ပြောင်းစိုက်ခင်းများမှာ FAW ငမြှောင်တောင်ပိုး ကျရောက်ဖျက်စီးပါက ဆက်သွယ်အကြောင်းကြားနိုင်

ကရင်ပြည်နယ်အတွင်း ပြောင်းစိုက်ဧရိယာများမှာ FAW ငမြှောင်တောင်ပိုး ကျရောက်ဖျက်စီးပါက ဆက်သွယ် အကြောင်းကြားနိုင်ကြောင်း ကရင်ပြည်နယ်၊ စိုက်ပျိုးရေးဦးစီးဌာန၊ ပြည်နယ်ဦးစီးမှူးရုံးမှ သိရပါတယ်။

တောင်သူများအနေနဲ့ စိုက်ခင်းများမှာ FAW ငမြှောင်တောင်ပိုး ကျရောက်မှုများရှိလာပါက ချက်ချင်းအကြောင်းကြားနိုင်ပြီး  ဆက်သွယ်နိုင်ပါတယ်လို့ ကရင်ပြည်နယ်၊ ပြည်နယ်ဦးစီးမှူးရုံးမှ ပြည်နယ်ဦးစီးမှူး ဦးသန်းထိုက် ကပြောပါတယ်။

“ ပြည်နယ်အချို့ရဲ့ ပြောင်းစိုက်ခင်းဧရိယာတွေမှာ ဖျက်စီးတဲ့ပိုးတွေ ကျရောက်နေတော့ စိုက်ချိန် ကို နောက်မကျဖို့နဲ့ အသိပေးကြေညာချက်တွေ၊ ကာကွယ်ရမယ့်နည်းလမ်းတွေကို အခုလုပ်ဆောင်နေပါတယ်။ တောင်သူတွေအနေနဲ့လည်း သံသယဖြစ်စရာပိုးမွှားတွေ့ရှိရင် အချိန်မှီဆက်သွယ်နိုင်ပါတယ်”

ကရင်ပြည်နယ်ရှိ တောင်သူများအနေနဲ့ သံသယဖြစ်စရာပိုးမွှားများ တွေ့ရှိပါက ဆက်သွယ်ရန် ဖုန်း နံပါတ် ၀၉- ၂၀၂၀၁၀၆ ၊ ၀၉ - ၄၄၃၅၉၆၆၉ နဲ့ ၀၉ - ၆၉၉၉၈၆၉၃၉ ကို ဆက်သွယ်နိုင်ကြောင်းသိရပါတယ်။

ယခင်ရက်ပိုင်းအတွင်းက စစ်ကိုင်းတိုင်းဒေသကြီး ရေဦးမြို့နယ်ရှိ ပြောင်းစိုက်ခင်းဧရိယာအချို့မှာ FAW ငမြှောင်တောင် ပိုးများ ကျရောက်ခဲ့တာဖြစ်ကြောင်းလည်း သိရပါတယ်။

တိုးတိုးခိုင်(ABM)

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်