Export လမ်းကြောင်းများ အားနည်းနေသေးသဖြင့် ငရုတ်စိုက်တောင်သူများအဆင်မပြေဖြစ်နေ

Exportလမ်းကြောင်းများ အားနည်းနေသေးသဖြင့် ငရုတ်စိုက်တောင်သူများ အဆင်မပြေဖြစ်နေကြောင်း စစ်ကိုင်းတိုင်းဒေသကြီး၊ ရွှေဘိုခရိုင်အတွင်းမှ ငရုတ်သီး ကိုယ်တိုင်စိုက်ပျိုးထုတ်လုပ်နေသူများက ပြောသည်။

ဈေးကွက်အခက်အခဲကတော့ သင်္ကြန်ပတ်ဝန်းကျင်မှာ ငရုတ်သီးလှိုင်လှိုင်ထွက်ပြီး သင်္ကြန်ကကျ ငရုတ်ဈေးကွက်ကမကောင်းနဲ့ ဒီကတောင်သူတွေမှာ အခက်အခဲအမြဲ ဖြစ်ပါတယ်။ အဲ့ဒါကလည်း နှစ်စဉ် ဒီအတိုင်းဖြစ်တာပါ။ ပုံမှန်ဆိုရင်တော့ ငရုတ်သီး Export အနေနဲ့ အဓိကက တရုတ်နိုင်ငံကို တင်ပို့ပါတယ်။ အခုလို ကိုဗစ်ကာလ အခြေအနေနဲ့ဆိုတော့ ပိုဆိုးတာပေါ့။ ငရုတ်သီးက Export ရှိမှ လမ်းကြောင်းဖောက်နိုင်မှသာ တောင်သူလည်းအဆင်ပြေ ကုန်သည်လည်း အဆင်ပြေတာပါ။ အခုလို ပြည်ပတင်ပို့မှုတွေ မကောင်းတဲ့ကာလမှာ ငရုတ်တောင်သူတွေ အဆင်မပြေကြပါဘူး။

ဟု စစ်ကိုင်းတိုင်းဒေသကြီး၊ ရွှေဘိုခရိုင်၊ ခင်ဦးမြို့နယ်၊ မူးသာရွာမှ စီးပွားဖြစ်ငရုတ်စိုက်ပျိုးသူ ဦးသန်းဆွေဦးက ပြောသည်။

စစ်ကိုင်းတိုင်းဒေသကြီး၊ ရွှေဘိုခရိုင်မှ စိုက်ပျိုးထွက်ရှိသည့် ငရုတ်သီးများကို အများအားဖြင့် မြစ်ကြီးနား၊ ကူမဲ၊ ယင်းမာပင်၊ ကျောက်ဆည်၊ မုံရွာ ဒေသများထံသို့ ရောင်းချနေကြသည်။

အခု လက်ရှိဈေးနှုန်းအနေနဲ့ ငရုတ်သီးအစိမ်း တစ်ပိဿာကို (၈၀၀) ကျပ်နဲ့ ရောင်းဝယ်နေပါတယ်။ အစိမ်းတစ်ခုပဲ အရောင်းအဝယ်ဖြစ်နေပါတယ်။ အမှည့်အစိုအရောင်းအဝယ် ရပ်တန့်နေပါတယ်။ ငရုတ်သီးအခြောက်ဈေးကွက်ကတော့ ရှိတော့ရှိပေမယ့်လည်း တောင်သူက ငရုတ်ခြောက်တွေကို လက်ထဲအမြဲသိမ်းမထားနိုင်တဲ့အတွက် ဈေးကွက်အမြဲတမ်းတော့ ရှိမနေနိုင်ပါဘူး။ အရည်အသွေးမကောင်းမှာ စိုးတာကြောင့်ရယ်၊ လက်ထဲ ကြာကြာမထားချင်တဲ့အတွက်ကြောင့်ရယ် အမြန်ဆုံးရောင်းထုတ်ကြတာ များပါတယ်။

ဟု ၎င်းက ဆက်လက်ပြောသည်။

ငရုတ်တစ်ဧကစာ စိုက်ပျိုးမည်ပါက အကြမ်းဖျဉ်းကုန်ကျစရိတ် ကျပ်(၃)သိန်းမှ ကျပ်(၅)သိန်းကြား ကုန်ကျနိုင်ပြီး ဒေသတစ်ခုနှင့်တစ်ခု ကုန်ကျစရိတ်များ မတူညီကြောင်း သိရသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ