တစ်ပတ်စာသီးနှံဈေးကွက်သုံးသပ်ချက် ( ၁၄ - ၁၈.၇. ၂၀၂၅)

မတ်ပဲ

မတ်ပဲကတော့ စျေးထပ်ကျပြီး အခုတစ်ပတ်မှာ တစ်တန်ကို သိန်း ၃၀ အောက်ပြန်ကျသွားပါတယ်။ ဒါကြောင့် နယ်စျေးကွက်မှာလည်း မတ်ပဲ ပိဿာ ၂၀ တစ်တင်းကိုအရင်အပတ်က ၉၅၀၀၀ ကျပ်သာရှိပါတယ်။ အိန္ဒိယဘက်ကအဝယ်အေးတာကြောင့် ပြည်တွင်းမှာအကျစျေးတန်းမှာရှိနေတာဖြစ်ပါတယ်။

ရန်ကုန်ဘုရင့်နောင်ဈေးကွက်မှာ တနင်္လာ မှ သောကြာနေ့အတွင်း ၂၉၅၅၀၀၀ မှ ၂၉၉၁၀၀၀ ကျပ်အတွင်းသာစျေးတန်းရှိပါတယ်။

အရင်အပတ်က မတ်ပဲ FAQ တစ်တန်ကို တနင်္လာ မှ သောကြာနေ့အတွင်း ၂၉၈၉၀၀၀ မှ ၃၀၂၀၀၀၀ ကျပ်ရှိခဲ့တာကြောင့် ခုတစ်ပတ်မှာ တစ်တန်ကို ၃၀၀၀၀ ကျော်လောက် အကျပြပါတယ်။

ပဲစင်းငုံ

ပဲစင်းငုံကလည်း ခုတစ်ပတ်မှာ စျေးကျလာပြန်ပါ တယ်။ ပဲစဥ်းငုံကလည်း မတ်ပဲနည်းတူ အိန္ဒိယဝယ်လိုအား ပေါ်လိုက်ပြီး စျေးတန်းကျနေတာဖြစ်ပါတယ်။ လက်ရှိမှာ အိန္ဒိယက ​ ပဲဝယ်လိုအားနည်းတာကြောင့် စျေးကျနေတာဖြစ်ပါတယ်။

ရန်ကုန်ဘုရင့်နောင်ကုန်စည်ဒိုင်မှာ တနင်္လာကနေ သောကြာနေ့အတွင်း ပဲစင်းငုံနီတစ်တန်ကို ၂၇၆၂၀၀၀ မှ ၂၈၁၈၀၀ ကျပ်ရှိပါတယ်။

အရင်အပတ်တုန်းက တနင်္လာကနေ သောကြာနေ့မှာဆိုရင် ပဲစင်းငုံနီတစ်တန်ကို ၂၈၁၀၀၀၀ မှ ၂၈၂၇၀၀၀ ကျပ်ရှိခဲ့တာကြောင့် ၉၀၀၀ မှ ၄၀၀၀၀ ကျော်လောက်စျေးကျပါတယ်။

ပြောင်း

ပြောင်းကလည်း စျေးဆက်တိုက်ကျလာပါတယ်။ ကမ္ဘာ့ပြောင်းစျေးကွက်ကျဆင်းသလို ထိုင်းဘက်ကနေ ပြောင်း၀ယ်ယူ စျေးကလည်းနည်းနေတာကြောင့် ပြည်တွင်းပြောင်းစျေးကွက်မှာ စျေးထပ်ကျလာတာဖြစ်တယ်လို့သိရပါတယ်။ လက်ရှိ ပြည်တွင်းမှာက ပြောင်းလက်ကျန်နည်းနေပြီး အရောင်းအဝယ်မှာလည်း အေးနေပါတယ်။

ရန်ကုန်ဘုရင့်နောင်စျေးကွက်မှာ ခုတပတ် ပြောင်းတစ်ပိဿာကို ၁၆၈၀ မှ ၁၇၀၀ ကျပ်သာရှိပါတယ်။အရင်တစ်ပတ်ကထက် တစ်ပိဿာ ၄၀ ကျပ်ထပ်ကျလာတာဖြစ်ပါတယ်။

မန္တလေးမှာတော့ ပြောင်း (ဗမာ) ၈၃၀၀၀ မှ ၈၄၀၀၀ ကျပ်၊ ပြောင်း ( ရှမ်း) က ၈၅၀၀၀ မှ ၈၇၀၀၀ ကျပ် ၊ ပြောင်း ( CP) က ၈၅၀၀၀ မှ ၈၇၀၀၀ ကျပ်သာရှိပြီး အရင်တစ်ပတ်ကထက် ၄၀၀၀ မှ ၅၀၀၀ ကျပ်စီ စျေးကျလာပါတယ်။

နှမ်း

နှမ်းမျိုးစုံစျေးကွက်မှာတော့ နှမ်းနက်စမုန်ကစျေးတက်လာပြီး ကျန်တဲ့နှမ်းအမျိုးအစားတွေက အကျ စျေးတန်းမှာငြိမ်နေတယ်လို့သိရပါတယ်။ နှမ်းကို ပြည်ပကဝယ်လိုအား ရှိပေမယ့် အရည်အသွေးကောင်းပြီး အက်ဆစ်လွတ်တဲ့ နှမ်းကိုသာ တရုတ်က ဝယ်လိုအားရှိနေတာပါ။

နှမ်းက တရုတ်ကိုသာ အဓိကအများဆုံးတင်ပို့ရတာဖြစ်ပြီး စျေးတန်းကလည်းတရုတ်ဝယ်လိုအား၊ နိုင်ငံခြားငွေစျေးပေါ်လိုက်ပြီး စျေးအတက်အကျရှိတာဖြစ်တယ်လို့သိရပါတယ်။

မန္တလေး ကုန်စည်ဒိုင် ဈေးကွက်မှာ နှမ်းနက် စမုန် ၄၅ပိဿာ တစ်အိတ်ကို ၇၇၀၀၀၀ မှ ၈၆၀၀၀၀ ကျပ် ရှိလို့ ၂၀၀၀၀ ကျပ်မှ ၄၀၀၀၀ ကျပ်ဝန်းကျင် တက်လာတာဖြစ်ပါတယ်။ နှမ်းဖြူဂျပန်က ၃၆၅၀၀၀ မှ ၃၈၅၀၀၀ ကျပ် ၊နှမ်းဖြူဗမာက ၂၉၅၀၀၀ မှ ၃၀၅၀၀၀ ကျပ်နဲ့ နှမ်းညို က ၂၈၅၀၀၀ မှ ၂၉၀၀၀၀ ကျပ်ရှိပါတယ်။

မြေပဲ

ပြည်တွင်းပဲမျိုးစုံစျေးကွက်မှာ မြေပဲစျေးတွေကတော့ အရောင်းအဝယ်ပုံမှန်ရှိပေမယ့် စျေးတန်းငြိမ်နေပါတယ်။မကွေးတိုင်းကထွင်တဲ့ မြေပဲအသစ်တွေလည်း စျေးကွက်ထဲဝင်ရောက်မှုရှိနေပြီ ဆီစက်တွေကလည်း အဝယ်ပုံမှန်ရှိနေတယ်လို့သိရပါတယ်။

မန္တလေးကုန်စည်ဒိုင်စျေးကွက်မှာ မြေပဲလုံးဆံဖြူတစ်ပိဿာကို ၉၃၀၀ မှ ၉၄၀၀ ကျပ်ရှိပြီး S1 ဆီဆံက တစ်ပိဿာကို ၈၅၀၀ မှ ၈၈၀၀ ကျပ်ရှိတယ်လို့သိရပါတယ်။  

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်