၁၅၀၀ ကျပ်အထက်ဈေးရနေပေမယ့် စိုက်ပျိုးစရိတ်မြင့်တက်မှုကြောင့် တွက်ခြေမကိုက်တဲ့ ငရုတ်သီး

    ငရုတ်သီးဈေးနှုန်းများ မြင့်တက်နေသော်လည်း စိုက်ပျိုးစရိတ်မြင့်တက်မှုကြောင့် တွက်ခြေမကိုက်ကြောင်း ကိုယ်တိုင်စိုက်ပျိုးထုတ်လုပ်နေသူများက ပြောသည်။

ငရုတ်သီးအစိမ်းဈေး တစ်ပိဿာ ၁၅၀၀ ကျပ်အထက် ရနေတယ်ဆိုတာ ဈေးတက်နေတဲ့သဘောပေါ့။ ဒါပေမယ့်လည်း ဒီနှစ်ရဲ့ သွင်းအားစုစရိတ်နဲ့က မကိုက်ပါဘူး။ အရင်းတင် တစ်ပိဿာကို ၁၂၀၀ လောက် ကုန်ကျလို့ပါ။ ဒါ့ကြောင့် ငရုတ်သီးအမှည့်အစိုတစ်ပိဿာကို ၁၅၀၀/၁၈၀၀ ကျပ်လောက်ရမှသာ ကိုက်မှာပါ။ မြေဩဇာဈေးက နှစ်ဆလောက်တက်ခဲ့တာကိုး။

ဟု မန္တလေးတိုင်းဒေသကြီး၊ မြစ်သားမြို့နယ်၊ ရွာခိုင်ကြီးကျေးရွာမှ ငရုတ်သီးစိုက်ပျိုးထုတ်လုပ်တင်ပို့ရောင်းချနေသူ ကိုမြင့်ထွန်းဦးက ပြောသည်။

    ပြည်တွင်းမှ စိုက်ပျိုးထွက်ရှိသည့် ငရုတ်သီးအမှည့်အစိုများကို ထိုင်းနိုင်ငံနှင့် မလေးရှားနိုင်ငံသို့ တင်ပို့ရောင်းချခဲ့ရာ ယခုနှစ်တွင် အရည်အသွေးမပြည့်မီခြင်း၊ အထွက်နှုန်းကျဆင်းခြင်းတို့ကြောင့် တင်ပို့မှုအားနည်းနေကြောင်း သိရသည်။

မကွေးတိုင်းအနီးတစ်ဝိုက် ဒေသတွေရယ်၊ ပုပ္ပါးနဲ့ ကျောက်ပန်းတောင်း စတဲ့ဒေသတွေရယ်၊ ဧရာဝတီတိုင်းက တစ်ချို့ဒေသတွေရယ်မှာ စိုက်ပျိုးထားတဲ့ ငရုတ်ခင်းတွေ မိုးရေချိန်များတာကြောင့် အရည်အသွေးကျဆင်းမှုရှိတယ်။ အဲ့ဒါကြောင့်လည်း ငရုတ်သီးအစိမ်းဈေးတက်တာပေါ့။ ငရုတ်သီးအမှည့်အစိုဈေးကွက်ကတော့ ပြည်ပတင်ပို့မှု ရပ်ထားသလောက်ကိုဖြစ်နေတယ်။ ဘာဖြစ်လို့လဲဆိုတော့ မြန်မာနိုင်ငံမှာ ဒီနှစ် မိုးများခဲ့တဲ့အတွက်ကြောင့်မို့ ငရုတ်ခင်းတွေ အပျက်အစီးများပြီး အရည်အသွေး မထိန်းနိုင်ခဲ့တာကြောင့်ပါ။

ဟု ကိုမြင့်ထွန်းဦးက ဆက်လက်ပြောသည်။

    လက်ရှိတွင် ငရုတ်သီးအစိမ်းလက်ကားဈေး တစ်ပိဿာလျှင် ၁၈၀၀ ကျပ်၊ ငရုတ်သီးအမှည့်အစို လက်ကားဈေး တစ်ပိဿာလျှင် ၁၂၀၀/၁၃၀၀ ကျပ် ဝန်းကျင်ဈေးနှုန်းဖြင့် ရောင်းဝယ်ဖောက်ကားနေကြသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်