တရုတ်ကိုတင်ပို့သည့် ဖရဲစျေးနှုန်းများ မြှင့်တက်လာ

04/10/2019 12:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

တရုတ်ကိုတင်ပို့သည့်ဖရဲစျေးနှုန်းများမြှင့်တက်လာ

မူဆယ်မှတရုတ်နိုင်ငံကို တင်ပို့နေသည့် မြန်မာ့ဖရဲများမှာ အခုလဆန်းပိုင်းအတွင်းစျေးနှုန်းများပြန် တက်လာတာဖြစ်ကြောင်း မြန်မာနိုင်ငံဖရဲ ၊ သခွားစိုက်ပျိုးထုတ်လုပ်တင်ပို့ရောင်းချသူများအသင်းမှ သိရပါတယ်။ ဖရဲများမှာ ဝယ်လိုအားလိုက်လာတဲ့အတွက် စျေးနှုန်းများမြင့်တက်လာတာဖြစ်တယ်လို့ မြန်မာနိုင်ငံ ဖရဲ ၊ သခွားစိုက်ပျိုး ထုတ်လုပ်တင်ပို့ရောင်းချသူများ အသင်းမှ ဥက္ကဌဦးနိုင်ဝင်းကပြောပါတယ်။

“ အရင်လတွေက သူတို့ဆီမှာကလည်း အသီးကပေါ်နေတော့ အဝယ်မလိုက်ဘူး။တရုတ်ပြည်မှာပြီးခဲ့ တဲ့ရက်က ပါးစပြုလာပြီ။ အဲဒီအတွက်အဝယ်ပြန်လိုက်လာတော့ စျေးနှုန်းလေးတွေပြန်တက်လာတာပါ။ ဒီအောက်တိုဘာလလအလယ်လောက်ကျ တဖြည်းဖြည်းနဲ့တော့စျေးကောင်းလာမှာပါ”

မြန်မာ့ဖရဲတစ်တန်ကို ယွမ်၁၅၀၀မှ ၂၃၀၀ယွမ်ထိစျေးနှုန်းရရှိလာပြီး ယွမ် ၅၀၀ မြှင့်တက်လာကြောင်း အဆိုပါအသင်းမှ သိရပါတယ်။

မြန်မာ့ဖရဲကိုတရုတ်ကို အဓိကထားတင်ပို့နေပြီး နောက်လအတွင်းမှာအခြားပြည်ပနိုင်ငံများကိုလည်း တင်ပို့သွားမှာဖြစ်ကြောင်း မြန်မာနိုင်ငံဖရဲ ၊ သခွားစိုက်ပျိုးထုတ်လုပ်တင်ပို့ရောင်းချသူများအသင်းမှ သိရပါတယ်။

တိုးတိုးခိုင်(ABM)


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်