ကုလားပဲကော မတ်ပဲပါ ဈေးတက်နေသော်လည်း မတ်ပဲဈေး ယခုလကုန် ပြန်ကျနိုင်ဟု ကုန်သည်အချို့ ခန့်မှန်း

ကုလားပဲဈေးတွေ ပြီးခဲ့တဲ့တစ်ပတ်အတွင်း မြင့်တက်လာပါတယ်။ ဈေးရနေတဲ့ အဓိကအချက်ကတော့ အထွက်နည်းတဲ့အတွက် အဝယ်လိုက်နေတာကြောင့်ဖြစ်တယ်လို့ သိရပါတယ်။

အဓိကကတော့ ပြည်ပတင်ပို့နေတဲ့ ကုလားပဲတွေက ပိုဈေးတက်နေတာပါ။ ဒါပေမဲ့ တချို့အမျိုးအစားတွေလည်း အနည်းငယ်မြင့်တက်နေတယ်လို့ သိရပါတယ်။ 

ရန်ကုန်ဈေးကွက်မှာတော့ ကုလားပဲလုံးဖြူက တစ်ပိဿာကို ၂၃၀၀ ကနေ ၂၃၈၅ ကျပ်၊ ကုလားပဲလုံး ဖြူကြီးကတော့ တစ်ပိဿာကို ၂၅၅၀ ကနေ၂၅၈၅ ကျပ်၊ ကုလားပဲခြမ်းကတော့ တစ်ပိဿာကို ၃၁၀၀ ကနေ ၃၃၀၀ ပေါက်ဈေးရှိပြီး ဈေးငြိမ်နေပါတယ်။

မန္တလေးဈေးကွက်မှာတော့ ကုလားပဲ(v2) က တစ်အိတ်ကို ၁၄၈၀၀၀ ပေါက်ဈေးရှိပြီး ၄၀၀၀ ကျပ်၊ (v7) ကတော့ တစ်အိတ်ကို ၁၅၄၀၀၀ ကနေ ၁၅၅၀၀၀ ပေါက်ဈေး ရှိပြီး ၄၀၀၀ ကျပ်၊ ကုလားပဲ၉၂၉ ကတော့ တစ်အိတ်ကို ၁၃၈၀၀၀ ပေါက်ဈေးရှိပြီး ၄၀၀၀ကျပ်၊ ကုလားပဲ(ထိုင်ဝမ်)ကတော့ တစ်အိတ်ကို ၁၃၄၀၀၀ ကနေ ၁၃၅၀၀၀ ပေါက်ဈေးရှိပြီး ၁၀၀၀၀ ကျပ် အသီးသီး ဈေးမြင့်တက်လာပါတယ်။

မုံရွာဈေးကွက်မှာတော့ ကုလားပဲ(ထိုင်ဝမ်) က တစ်တင်းကို ၄၅၅၀၀ ပေါက်ဈေးရှိပြီး ၂၅၀၀ကျပ်၊ ကုလားပဲ ၉၂၉ က တစ်တင်းကို ၄၆၅၀၀ ပေါက်ဈေးရှိပြီး ၂၀၀၀ ကျပ် ၊ ကုလားပဲ(v2) က တစ်တင်းကို ၄၉၀၀၀ ပေါက်ဈေးရှိပြီး ၅၀၀ ကျပ် ဈေးတက်လာပါတယ်။

မကွေးဈေးကွက်မှာလည်း ကုလားပဲ(ဟော်လန်)က တစ်တင်းကို ၄၄၂၀၀ ပေါက်ဈေးရှိပြီး ၄၀၀ကျပ်၊ ကုလားပဲ (၉၂၉) ကတော့ ၄၅၅၀၀ ပေါက်ဈေးရှိပြီး တစ်တင်း ကို ၁၀၀၀ ကျပ်ဈေးတက်လာပြီး ၊ ကုလားပဲသေးကတော့ တစ်တင်းကို ၄၂၀၀၀ ပေါက်ဈေးနဲ့ဈေးငြိမ်နေတယ်လို့ သိရပါတယ်။

မတ်ပဲကတော့ တစ်ပတ်အတွင်း ထူးခြားတဲ့ ကြီးကြီးမားမား ပြောင်းလဲမှုမျိုးမရှိခဲ့ပါဘူး။ ငွေကြေးဈေးအပြောင်းအလဲ နဲ့ လကုန်ပိုင်း ဖြစ်တဲ့အတွက်ကြောင့် အရောင်းအဝယ်အနည်းငယ်သွက်နေပြီး ဈေးအနည်းငယ်မြင့်တက်ခဲ့တယ်လို့တော့ ဆိုလို့ရပါတယ်။ ဒါပေမဲ့ လကုန်ပြီးရင်တော့ မတ်ပဲဈေးအခြေအနေက ပြန်ကျဆင်းနိုင်ခြေရှိတယ်လို့လည်း ကုန်သည်အချို့က ခန့်မှန်းထားပါတယ်။

လက်ရှိအိန္ဒိယဝယ်ယူမှုကလည်းရှိနေပေမယ့် သတ်မှတ်ထားတဲ့ ငွေကြေးနဲ့အရောင်းအဝယ်ပြုလုပ်လို့ မရတဲ့အခြေအနေတွေကြောင့် မတ်ပဲဈေးကိုယခုထက်ပိုဆွဲချလို့မရကြောင်း ကုန်သည်အများစုကတော့ သုံးသပ်ထားပါတယ်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်) 

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးင​မြောင်​တောင်ပိုး( Rice armyworm) စတဲ့ စပါးဖျက်ပိုး​တွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ

Read more