ကျွဲ၊ နွားများတွင်အဖြစ်များသော လည်ပင်းပိတ်နာ (ခေါ်) လည်ချောင်းကွဲရောဂါကို ကာကွယ်ကုသနည်း

          ကျွဲ၊နွားများတွင်အဖြစ်များသော လည်ချောင်းကွဲရောဂါကို လည်ပင်းပိတ်နာ၊ ဂူနာ၊ ဟောက်နာ၊ လည်ချောင်းပိတ်နာ၊ လည်တိုခွာစုတ် ဟူ၍ ဒေသအလိုက် အခေါ်အဝေါ်အမျိုးမျိုး ရှိကြပါသည်။ 

          ကျွဲ၊နွားလည်ချောင်းကွဲရောဂါသည် ကျွဲနှင့်နွား အတူတူဖြစ်ကြသော်လည်း ရောဂါသက်ရောက်မှု ခြင်း ကွာခြားပါသည်။ ကျွဲနှင့်နွားတွင် နွားက ဒီရောဂါကိုပို၍ ခံနိုင်ရည်ရှိကြသည် ဟုသိရပါသည်။ ကျွဲကခံနိုင်ရည်နည်းပါသည်။

ရောဂါဖြစ်ပွားသည့် အကြောင်းအရင်းမှာ-

အဆိုပါရောဂါသည် ဘက်တီးရီးယား(Bacteria) ပိုးကြောင့်ဖြစ်ပွားပြီး ကျွဲ၊ နွားအချင်းချင်း ကူးစက်တတ်ပါသည်။

ရောဂါကူးစက်ပုံမှာ-

• အစားအစာမှ ဖြစ်စေ

• လေမှတဆင့် ဖြစ်စေ

• တစ်ကောင်နှင့်တစ်ကောင် အညစ်အကြေး၊ အရိအရွဲတို့ကဖြစ်စေ

• စားကျက်ထဲတွင် ရောနှောနေသောကြောင့်ဖြစ်စေ ကူးစက်တတ်ပါသည်။

          ဒါ့အပြင် ရောဂါရှိသောနွားခြံသို့ လူတို့ဝင်ထွက်သွားလာ ရာမှ ၄င်းတို့၏ဖိနပ်တွင် ရောဂါပိုးများ ကပ်ပါသွားပါသည်။ ထိုလူတို့က ရောဂါကင်းသောနွားခြံသို့ ထပ်သွားပါက တစ်ခြံနှင့် တစ်ခြံရောဂါ ကူးစက်နိုင်သဖြင့် အထူးဂရုပြုရပါမည်။

ရောဂါလက္ခဏာများမှာ-

• လည်ချောင်းကွဲရောဂါစတင်ဖြစ်နေသည့် ကျွဲ၊ နွားမှာ အစာမစားဘဲ ခေါင်းငိုက်နေမည်။

• အပူချိန် ၁၀၆ ဒီဂရီ ဖာရင်ဟိုက်ရှိသည်။

• ခြေ၊ လက်၊ နားရွက်တို့သည် အေးစက်နေမည်။

• အသက်ရှူ ပြင်းသည်။

• အသက်ရှူလမ်းကြောင်း ရောင်နေမည်။

• တွေဝေနေတတ်သည်။

• နှာခေါင်းချိုင့်ပိုင်း၊ လည်ပင်းရောင်ရမ်းနေမည်။

• တချို့ ကျွဲ၊နွားများတွင် အကျိတ်ထွက်မည်။

• မျက်လုံး နီပြီးမျက်ရည်ကျမည်။

ဆေးနည်းမှာ -

• တမာရွက်၊ ဗုံလုံရွက်တို့ကို ၃ခွက် ၁ခွက်တင်ကျိုပါ။ ၄င်းဆေးရည်ထဲသို့ပင် ပဒိုင်းသီးမှုန့် အနည်းငယ် ထည့်၍ ကျွဲ၊ နွားကိုတိုက်ပါ။

• စမုန်ဖြူမှုန့်၊ သကြားနီ ၃ကျပ်သားနှင့် ငါးပိရည် ၁ဇွန်းကို ရော၍ ကျွဲ၊နွားကိုကျွေးပါ။

• နေစာမြက်မှုန့်၊ ဂျင်းမှုန့်တို့ကို နှမ်းဆီနှင့်ရော၍ ရောဂါဖြစ်နေသော ကျွဲ၊နွားတို့၏ လည်ပင်းကို တစ်နေ့ ၂ကြိမ် လိမ်းပေးရပါမည်။ 

         အထက်ပါနည်းဖြင့် ရောဂါပျောက်ကင်းသည်အထိ ဂရုတစိုက်ပြုစုကုသပေးပါက ကျွဲ၊နွားတို့တွင် ဖြစ်ပွားတတ်သော လည်ချောင်းကွဲရောဂါမှာ အမြန်ဆုံးသက်သာ ပျောက်ကင်းနိုင်မည်ဖြစ်ပါကြောင်း ရေးသားဖော်ပြလိုက်ရပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်