သင်္ကြန် ပိတ်ရက်နီးကပ်လာချိန် ပြည်ပသို့တင်ပို့နေသည့် လယ်ယာပို့ကုန်များ ဈေးအနည်းငယ်မြင့်တက်

မြန်မာ့နှစ်သစ်ကူးသင်္ကြန်ပွဲတော် ပိတ်ရက်များနီးကပ်လာချိန် ပြည်ပသို့တင်ပို့နေသည့် လယ်ယာပို့ကုန်များ ဈေးအနည်းငယ်ထပ်မံမြင့်တက်လာသည်။

သယ်ယူပို့ဆောင်စရိတ် ကြီးမားသော်လည်းလည်း အိန္ဒိယနှင့် တရုတ်နိုင်ငံမှ ဝယ်လိုအားမျှော်လင့်ချက်က မြန်မာ့လယ်ယာပို့ကုန်များအပေါ် သက်ရောက်မှုရှိနေသည်။

မတ်ပဲပြည်တွင်းဈေးအနည်းငယ်တက်လာ

အိန္ဒိယနိုင်ငံကို အဓိကထားရောင်းချနေသည့် မတ်ပဲက ယခုရက်သတ္တပတ်တွင် ပြည်တွင်းဈေးအနည်းငယ်တက်သော်လည်း ပြည်ပရောင်းချသည့် FOBဈေး ငြိမ်နေသည်။ ယခုရက်သတ္တပတ် အိန္ဒိယဈေးကွက်တွင် မြန်မာမတ်ပဲဈေးက တည်ငြိမ်လုနီးပါးအခြေအနေတွင်ရှိနေသည်။ 

အိန္ဒိယဈေးကွက်တွင် မြန်မာမတ်ပဲ CNF(cost and freight in shipping ကုန်ကျစရိတ်နှင့် ကုန်စည်ပို့ဆောင်စရိတ်အပါ) တစ်တန်ဈေးမတ်ပဲ FAQ တစ်တန် အမေရိကန်ဒေါ်လာ ၈၅၀ မှ ၈၅၅၊ မတ်ပဲ SQ တစ်တန် ဒေါ်လာ ၉၄၅ မှ ၉၅၀ သို့ဈေးအနည်းငယ်သာပြောင်းလဲမှုရှိသည်။

မြန်မာနိုင်ငံဈေးကွက်တွင်လည်း မတ်ပဲ FOBဈေးက မတ်ပဲ FAQ တစ်တန် ဒေါ်လာ ၇၉၀/၈၀၀၊ မတ်ပဲ SQ တစ်တန် ဒေါ်လာ ၈၈၅/၈၉၅ ဖြင့် ဈေးငြိမ်နေသည်။

ယခုရက်သတ္တပတ် မတ်ပဲပြည်တွင်းဈေးက မတ်ပဲ FAQ တစ်တန် ကျပ် ၃,၁၄၃,၀၀၀ မှ ၃,၁၇၅,၀၀၀ သို့ဈေးတက်ပြီး ၃,၁၆၉,၀၀၀ သို့ဈေးပြန်ပြောင်းသွားသည်။ မတ်ပဲ SQ တစ်တန်ကျပ် ၃,၄၈၅,၀၀၀ မှ ၃,၅၂၅,၀၀၀ သို့ဈေးတက်ပြီး ၃,၅၁၀,၀၀၀ သို့ဈေးပြောင်းသွားသည်။

ပဲစင်းငုံ ဈေးငြိမ်လာ

အိန္ဒိယဈေးကွက်ကို အဓိကတင်ပို့နေသည့် ပဲစင်းငုံက ယခုရက်သတ္တပတ်တွင် ပြည်တွင်းအနည်းငယ် အပြောင်းအလဲ ရှိသော်လည်း ပြည်ပ FOB ဈေး တည်ငြိမ်နေသည်။

အိန္ဒိယဈေးကွက်တွင်လည်း မြန်မာပဲစင်းငုံဈေးအပါအဝင် အာဖရိကပဲစင်းငုံများဈေးငြိမ်နေသည်။ မြန်မာပဲစင်းငုံ CNFဈေးက ပဲစင်းငုံ 2025 တစ်တန် ဒေါ်လာ ၈၃၀ ဖြင့် ဈေးငြိမ်နေပြီး ပဲစင်းငုံ ၂၀၂၆ တစ်တန် ဒေါ်လာ ၈၄၅ မှ ၈၅၀ သို့ဈေးအနည်းငယ်ပြောင်းသည်။

မြန်မာဈေးကွက်တွင်လည်း ပဲစင်းငုံ (နီ) FOBဈေးက ပဲစင်းငုံ 2025 တစ်တန် ဒေါ်လာ ၇၆၀/၇၇၀၊ ပဲစင်းငုံ 2026 တစ်တန် ဒေါ်လာ ၇၈၀/၇၉၀ ဖြင့် ဈေးငြိမ်နေသည်။

ထို့ပြင် ပဲစင်းငုံ (နီ) ပြည်တွင်းဈေးက တစ်တန်ကျပ် ၃,၁၃၀,၀၀၀ မှ ၃,၁၆၅,၀၀၀ သို့ဈေးမြင့်ပြီး ၃,၁၅၀,၀၀၀ သို့ ဈေးပြန်ပြောင်းသည်။

မန္တလေးဈေးကွက်တွင် ပဲစင်းငုံ (နီ) သစ်က တစ်တန် ကျပ် ၂၉ သိန်းကျော်ဖြင့် ဈေးငြိမ်နေသည်။

ပဲတီစိမ်းဈေးထပ်မြင့်တက်

တရုတ်ဝယ်လိုအားမျှော်လင့်ချက်ကောင်းနေသည့် ပဲတီစိမ်းက ယခုရက်သတ္တပတ်တွင် ပြည်တွင်းဈေးသာမက ပြည်ပ FOB ဈေးလည်းထပ်မံမြင့်တက်လာသည်။

ဆောင်းရာသီအဓိကစိုက်ပျိုးသည့် ပဲတီစိမ်းက အသစ်စတင်ပေါ်ချိန် ဈေးကျမှုများရှိခဲ့သော်လည်း လက်ရှိအချိန်တွင် ဈေးဆက်တိုက်မြင့်တက်လာသည်။

ယခုရက်သတ္တပတ် ပဲတီစိမ်းပြည်ပရောင်းချသည့် FOBဈေးက တစ်တန်ဒေါ်လာ ၂၀ ဈေးတက်လာသည်။ ပဲတီစိမ်း (အညာ) FAQ တစ်တန် ဒေါ်လာ ၉၀၀ - ၉၁၀ မှ ၉၂၀ - ၉၃၀၊ ပဲတီစိမ်း (ရွှေဝါ) FAQ တစ်တန် ဒေါ်လာ ၁,၀၀၀ - ၁,၀၁၀ မှ ၁,၀၂၀ - ၁,၀၃၀ သို့ဈေးပြောင်းသွားသည်။

ပဲတီစိမ်းပြည်တွင်းဈေးကလည်း ပဲတီစိမ်း (အညာ) တစ်ပိဿာ ကျပ် ၅,၅၈၀ - ၅,၆၀၀ မှ ၅,၈၃၀ - ၅,၈၅၀၊ ပဲတီစိမ်း (ခရမ်းနှင့် ပဲခူး) ရွှေဝါ တစ်ပိဿာ ကျပ် ၆,၄၁၅ မှ ၆,၆၆၅ သို့ဈေးပြောင်းသွားသည်။ သို့သော် ပဲတီစိမ်း (ဝါးခယ်မ) FAQ တစ်ပိဿာ ကျပ် ၅,၈၃၀ - ၅,၈၅၀ ဖြင့်ဈေးငြိမ်နေသည်။

မန္တလေးဈေးကွက်တွင်လည်း ပဲတီစိမ်း (အညာ) သစ်က တစ်တန် ကျပ် ၃,၃၇၀,၀၀၀ ကျော်ဖြင့်ဈေးငြိမ်နေသည်။

ပြောင်းဈေးထပ်မံမြင့်တက်

မြဝတီအာရှလမ်းဖွင့်လှစ်မှုနှင့်အတူ ထိုင်းနိုင်ငံသို့ ကုန်းလမ်းခရီးဖြင့် ပြောင်းတင်ပို့မှု တိုးလာနိုင်သော မျှော်လင့်ချက်က ပြည်တွင်းပြောင်းဈေးသာမက FOB ဈေးပါ လိုက်ပါမြင့်တက်လာသည်။

ယခုရက်သတ္တပတ် ပြည်ပရောင်းချသည့် ပြောင်း FOB ဈေးက ပြောင်းတစ်တန်ဒေါ်လာ ၂၅၀ - ၂၆၀ မှ ၂၅၅ - ၂၆၅ သို့ဈေးပြောင်းသွားသည်။

ရန်ကုန်ဈေးကွက်တွင် ပြည်တွင်းပြောင်းဈေးက တစ်ပိဿာ ကျပ် ၁,၆၀၀ - ၁,၆၂၀ မှ ၁,၆၅၀ - ၁,၆၇၀ သို့ဈေးပြောင်းသွားသည်။ မန္တလေးဈေးကွက်တွင် ဧပြီ ၇ ရက်အထိ ရှမ်းပြောင်းတစ်တန် ကျပ် ၈၁၀,၀၀၀ ကျော်၊ CP ပြောင်းသစ်တစ်တန် ကျပ် ၈၃၉,၀၀၀ ကျော်ဈေးဖွင့်သည်။

မြေပဲပြည်တွင်းဈေးပြန်ကျ

ပြည်ပဝယ်လိုအားနှင့် ပြည်တွင်းဆီစက်များအပါအဝင် လုပ်ငန်းသုံးရန် ဝယ်ယူမှုများကြောင့် ပြီးခဲ့သည့် ရက်သတ္တပတ်အထိ ဈေးမြင့်တက်ခဲ့သောမြေပဲက ယခုရက်သတ္တပတ်တွင် ဈေးပြန်ကျဆင်းသည်။

မြေပဲပြည်တွင်းဈေးကျသော်လည်း ပြည်ပရောင်းချသည့် FOB ဈေးငြိမ်နေသည်။ မြေပဲ (လုံးဆန်) ပြည်ပရောင်းချသည့် FOB ဈေးက တစ်တန် ဒေါ်လာ ၁,၈၀၅ - ၁,၈၁၅ ဖြင့် ဈေးငြိမ်နေသည်။

ပြည်တွင်းဈေးကွက်တွင် မြေပဲဈေးက ကျဆင်းနေပြီး မန္တလေးဈေးကွက်တွင် ဧပြီ ၇ ရက်မြေပဲဈေးက မြေပဲ S1 (လုံးဆံ) တစ်တန် ကျပ် ၇,၈၃၀,၀၀၀ ကျော်မှ ၇,၃၄၀,၀၀၀ ကျော်၊ မြေပဲအနီ (လုံးဆံ) တစ်တန် ကျပ် ၇,၁၆၀,၀၀၀ ကျော်မှ ၇,၀၄၀,၀၀၀ ကျော်၊ မြေပဲအနီ (ဆီဆံ) တစ်တန်ကျပ် ၆,၇၃၀,၀၀၀ ကျော်မှ ၆,၆၁၀,၀၀၀ ကျော်သို့ဈေးပြောင်းသွားသည်။ မြေပဲအနီ (လုံးဆံ) က တစ်တန် ကျပ် ၇,၀၄၀,၀၀၀ ကျော်ဖြင့် ဈေးငြိမ်နေသည်။

AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးင​မြောင်​တောင်ပိုး( Rice armyworm) စတဲ့ စပါးဖျက်ပိုး​တွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ

Read more