မြန်မာ့ငှက်ပျော ပြည်ပသို့ ထိုးဖောက်နိုင်ရန်အတွက် GAP လက်မှတ်ရရှိရန် စိုက်ပျိုးရေးဦးစီးဌာနသို့ လျှောက်ထားနိုင်

မြန်မာ့ငှက်ပျောကို အရည်အသွေးမြင့်မြင့်ဖြင့် ပြည်ပဈေးကွက်သို့ ထိုးဖောက်နိုင်ရန်အတွက် ကောင်း မွန်သော စိုက်ပျိုးရေးဆိုင်ရာ အလေ့ အကျင့်ကောင်းများ (GAP- Good Agricultural Practice) လက်မှတ်ရရှိရန် စိုက်ပျိုးရေးဦးစီးဌာနသို့ လျှောက်ထားကြောင်း မြန်မာ နိုင်ငံငှက်ပျောစိုက်ပျိုးထုတ်လုပ်၊ တင်ပို့ရောင်းချသူများအစုအဖွဲ့မှ သိရသည်။

အဓိကအားဖြင့် စားသုံးသူများ ယုံကြည်စိတ်ချစွာ စားသုံးနိုင်ရန် ငှက်ပျောစိုက်တောင်သူများကို လက်ရှိတွင် GAP သင်တန်းများပေးလျက်ရှိပြီး GAP လက်မှတ်ရရှိရန် စိုက်ပျိုးရေးဦးစီးဌာနသို့ ၂၀၁၈ ခုနှစ်အတွင်း၌ စတင်လျှောက် ထားခြင်းဖြစ်ကြောင်း သိရသည်။

"စိုက်ခင်းတွေမှာ အကုန်လုံး GAP နည်းနဲ့ လုပ်နေကြပြီ။ အဲ့ဒီအတွက်လည်း မြန်မာ့စိုက်ပျိုးရေးဦးစီးဌာနမှာ GAP လက်မှတ်ရဖို့ လျှောက်နေတယ်။ ငှက်ပျောနဲ့ ပတ်သက်ပြီး GAP ကို မြန်မာနိုင်ငံမှာ မပေးသေးဘူး။ အဲ့ဒါကြောင့် လျှောက်ထားဆဲပဲပေါ့။ ဘယ်သူ့မှ လက်မှတ်မရသေးဘူး ။ ပြည်တွင်းကငှက်ပျောကတော့ ပြည်ပကို တင်ပို့တာမရှိသေးဘူး။ ဒါပေမယ့် ကချင်ပြည်နယ်မှာ စိုက်တဲ့ငှက်ပျောကတော့ တရုတ်ကလာစိုက်ပြီး ပြည်ပပို့တယ်။ ပြည်တွင်းက တောင်သူတွေကတော့ ပြည်ပကို တင်ပို့နိုင်ဖို့အတွက် လုပ်ဆောင်နေတာတော့ရှိတယ်။" ဟု မြန်မာနိုင်ငံ ငှက်ပျောစိုက်ပျိုးထုတ်လုပ်တင်ပို့ရောင်းချသူများအစုအဖွဲ့၏ အတွင်းရေးမှူး ဒေါ်ဥမ္မာကျော် ကပြောသည်။

ပြည်တွင်းငှက်ပျောကို တရုတ်သို့ နယ်စပ်ကုန်သွယ်ရေးမှတဆင့် တင်ပို့မှုများရှိသော်လည်း ငှက်ပျောသီးများ သယ်ယူပို့ဆောင်ရာတွင် ထုတ်ပိုးမှုအပိုင်းနှင့်ပတ်သက်၍ အခက်အခဲရှိခြင်းကြောင့် မြန်မာနိုင်ငံ ငှက်ပျောစိုက်ပျိုးထုတ်လုပ် တင်ပို့ရောင်းချသူများအစုအဖွဲ့မှ ခြင်း တောင်းဖြင့် သယ်ယူရေးစနစ် ဆောင်ရွက်မှုကို တစ်နှစ်ဝန်းကျင်သာ လုပ်ဆောင်ပေးနိုင်ခြင်းရှိသေးကြောင်း သိရသည်။

ငှက်ပျောသီးထုတ်ပိုးမှုပိုင်းနှင့် ပတ်သက်ပြီး နောက်ပိုင်းတွင် အအေးခန်းကားများဖြင့် တင်ပို့နိုင်မည်ဆိုပါက အာဆီယံနိုင်ငံဈေးကွက်သို့ ထိုးဖောက်နိုင်မည်ဟု မျှော်မှန်းကြောင်း သိရသည်။

"တောင်သူလယ်သမားတွေက GAP လက်မှတ်ရရင်တော့ သူတို့စိတ်ထဲမှာ နိုင်ငံခြားကို ပို့လို့ရတယ်ဆိုပြီး ကြိုးစားနေတယ်။ ပြည်တွင်း ဈေးကွက်ပဲ ဖြန့်နိုင်သေးတယ်။ တစ်ချို့ကတော့ ပြည်တွင်းမှာလာစိုက်ပြီးတော့ ပြည်ပကို ပြန်ပို့တာရှိတယ်။ ဒါပေမယ့် အဲ့ဒါကို မြန်မာငှက်ပျောလို့ သွားသတ်မှတ်လို့မရဘူး။ မြန်မာ့ငှက်ပျောက အထားခံတာ၊ မခံတာရှိသေးတယ်။ မြန်မာပြည်က ဖီးကြမ်းကို ပိုအားသာပြီးစားတယ်။ နိုင်ငံခြားသားတွေက ဖီးကြမ်းကို သိပ်မကြိုက်ဘူး။ သီးမွှေးကျတော့ ဘာအခက်အခဲရှိလဲဆိုတော့ သယ်တဲ့နေရာမှာ မြန်မာတွေက အခုမှ ခြင်းတောင်းတွေနဲ့ သုံးကြတယ်။" ဟု ဒေါ်ဥမ္မာကျော်က ပြောသည်။

လက်ရှိတွင် City Mart များတွင် မြန်မာငှက်ပျောနှင့် တရုတ်ငှက်ပျောကို ယှဉ်ရောင်းရာတွင် မြန်မာငှက်ပျောကိုသာ အများဆုံးဝယ်ယူစားသုံးသည်ကို တွေ့ရှိရကြောင်း သိရသည်။

ယခင်က GAP လက်မှတ် လျှောက်ထားရာတွင် အဆင်ပြေလွယ်ကူစွာ ထုတ်ပေးလျက်ရှိသော်လည်း ယခုအခါ နိုင်ငံတော်အစိုးရအနေဖြင့် နိုင်ငံတကာနှင့် ယှဉ်၍ GAP စံနှုန်းသတ်မှတ်ချက်ကို အလေးထားလာခြင်းကြောင့် GAP စံချိန်စံညွှန်းကိုက်ညီမှသာ လက်မှတ်ထုတ်ပေးလျက်ရှိကြောင်း သိရသည်။

ငှက်ပျောကို မြန်မာနိုင်ငံအနှံ့အပြားတွင် စိုက်ပျိုးလျက်ရှိသော်လည်း ဧရာဝတီတိုင်းဒေသကြီးတွင် အများဆုံးစိုက်ပျိုးလျက်ရှိပြီး GAP လက်မှတ်ရရှိရန်လည်း ဧရာဝတီတိုင်းဒေသကြီးရှိ ငှက်ပျောစိုက်တောင်သူများကို အဓိကဆောင် ရွက်ပေးသွားမည်ဖြစ်ကြောင်း သိရသည်။

အေးအေးမြင့်(ABM)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...