High Density Planting System ဖြင့် အရည်အသွေးကောင်းသရက်များ ထုတ်လုပ်နိုင်

13/07/2020 10:30 AM တွင် ဒေါ်နန်းထက်ထက်ချစ် ဒေါ်နန်းထက်ထက်ချစ် မှ ရေးသား ပြီး Greenovator Greenovator မှ ပေးပို့ထားပါသည်။

    High Density Planting System (HDPS) ဆိုသည်မှာ အပင်များကို ထူထပ်သိပ်သည်းစွာ စိုက်ပျိုးသည့်စနစ် ဖြစ်သည်။ အပင်နိမ့်နိမ့် အပင်စိပ်စိပ်ဖြင့် အရည်အသွေးကောင်းအသီးများ ထုတ်လုပ်သည့်စနစ်ဆိုရင်လည်း မမှားပါ။

    သမရိုးကျ သရက်စိုက်ပျိုးရာတွင် ပင်ကြားတန်းကြားများကို၂ဝ ပေ×၂ဝ ပေ၊ ၂၅ ပေ×၂၅ ပေ၊ ၃ဝ ပေ×၃ဝ ပေ ခြား၍ စိုက်ပျိုးခဲ့ကြပြီး တစ်ဧကအပင်ဝင်ဆန့်မှု ပေ(၂ဝ)ပါတ်လည် စိုက်ပျိုးလျှင် အပင်-၁၀၀၊ (၂၅)ပေ ပါတ်လည် စိုက်ပျိုးမည်ဆိုလျှင် အပင်-၇၀၊ ပေ(၃ဝ)ပါတ်လည် စိုက်ပျိုးမည်ဆိုလျှင် အပင်-၅၀ ဝင်ဆန့်သည်။

     High Density Planting System (HDPS) စနစ်ဖြင့် စိုက်ပျိုးသည့် သရက်ခြံတွင် ပင်ကြားတန်းကြားကို ၆ ပေ×၉ ပေ ထားပါက တစ်ဧက အပင်-၈၀၀၊ ၁ဝ ပေ×၁ဝ ပေ ထားပါက တစ်ဧကလျှင် ပင်ရေ-၄၃၀၊ ၁ဝ ပေ×၁၂ ပေ ထားပါက တစ်ဧကလျှင် ပင်ရေ-၃၅၀ ထား၍ စိုက်ပျိုးနိုင်သည်။

ဒီစနစ်နဲ့ စိုက်ပျိုးတာ တစ်ဧကအပင်ဝင်ဆန့်မှုများပြီး သီးထွက်နှုန်းကောင်းတယ်။ စီးပွားရေးအရ တွက်ချေကိုက်ပါတယ်။ အသီးအရည်အသွေးကို မြင့်မားစေနိုင်ပြီး ပြုစုစောင့်ရှောက်ရတဲ့ ကုန်ကျစရိတ်တွေလည်း လျှော့ချပေးပါလိမ့်မယ်။ ဥပမာ ပေ၂ဝ ပါတ်လည်စိုက်ပျိုးရင် အပင် ၁၀၀ ဝင်ဆန့်ပြီး တစ်ပင်ကို အရည်အသွေးအကောင်းဆုံးအသီး ၁ဝ လုံး ယူရင်တောင် အရည်အသွေးအကောင်း အသီးအလုံးရေ ၁,၀၀၀ ရမှာ ဖြစ်ပါတယ်။

ဟု မြန်မာ့သရက် ဈေးကွက်နှင့်နည်းပညာ ဖွံ့ဖြိုးတိုးတက်ရေးအသင်း၏ ဒုတိယဥက္ကဌ ဦးမြင့်မော် က ပြောသည်။

    ယင်းစနစ်ဖြင့် သရက်စိုက်ပျိုးမည်ဆိုပါက ကိုင်းဖြတ်ကိုင်းညှပ်နည်းစနစ်ကို အဓိကသိရှိထားရန်လိုအပ်သည်။ ကိုင်းဖြတ်ကိုင်းညှပ်နည်းမှာ ပထမအကြိမ်အဖြစ် အစေ့ပျိုးအပင်ဆိုလျှင် မြေပြင်မှ (၂)ပေ၊ ကိုင်းဆက်ပျိုးပင်ဆိုလျှင် (၂)ပေခွဲ (၃)ပေ ဖြတ်ပေးရမည်။ ဖြတ်ပြီး ထွက်လာသည့် အညွှန့်သစ်များမှ သန်မာပြီး ဖိုခနောက်ဆိုင်ဖြစ်သည့် ကိုင်း(၃)ကိုင်းကို ဆက်လက်မွေးမြူ၍ ကျန်ကိုင်းများကို ဖယ်ရှားဖြတ်ရမည် ဖြစ်သည်။

     ဒုတိယအကြိမ်အဖြစ် မွေးမြူထားသော ကိုင်း (၃)ကိုင်းကို ကိုင်းရင်းမှ တစ်ပေခွဲအမြင့်တွင် ဖြတ်ပေးရမည်။ နောက်အကိုင်း (၃)ကိုင်းစီ မွေးမြူ၍ ကျန်ကိုင်းများ ထပ်မံဖြတ်ထုတ်ဖယ်ရှားပေးရမည်။ ဆက်လက်ပြီး တတိယအကြိမ်အဖြစ် ကိုင်း (၉)ကိုင်းကို ကိုင်းရင်းမှ တစ်ပေအမြင့်တွင် ဖြတ်ပြီး (အရှေ့အကြိမ်များ နည်းတူ) ကိုင်း(၃)ကိုင်းစီ ထပ်မံမွေးမြူရမည်။ ထို့သို့ဖြင့် ကိုင်းမှတစ်ပေအမြင့်တွင် ဖြတ်ခြင်း၊ ကိုင်း (၃)ကိုင်း မွေးမြူခြင်းတို့ကို (၇) ကြိမ်တိုင်အောင် ဆက်လက်ပြုလုပ်ပေးသွားရမည် ဖြစ်သည်။

ဒီလိုမျိုး ခုနှစ်ကြိမ်ပြုလုပ်ပြီး ကိုင်းဖြတ်ကိုင်းညှပ်ပေးမယ်ဆိုရင် ကိုင်းပေါင်း(၂၁၈၇)ကိုင်း ရရှိမှာဖြစ်ပါတယ်။ သမရိုးကျ အပင်ကျဲစနစ်နဲ့စိုက်ပျိုးထားတဲ့ အပင်တွေမှာလည်း အနဲဆုံး သုံးကြိမ်အထိ ကိုင်းဖြတ်ကိုင်းညှပ်စနစ်ကို အသုံးပြုသင့်ပါတယ်။ အပင်ဝိတ်ကို ညီစေပြီး လေဒါဏ်မိုးဒါဏ်ကို အတော်အသင့် ခံနိုင်ရည်ရှိသွားပါလိမ့်မယ်။

ဟု ဦးမြင့်မော် က ဆိုသည်။

    အဆိုပါစနစ်ဖြင့် စိုက်ပျိုးပါက သရက်ပင်များအား အမြင့် ၁ဝပေ/၁၂ပေ အနေအထားတွင် ထိန်းသိမ်းထားရသဖြင့် အပင်ဆေးဖျန်းရာတွင် နှံ့နှံ့စပ်စပ်ပက်ဖျန်းနိုင်၍ အသီးအိတ်စွပ်ခြင်း၊ အသီးခူးစွတ်ခြင်းလုပ်ငန်းများ လွယ်ကူပြီး အရည်အသွေးကောင်းသရက်သီးများ ရရှိကြောင်း သိရသည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်) 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်