ဈေးကွက်မျှော်ကိုး၍ ငရုတ်စိုက်သော်လည်း နည်းစနစ်မကျွမ်းကျင်၊ ဝယ်လက်မရှိပါက အရှုံးပေါ်နိုင်

    ငရုတ်သီးစျေးကွက်ကောင်းကို မျှော်ကိုး၍ စိုက်ပျိုးလာကြသော်လည်း ဒေသနှင့်ကိုက်ညီသည့် မျိုးကောင်းမျိုးသန့် မရရှိခြင်း၊ စိုက်ပျိုးနည်းစနစ် မကျွမ်းကျင်ခြင်း၊ ဝယ်လက်များနှင့် မချိတ်ဆက်တတ်ခြင်း စသည့် အားနည်းချက်များကြောင့် အရှုံးပေါ်တတ်သည်ကို သတိပြုရန်လိုအပ်ကြောင်း စိုက်ပျိုးရေးကျွမ်းကျင်သူများက ဆိုသည်။

ငရုတ်ပင်က ရွှေသီး၊ ငွေသီးတွေ သီးမှာမဟုတ်ပါဘူး။ ငရုတ်သီးပဲ သီးမှာပါ။ သီးတဲ့ငရုတ်သီးကလည်း ထောင်းစားလို့မကုန်ပါဘူး။ ဝယ်မယ့်ဝယ်လက်ရှိမှ စိုက်ပါ။ ကျွန်တော်တို့နယ်ဘက်မှာက စိုက်ပျိုးကြ၊ ရောင်းဝယ်ကြနဲ့ စျေးကွက်ကရှိပြီးသားပါ။ အခင်းထဲ ငရုတ်ကောက်တုန်း ပွဲစားက လာဝယ်နေပြီ။ ငရုတ်အစိုဆို မနက်ပိုင်းကောက် ညနေရောင်း၊ စျေးကလည်း အခြောက်ထက်ပိုကိုက်ပါတယ်။ တစ်ခါတလေ ပွဲစားနှစ်ဦးသုံးဦးလုဝယ်ရင် ပေါက်စျေးထက်တောင် ပိုရသေးတာ။ ပွဲစားမရောင်းချင်ရင် ပွဲရုံတွေပို့ပေါ့။ ဒီလိုမျိုး ဈေးကွက်သေချာရင်တော့ စိုက်ပျိုးသင့်တာပေါ့ ခင်ဗျာ။

ဟု မန္တလေးတိုင်းဒေသကြီး၊ ကျောက််ဆည်ခရိုင်၊ မြစ်သားမြို့နယ်၊ ရွာခိုင်ကြီးကျေးရွာမှ ငရုတ်သီးစီးပွားဖြစ် စိုက်ပျိုးထုတ်လုပ်သူ ကိုမြင့်ထွန်းဦးက ပြောသည်။

    ငရုတ်သီးသည် ပြည်တွင်းစားသုံးမှုသာမကဘဲ ပြည်ပဈေးကွက်ရှိသည့် သီးနှံတစ်မျိုးဖြစ်သည်။ ပြည်တွင်းရှိ ကုန်သည်ပွဲစားများ၊ ပွဲရုံများသို့ ရောင်းချနိုင်သည့်အပြင်၊ ဈေးကွက်လမ်းပွင့်သည့် အချိန်အခါများက တရုတ်နိုင်ငံ၊ ထိုင်းနိုင်ငံ၊ မလေးရှားနိုင်ငံနှင့် ကိုရီးယားနိုင်ငံများသို့ ငရုတ်သီးအစိမ်း/အမှည့်အစို/ငရုတ်ခြောက် (၃)မျိုးလုံး တင်ပို့ရောင်းချကြောင်း သိရသည်။ 

ပြောရရင် ဝယ်လက်ပေါတယ်။ ဒါ့ကြောင့် အများစုစိုက်ကြတာ။ ငရုတ်အစိုမဝယ်ရင်လည်း ငရုတ်ခြောက်အနေနဲ့ ရောင်းနေရတာပဲ။ အဓိကက ကိုယ်စိုက်ပျိုးမယ့်သီးနှံနဲ့ ကိုယ့်ဒေသ ရေမြေရာသီဥတု၊ စျေးကွက်အခြေအနေတွေကို သေချာလေ့လာပြီးမှစိုက်ပါ။ နောက်တစ်ခုက နည်းစနစ်ပိုင်း ကျွမ်းကျင်မှုမရှိရင်လည်း မစိုက်ပါနဲ့။ အရှုံးပေါ်တတ်ပါတယ်။

ဟု ကိုမြင့်ထွန်းဦးက ဆက်လက်ပြောသည်။

    မြန်မာနိုင်ငံတွင် ငရုတ်သီးစိုက်ပျိုးရေးကို ဧရာဝတီတိုင်းဒေသကြီး၊ မန္တလေးတိုင်းဒေသကြီး (မြစ်သား၊ ကျောက်ဆည်၊ မန္တလေး)၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး စသည့် ဒေသများ၌ အဓိကစိုက်ပျိုးထုတ်လုပ်နေသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးင​မြောင်​တောင်ပိုး( Rice armyworm) စတဲ့ စပါးဖျက်ပိုး​တွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ

Read more