူးစက်မှုအလွန်မြင့်မားတဲ့ H5N1 ကြက်ငှက်တုပ်ကွေး ဗိုင်းရပ်စ်ပိုးသစ်ဟာ ပထဝီဒေသသစ်တွေအထိ အဆမတန် ပြန့်ပွားလာခဲ့ပြီး နို့တိုက်သတ္တဝါအချို့မှာပါ ဖြစ်ပွားခဲ့တာကြောင့် လူတွေမှာလည်း ကူးစက်လာမလား စိုးရိမ်မှုမြင့်တက်ခဲ့ပါတယ်။

ဒါပေမဲ့ ရောဂါဖြစ်နေတဲ့တိရစ္ဆာန်နဲ့ အနီးကပ်ထိတွေ့မိရာက လူကို ကူးစက်တဲ့ဖြစ်စဉ် ဒါဇင်ဝက်လောက်သာ ကမ္ဘာ့ကျန်းမာရေးအဖွဲ့ချုပ် (WHO) ထံ တင်ပြခဲ့တာရှိပြီး အများစုက ရောဂါမပြင်းထန်ကြောင်း သိရပါတယ်။

"နိုင်ငံအားလုံးအနေနဲ့ ကြက်ငှက်တုပ်ကွေးဗိုင်းရပ်စ်စောင့်ကြည့်ရေးနဲ့ လူကူးစက်မှုဖြစ်စဉ်ဖော်ထုတ်ရေး တိုးမြှင့်ဆောင်ရွက်ကြပါလို့ တိုက်တွန်းပါတယ်" လို့ WHO ကူးစက်ရောဂါကြိုတင်ကာကွယ်ရေးဌာန ဒါရိုက်တာ Dr Sylvie Briand က ပြောပါတယ်။

WHO နဲ့တကွ ကုလသမဂ္ဂလက်အောက်ခံတွေဖြစ်ကြတဲ့ စားနပ်ရိက္ခာနဲ့ စိုက်ပျိုးရေးအဖွဲ့ (FAO) နဲ့ ကမ္ဘာ့တိရစ္ဆာန်ကျန်းမာရေးအဖွဲ့(WOAH) တို့က နိုင်ငံတွေအားလုံး ကဏ္ဍအသီးသီးမှာ ပူးပေါင်းဆောင်ရွက်ပြီး တိရစ္ဆာန်တွေကို ရနိုင်သမျှ ကယ်တင်ဖို့နဲ့ လူကူးစက်မှု ဟန့်တားသွားကြဖို့ တိုက်တွန်းထားပါတယ်။

နိုင်ငံတွေအနေနဲ့ လူနဲ့ တိရစ္ဆာန်တွေမှာ ကူးစက်တဲ့ ဗိုင်းရပ်စ်ပိုးရဲ့ မျိုးရိုးဗီဇဆိုင်ရာအချက်အလက်တွေကို အများပြည်သူရယူသုံးစွဲနိုင်တဲ့ ဒေတာဘေ့စ်တွေကတစ်ဆင့် အပြန်အလှန်မျှဝေကြဖို့လည်း ကုလသမဂ္ဂအဖွဲ့အစည်းတွေက ဆော်သြထားပါတယ်။

၂၀၂၂ ကစပြီး ကြက်ငှက်တုပ်ကွေးဗိုင်းရပ်စ်ပိုးဟာ ကုန်းနေရေနေနို့တိုက်သတ္တဝါတွေမှာပါ ကူးစက်ခဲ့ကြောင်း နိုင်ငံ ၁၀ နိုင်ငံက အစီရင်ခံထားပါတယ်။ အဲဒီထဲမှာ စပိန်နိုင်ငံက မွေးမြူရေးမြွေပါတွေ၊ အမေရိကန်ပြည်ထောင်စု၊ ပီရူးနဲ့ ချီလီနိုင်ငံတို့က ပင်လယ်ဖျံတွေမှာ ကူးစက်မှုဖြစ်စဉ်တွေ ပါဝင်ကြောင်း သိရပါတယ်။

ဝေယံဟိန်း (B.Ag)

Ref: Surging bird flu outbreaks raise human-infection risk, UN agencies warn - Reuters

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ