တစ်ပတ်အတွင်း စိတ်ဝင်စားစရာ အမေးအဖြေများ

စိတ်ဝင်စားစရာ အမေးအဖြေလေးတွေကို စုစည်းပြီးဖော်ပြပေးနေတဲ့ စနေနေ့လေးကနေ ကြိုဆိုလိုက်ပါတယ်ရှင့်

ဒီတစ်ပတ်ကတော့ အမေးအဖြေကဏ္ဍမှာ ပုံနဲ့တင်ပြီးမေးထားတဲ့ မေးခွန်းတွေကို ဆရာတွေ ဘယ်လောက်ထိ တိတိကျကျ ဖြေပေးနိုင်လဲဆိုတာ သိရှိဖို့အတွက် ရည်ရွယ်ထားတာပါ။

ဒါ့ကြောင့် ဦးကြီးတို့ ပုံနဲ့ပို့စ်တင်မေးတဲ့အခါ ဘယ်လောက်ထိ အဖြမှန်ကို ရနိုင်လဲဆိုတာ ကြည့်ကြရအောင်ပါ။

၁။ မေး ( U Oo) - အရွက်တွေကြွေပြီး အညွှန့်တွေလည်း ညိုနေတယ်။ အညွှန့်လည်းဆက်မထွက်တော့ဘူး။ ပင်စည်ကတော့ ဘာမှမဖြစ်ဘူး အကြံပေးပါဦးဆရာတို့။

ဖြေ ( ဒို့ဦးလေး) - အမြစ်မှာ ပြသနာရှိနိုင်တယ်။ ထရိုင်ကိုဒါးမား ထည့်ခြင်း။ သို့မဟုတ် ဖို့စတိုင်းအလူမိနိယံ ဖျန်းပါ။

၂။ မေး (Mg Gaw) - ဆရာတို့ရေ ကြည့်ပေးပါဦး မြေသားက အဲလိုအရောင်ဖြစ်နေလို့ ပုံမှန်ပဲလား (သို့) တစ်ခုခုဖြစ်နေလို့လားဗျ

ဖြေ (ဒို့ဦးလေး) - စပါးရိုးပြတ် မြေဆိုရင်တော့.. မြေချဥ်လို့ သံချေးရောင် ဖြစ်တဲ့သဘောပါ။

မေး - ဟုတ်မယ်ဆရာရေ စပါးရိုးပြတ်ပါ အပင်အတွက် အန္တရာယ်ရှိလားခင်ဗျ။

ဖြေ (ဆုမြတ်နိုး) - မြေချဉ်ရင်ကိုယ်စိုက်တဲ့သီးနှံကြိုက်တဲ့ pH ဖြစ်ဖို့အတွက် ထုံးထည့်ပြီး ညှိပေးရပါတယ်။

၃။ မေး (Khin Maung Thein) - ရုံးပတီပင်တွေ ဘာဖြစ်တာလဲဗျ အကြံပေးပါအုံးဆရာတို့ ။

ဖြေ (ဒို့ဦးလေး) - ဖြုတ်စိမ်းသို့မဟုတ် ယင်ဖြူကျနေပါလိမ့်မယ်။ စုပ်စားပိုးဆေးဖျန်းထားပါ၊ ဗိုင်းရပ်လက္ခဏာပြနေတယ်။

၄။ မေး (အောင်ဖြိုး) - ရောဂါလားပိုးလားဗျ ၃ ပုံ၂ ပုံလောက်ကိုကျနေပါတယ်ဘာလုပ်သင့်လဲ?

ဒီမေးခွန်းလေးဆို ပုံလေးသာရိုက်မတင်ပဲ မေးလိုက်မယ်ဆို မြေဆီလွှာနဲ့ မတည့်နေတာကို သိရှိနိုင်လိမ့်မှာ မဟုတ်ပါဘူး။ စိုက်ပျိုးရေးဆိုတာလည်း...ခက်တော့...ခက်သား ရေ၊ မြေ၊ ပတ်ဝန်းကျင်နဲ့ ကိုက်တဲ့ သီးနှံကို ရွေးချယ်တတ်ဖို့ကလည်း အလွန်အရေးကြီးပေကိုး..။

ဖြေ (ဒို့ဦးလေး)- ရောဂါမဟုတ်၊ ပိုးမဟုတ်။ စနယ်မြေစေးမြေနဲ့ အပင်နဲ့ သဟဇာတ မဖြစ်တာဖြစ်မယ်။ အပင်ရဲ့ တစ်ထွာပတ်လည်မှာ ဝိုက်ကျင်းဖွဲ့ပါ။ ပြီးရင် ဆွေးပြီး မြေဆွေးမှုန့်တွေ ပုံပါ။

(ဆုမြတ်နိုး) - စနယ်မြေမှာ စပါး၊ မြေပဲ၊ နှမ်း၊ နေကြာ၊ ဝါ၊ ကြံ၊ ပဲမျိုးစုံ၊ ငရုတ် နှင့် နှံစားပြောင်းစသည့် သီးနှံတို့ကို စိုက်ပျိုး နိုင်ပါတယ်။

၅။ မေး (ငဘတို့ရွာ) - ရေထက်သွင်းလို့ရသေးလားဗျ ရက် 70 သားပါ ဥမညီသေးဘူး တစ်ချို့အပင်တွေက ဥက အခုမှစတာ။

ဖြေ (ဒို့ဦးလေး) - ခုမှစဥတဲ့ အရေအတွက်များရင် တော့ ရေသွင်းဖို့လိုမှာပါ။

(ပြည့်ဖြိုးအောင်) လိုပါတယ်။

အခုပြထားတဲ့ ပုံလေးထဲကလို ကိုယ့်အခင်းထဲမှာ ဖြစ်နေရင် ဘယ်လိုလုပ်မလဲဆိုတာ သိရှိသွားပြီပေါ့နော်။

မှတ်စရာလေးတွေလည်း တစ်ခုမဟုတ် တစ်ခုတော့ ရရှိသွားမယ်မျှော်လင့်ပါတယ်။

တောင်သူကြီးများအားလုံး သီးနှံများအထွက်နှုန်းကောင်းလို့ ဈေးကောင်းတွေရရှိကြပါစေ။

စိုက်မွေးပြဿနာတွေကိုလည်း အမေးအဖြေကဏ္ဍမှာ လာရောက်ဆွေးနွေးလို့ ရနေပါကြောင်း...

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...