အစိမ်းရောင်လမ်း
Greenovator
ပြောင်းသီးနှံမှာကျရောက်နေတဲ့ (FAW) ငမြှောင်တောင်ပိုးကျရောက်မှုများနဲ့ ဘက်စုံကာကွယ်နှိမ်နင်းခြင်းများအတွက် သုတေသနလုပ်ငန်းများကို တရုတ်နိုင်ငံ ကူမင်းစိုက်ပျိုးရေးကျေးလက်ဗျူရိုအဖွဲ့နဲ့ ပူးပေါင်းဆောင်ရွက်သွားမှာဖြစ်ကြောင်း စိုက်ပျိုးရေးသုတေသနဦးစီးဌာနမှ သိရပါတယ်။
ပြောင်းသီးနှံမှာကျရောက်နေတဲ့ (FAW) Fall Armyworm အတွက် ပူးပေါင်းဆောင်ရွက်နိုင်ရန် ဆွေးနွေးညှိနှိုင်းနေတာဖြစ်တယ်လို့ စိုက်ပျိုးရေးသုတေသနဦးစီးဌာနမှ ဒုတိယညွှန်ကြားရေးမှူးချုပ် ဦးသန့်လွင်ဦးက ပြောပါတယ်။
“အဓိကပြောင်းသီးနှံမှာကျရောက်နေတဲ့ (FAW) Fall Armyworm အတွက်ကိုပူးပေါင်းဆောင်ရွက်ဖို့ဆွေးနွေးတာပါ။ သူတို့ဆီမှာတော့ နောက်မှာကျတာ။ အဲဒီအတွက် နည်းပညာတွေကို ပူးပေါင်းဆောင်ရွက်ဖို့ ကာကွယ်နှိမ်နင်းဖို့ လုပ်ဆောင်သွားမှာပါ။ FAW ကို ကာကွယ်နှိမ်နင်းဖို့အတွက် ခုထိမရှိသေးဘူးပေါ့နော်”
လာမယ့်ပြောင်းရာသီမှာ ပြောင်းသီးနှံမှာကျရောက်နေတဲ့ (FAW) Fall Armyworm အတွက် နည်းစနစ်နဲ့ ကာကွယ်နိုင်မယ့်နည်းပညာများ ပူးပေါင်းနိုင်ရန်အတွက် အစီအစဉ်များရေးဆွဲနေတာဖြစ်ကြောင်းလည်း အဆိုပါဌာနမှ သိရပါတယ်။
ဘက်စုံပိုးမွှားရောဂါ ကာကွယ်နှိမ်နင်းနည်းလမ်းများနဲ့ ပိုးမွှားသုတေသနလုပ်ငန်းများ အတွက် သုတေသနလုပ်ငန်းများ ဆောင်ရွက်လျက်ရှိရာ တရုတ်နိုင်ငံ ကူမင်း စိုက်ပျိုးရေး ကျေးလက်ဗျူရိုအဖွဲ့နဲ့ ပူးပေါင်းကာ သုတေသနလုပ်ငန်းများ ဆောင်ရွက်ရန် ဆွေးနွေးညှိနှိုင်းသွားမှာဖြစ်ကြောင်း အဆိုပါဌာနမှ သိရပါတယ်။
တိုးတိုးခိုင်(ABM)
Farm Link Co.,Ltd ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}