ပွင့်ဖြူမြို့နယ်ရှိဒေသများအတွင်း ပန်းမုံလာစိုက်ပျိုးရေး အောင်မြင်ဖြစ်ထွန်းနေ

    မကွေးတိုင်းဒေသကြီး၊ ပွင့်ဖြူမြို့နယ်ရှိ ဒေသများအတွင်း ပန်းမုံလာစိုက်ပျိုးရေး အောင်မြင်ဖြစ်ထွန်းနေကြောင်း ဒေသခံများထံမှ သိရသည်။

အရင်တုန်းက ပန်းမုံလာကို ကျွန်တော်တို့ဒေသဘက်မှာ မစိုက်ကြဘူး။ ရှမ်းပြည်နယ်ဘက်မှာပဲ အစိုက်များတယ်။ ရှမ်းပြည်နယ်ဘက်ကသယ်လာပြီး ရောင်းချတာတွေကိုပဲ ဝယ်စားခဲ့ကြရတယ်။ နောက်ပိုင်း ကျွန်တော်တို့ဒေသဘက်မှာလည်း စမ်းစိုက်ကြည့်ရင်း ဖြစ်ထွန်းတာကြောင့် စိုက်ဖြစ်တာပါ။ ရွာနီးခြောက်စပ်ကဈေးသည်တွေက ကျွန်တော်တို့ဆီလာဝယ်တာနဲ့တင် ရောင်းလို့ကုန်ပါတယ်။ ဈေးသည်တွေကတဆင့်မှ ပွင့်ဖြူနဲ့ မင်းဘူး၊ မကွေးတို့ကို ဆက်ပြီးတင်ပို့ရောင်းချကြတယ်။ တစ်ပွင့်ကို ၄၀၀/၅၀၀ ကျပ် ဈေးရပါတယ်။

ဟု မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ်၊ ညောင်ကုန်း ကျေးရွာမှ ပန်းမုံလာ(ဂေါ်ဖီပန်းပွင့်) စိုက်ပျိုးသူ ကိုသန်းဌေးအောင် ကပြောသည်။

    မကွေးတိုင်းဒေသကြီးတွင် ပန်းမုံလာပင် စိုက်ပျိုးပါက ဇူလိုင်လမှ နိုဝင်ဘာလအတွင်း မည်သည့်လတွင်မဆို စိုက်ပျိုးနိုင်ကြောင်း သိရသည်။ 

ကျွန်တော်တို့ဒေသက အပူပိုင်းဒေသဖြစ်တဲ့အတွက် ဒီဇင်ဘာလနဲ့ ဇန်နဝါရီလလောက်ဆို ရာသီဥတုပူလာပြီဖြစ်လို့ မစိုက်သင့်တော့ပါဘူး။ ပန်းမုံလာက အအေးကြိုက်တဲ့အပင်အမျိုးအစားဖြစ်လို့ပါ။ ကျွန်တော်တို့ဘက်ကထွက်တာနဲ့ ဆင်ဖြူကျွန်းဘက်ကထွက်တာနဲ့ တိုက်ဆိုင်သွားတဲ့အချိန်ဆိုရင်တော့ ဈေးကျတတ်တယ်။ အဲ့ဒီအခါ တစ်ပွင့်ကို ၂၀၀ ကျပ်လောက်အထိ ဈေးကျသွားတတ်တယ်။ ၁၂ လပိုင်းဘက်ရောက်မှ စိုက်တဲ့အသီးဆိုရင် ဈေးကောင်းရဖို့ နည်းတာပါ။ အခုချိန်ဆို ဈေးကောင်းရနေတယ်။ စက်တင်ဘာလကုန်ခါနီးကစိုက်ပျိုးထားတဲ့ ပန်းမုံလာတွေပါ။ ပန်းမုံလာက ဈေးကောင်းချိန်ကို ချိန်ဆစိုက်ပျိုးလို့ရတဲ့ သီးနှံပါ။ တစ်ခါတစ်ရံ ရာသီဥတုဖောက်ပြန်တတ်တာက လွဲပြီးပေါ့။

ဟု ၎င်းက ဆက်လက်ပြောသည်။

    စိုက်ပျိုးပြီး ၂ လသားဝန်းကျင်တွင် ခူးဆွတ်ရောင်းချနိုင်ပြီး ပန်းမုံလာ (ဂေါ်ဖီပန်းပွင့်) အပင်ရေ ၁၅၀၀ အတွက် မျိုးဖိုး၊ မြေဩဇာဖိုး၊ ပိုးသတ်ဆေးဖိုး၊ ပလတ်စတစ်အုပ်စိုက်ပျိုးသည့်ကုန်ကျစရိတ် စုစုပေါင်းအနေဖြင့် ငွေကျပ် ၁၅၀,၀၀၀ ဝန်းကျင် ကုန်ကျနိုင်ကြောင်း သိရှိရသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more