ဘဲဥက ကြက်ဥထက် စျေးကောင်းပါတယ်နော်..

28/01/2020 11:30 AM တွင် ဒေါ်နန်းထက်ထက်ချစ် ဒေါ်နန်းထက်ထက်ချစ် မှ ရေးသား ပြီး Greenovator Greenovator မှ ပေးပို့ထားပါသည်။

စျေးကွက်ကောင်းမွန်နေတဲ့ ဘဲမွေးမြူရေးကို တစ်နိုင်တပိုင်ဖြစ်စေ၊ စီးပွားဖြစ် ဖြစ်စေ မွေးမြူကြည့်ချင်တယ် ဆိုသူတွေအတွက် ဘဲမွေးမြူတဲ့အခါ လိုအပ်တဲ့ သိသင့်သိထိုက်တာလေးတွေကို မေးမြန်းစူစမ်း တင်ပြလိုက်ပါတယ်။

ဘဲမွေးမြူရေးလုပ်ကိုင်တာဟာ စျေးကွက်လည်းကောင်းသလောက် နားမလည် ပါးမလည်နဲ့ မွေးရင် ရင်းသလောက် ရှုံးနိုင်တာမို့၊ ကိုယ့်ထက်အရင် ကျွမ်းကျင်စွာမွေးမြူနေသူတွေကို လေ့လာစုံစမ်းဖို့လည်း လိုပါတယ်။

ဘဲစမွေးတဲ့ လူတိုင်း ခဏခဏမေးကြတဲ့ မေးခွန်းလေးကတော့ "ဘဲသားပေါက်ကို ဘယ်အရွယ်လောက်ကနေ စမွေးသင့်တာလဲ?" ဆိုတာလေးပါ။ ဒီအဖြေလေးကတော့ ဘဲသားလေးကနေ စမွေးမြူလို့ ရသလို၊ (၂)လသားအရွယ်၊ ဥစမ်းအရွယ် စတဲ့အရွယ်တွေမှာလည်း စမွေးတဲ့ သူတွေ ရှိကြပါတယ်။ ဘဲသားလေးက စမွေးမယ်ဆိုရင်တော့ ကုန်ကျစရိတ်ပိုင်း သက်သာသလို၊ အကောင်ငယ်သေးတော့ ဂရုလည်း ပိုစိုက်ရပါတယ်။

ဘဲမွေးမြူတာက ငွေကြေး တစ်လုံးတစ်ခဲ ရင်းနှီးရတာမဟုတ်တော့ တစ်ဖက်လုပ်ငန်းထဲက‌ အမြတ်ငွေလေး နည်းနည်းခြင်း ထည့်ပြီး လုပ်ကိုင်သွားလို့ရတယ်။ ပထမ ဥဘဲမအုပ်ရှိတဲ့သူတွေကတော့ ပိုအဆင်ပြေတာပေါ့။ ဘဲဥအမြတ်ငွေနဲ့ နောက်ဘဲအုပ်လေးကို ပံ့ပိုးပေးလို့ရတယ်။ ဘဲမွေးမြူရေးအကြောင်းကို အတော်အတန် နားလည်ရင်တော့ အတိုင်းထက်အလွန်ပေါ့ဗျာ။ အရေးကြီးတာက အမဝယ်ရင် အထီးမပါဖို့နဲ့၊ ဘဲမျိုးမှန်မှန်ရဖို့ပါ။ စိတ်ချရတဲ့ဆိုင်၊ စိတ်ချရတဲ့သူ‌တွေထံက မှာယူပါ

ဟု မကွေးတိုင်း၊ စလင်းမြို့မှ စီးပွားဖြစ် ဘဲမွေးမြူနေသူ ကိုအောင်ကိုဦးက ပြောပါတယ်။

ဘဲအသက် (၂)လသားအရွယ်က စမွေးမယ်ဆိုရင်တော့ ဘဲအသေအပျောက် နည်းမယ်။ ဈေးလည်း အတော်အသင့်ရှိတာမို့ အဆင်ပြေတယ်လို့ သိရပါတယ်။ (၂)လသားအရွယ်ဆိုတော့ ဘဲသားလေးကနေ စမွေးသလိုပဲ၊ ငွေကြေးလည်း တစ်လုံးတည်း ရင်းနှီးရတာမဟုတ်ဘူးလေ။ (၂)လသားအရွယ်ဆိုတာက အတောင်မရင့်တရင့်အရွယ်ဖြစ်ခြင်း၊ အမွှေးအတောင်ထိုးဆိတ်စားတဲ့ ဘေးကနေလည်း လွတ်ကင်းနေပြီဖြစ်လို့ စိတ်ပူစရာမရှိခြင်း၊ ဘဲမွေးမြူရေးကို သိပ်နားမလည်သူတွေတောင်မှ လက်ထဲမှာအတော်အသင့်ကျွေးမွေးလိုက်ရုံနဲ့ ဥစမ်းအရွယ်ကို ရရှိနိုင်ခြင်း စတဲ့အားသာချက်တွေ ရှိတယ်လေ။

ဥစမ်းအရွယ်ကနေ စမွေးမယ်ဆိုရင်ရော..? ဥစမ်းအရွယ်ဝယ်မွေးမဲ့သူဆိုရင်တော့ မှန်ကန်တဲ့ဘဲသက်နဲ့ မှန်ကန်တဲ့ဘဲအုပ်ရရှိဖို့က အရေးကြီးတယ်လို့ ဘဲမွေးမြူရေး ကျွမ်းကျင်သူတွေက ဆိုပါတယ်။ မမှန်ကန်တဲ့ဘဲအုပ်ကို ဝယ်ယူမွေးမြူမိမယ်ဆိုရင် ရမယ့်အကျိုးအမြတ်လည်း ကွာခြားနိုင်လို့ပါ။ 

ငွေကြေးလည်း ရင်းနိုင်တယ်။ အလုပ်လည်း မရှုပ်ချင်ဘူး။ ကိုယ့်ငွေရင်းလေးကို အချိန်တိုအတွင်း ပြန်မြင်ရချင်တယ်ဆိုရင်တော့ မှန်ကန်သင့်တော်တဲ့ဈေးနဲ့ ဘဲအုပ်ကောင်းကောင်းရရှိအောင် စိတ်ချယုံကြည်ရတဲ့သူတွေထံမှ ဝယ်ယူမွေးမြူလိုက်ပါလို့ အကြံပြုချင်ပါတယ်ခင်ဗျာ

ဟု ကိုအောင်ကိုဦးက ဆက်လက်ပြောပါတယ်။

ဒါကြောင့် ဘဲမွေးမြူရေးကို စတင်လုပ်ကိုင်တော့မယ့် မိတ်ဆွေတို့အနေနဲ့လည်း မှန်ကန်ပြီး၊ စိတ်ချရတဲ့ ဘဲသားပေါက်ရောင်း၀ယ်သူတွေကို သေချာရှာဖွေပြီး၊ မျိုးကောင်းမျိုးသန့် ဘဲမျိုးတွေကို ရွေးချယ် မွေးမြူကြရင်း၊ ဘဲမွေးမြူခြင်းနဲ့ စီးပွားဖြစ်ထွန်းနိုင်ကြပါစေ။

နန်းထက်ထက်ချစ် (ABM)


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်