ရှမ်းပြည်နယ်တွင် စိုက်ပျိုးရေးသုတေသနဗဟိုဌာန တည်ထောင်သွားမည်

22/08/2019 06:00 AM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

   ရှမ်းပြည်နယ်(အောင်ပန်း)တွင် စိုက်ပျိုးရေးသုတေသနဗဟိုဌာန တည်ထောင်သွားမှာဖြစ်ကြောင်း စိုက်ပျိုးရေးသုတေသနဦးစီးဌာနမှ သိရပါတယ်။

   ယခုနှစ်အတွင်း အောင်ပန်းမှာ စိုက်ပျိုးရေးနည်းပညာများနဲ့ ပြဿနာများကို အကောင်အထည် ဖော်နိုင်ဖို့အတွက် စိုက်ပျိုးရေးသုတေသနဗဟိုဌာနကို အဆင့်မြှင့်လုပ်ဆောင်သွားမှာဖြစ်ကြောင်းစိုက်ပျိုးရေးသုတေသနဦးစီးဌာနမှ ဒုတိယညွှန်ကြားရေးမှူးချုပ် ဦးသန့်လွင်ဦး ကပြောပါတယ်။ 

   “ရှမ်းပြည်နယ်ကိုကိုယ်စားပြုတဲ့ ဗဟိုဌာနတစ်ခု အဆင့်မြှင့်တည်ထောင်သွားမယ်။ ၂၀၁၉-၂၀ နှစ်ကစပြီးတော့ တည်ထောင်သွားမယ်။ ပထမအဆင့်အနေနဲ့ သက်ဆိုင်ရာဒေသတွေမှာ တောင်သူ လိုအပ်ချက်တွေသိဖို့အတွက် ကွင်းဆင်းတဲ့အလုပ်လုပ်မယ်။ တောင်သူတွေအတွက် လိုအပ်တဲ့ဟာတွေ ဆောင်ရွက်ပေးမယ်”

   ယခင်နှစ်က စစ်ကိုင်းတိုင်းဒေသကြီးမှာ စိုက်ပျိုးရေးသုတေသနဗဟိုဌာန တည်ထောင်ရန် စတင်ဆောင်ရွက်မှုများ လုပ်ဆောင်ခဲ့ပြီး ပဲခူးတိုင်းဒေသကြီးနဲ့ မန္တလေးတိုင်းဒေသကြီးတို့မှာ ဆက်လက်လုပ်ဆောင်သွားမှာဖြစ်ကြောင်း အဆိုပါဌာနမှ သိရပါတယ်။

   မြန်မာတစ်ပြည်လုံးတွင် စိုက်ပျိုးရေးသုတေသန လုပ်ဆောင်နိုင်ရန်အတွက် ဒေသသုတေသန(၂၅) ခြံသာရှိကြောင်း စိုက်ပျိုးရေးသုတေသနဦးစီးဌာနမှ သိရပါတယ်။ 

တိုးတိုးခိုင်(ABM)


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်