တစ်ပတ်အတွင်း ဈေးအပြောင်းအလဲဖြစ်သွားသော သီးနှံများ (ဈေးကွက်သုံးသပ်ချက်)

ပဲစဥ်းငုံနီ

ပဲစင်းငုံနီကလည်း တစ်ပတ်အတွင်း အကျဈေးနဲ့ ရှိနေတာ ဖြစ်ပါတယ်။ ဈေးကွက်အတွင်း အရောင်း အဝယ်မရှိသလောက်ထိ ဖြစ်နေတယ်လို့ ကုန်သည်အချို့က ဆိုပါတယ်။ လက်ရှိ မြင့်တက်နေတဲ့ ငွေကြေး ဈေးအခြေအနေတွေကို စောင့်ကြည့် ရောင်းဝယ်နေရတာ ဖြစ်လို့ မဖြစ်မနေတင်ပို့ ရမယ့် ပဲတွေကိုသာ ဝယ်ယူမှုတွေရှိတယ်လို့ ဆိုပါတယ်။

အိန္ဒိယနိုင်ငံမှာလည်း ပဲစင်းငုံနီ စိုက်ဧက က အများအပြား တိုးလာမှာ ဖြစ်တဲ့အပြင် ဈေးကျဆင်းအောင် အရေးယူတာ တွေကြောင့် ဆက်တိုက်ဈေးကျဆင်းနေပါတယ်။ ဒါ့အပြင် ပြည်ပနိုင်ငံဖြစ်တဲ့ အာဖရိကနိုင်ငံကနေလည်း ဝင်ရောက်လာတော့မှာ ဖြစ်လို့ ပဲစင်းငုံနီကတော့ လက်ရှိ အခြေအနေအရ တက်နိုင်ခြေမရှိဘူးလို့ အိန္ဒိယသတင်းတွေရဲ့ ဖော်ပြချက်အရ သိရပါတယ်။

အိန္ဒိယနိုင်ငံချန်နိုင်းဈေးကွက်မှာတော့ ပဲစင်းငုံနီတစ်တန်ကို ရူပီး ၁၀၈၇၅ ရှိပြီး ပြီးခဲ့တဲ့အပတ်နဲ့ ယှဉ်ရင် ၇၅ ရူပီးဈေးကျဆင်းသွားပါတယ်။

ရန်ကုန်စျေးကွက်မှာ ပြီးခဲ့တဲ့ အပတ် ကြာသပတေးနေ့က ပဲစဥ်းငုံနီတစ်တန်ကို ကျပ် ၄၄၆၀၀၀၀ ကျပ်၊ တနင်္လာနေ့ မှာတော့ တစ်တန်ကို ၄၄၄၂၀၀၀၊ အင်္ဂါနေ့မှာတော့ တစ်တန်ကို ၄၄၂၅၀၀၀၊ ဗုဒ္ဓဟူးနေ့မှာတော့ တစ်တန်ကို ၄၃၉၀၀၀၀ ကျပ်ရှိပြီး ကြာသပတေးနေ့မှာတော့ တစ်တန်ကို ၄၄၀၅၀၀၀ ပေါက်ဈေးရှိခဲ့ပါတယ်။ ပြီးခဲ့တဲ့ အပတ် ယှဉ်ရင် တစ်တန်ကို ၅၅၀၀၀ ကျပ်ဈေးကျဆင်းသွားပါတယ်။

FOB ဈေးနှုန်းကတော့ တစ်တန်ကို ၁၂၇၀ မှ ၁၂၈၀ ဒေါ်လာ ရှိပြီး ဈေးငြိမ်ပါတယ်။

ပဲတီစိမ်း

ပဲတီစိမ်းကတော့ ရန်ကုန်မှာ အပြောင်းအလဲ မရှိပေမယ့် မန္တလေးဈေးကွက်မှာတော့ ဆက်တိုက် အတက်ရှိနေပါတယ်။ ငွေကြေးလဲလှယ်ဈေးနှုန်း မြင့်တက်နေတဲ့အတွက်ကြောင့်သာ ဈေးမြင့်တက်နေတာဖြစ်တယ်လို့ သိရပါတယ်။

ရန်ကုန်ဘုရင့်နောင်ဈေးကွက်မှာတော့ပဲတီစိမ်း(ခရမ်းရွှေဝါ)က တစ်ပိဿာကို ၄၂၅၀ ကျပ်၊ ပဲတီစိမ်း ပဲခူးရွှေဝါက တစ်ပိဿာကို ၄၀၀၀ ကျပ် ၊ ပဲတီစိမ်း ဝါးခယ်မကတော့ တစ်ပိဿာကို ၃၅၀၀ မှ ၄၇၅၀ ပေါက်ဈေး နဲ့ ၃ ပတ်ဆက်တိုက် ဈေးငြိမ်နေပါတယ်။

မန္တလေးဈေးကွက်မှာတော့ ပဲတီစိမ်း(အညာ)က သုံးတင်းဝင်တစ်အိတ်ကို ၁၇၀၀၀၀ မှ ၂၂၀၀၀၀ ပေါက်ဈေးရှိပြီး တစ်အိတ်ကို ၁၄၀၀၀ ကျပ် ဈေးတက်လာပါတယ်။ ၂ ပတ်အတွင်း တစ်အိတ်ကို ၂၅၀၀၀ ကျပ်ဈေးတက်လာပါတယ်။

နှမ်းမျိုးစုံ

နှမ်းမျိုးစုံကတော့‌ ဈေးမြင့်တက်လာနေပါတယ်။ ဈေးကွက်ထဲ အဝင်နည်းနေတာရယ် ပြည်ပ ဝယ်လက် ရှိနေတာတွေရယ်ကြောင့် ဈေးမြင့်တက်လာတာဖြစ်ပါတယ်။

မန္တလေးဈေးကွက်မှာ နှမ်းနက်(စမုံ)က တစ်အိတ်ကို ၄၇၀၀၀၀ မှ ၅၅၀၀၀၀ ပေါက်ဈေးရှိပြီး တစ်အိတ်ကို ၄၀၀၀၀ ကျပ်ဈေးမြင့်တက်လာပါတယ်။ နှမ်းဖြူကတော့ တစ်အိတ်ကို ၃၈၅၀၀၀ မှ ၃၉၅၀၀၀ ရှိပြီး ဈေးငြိမ်ပါတယ်။ နှမ်းဖြူ(ဂျပန်)ကတော့ တစ်အိတ်ကို ၄၂၀၀၀၀ မှ ၄၃၅၀၀၀ ရှိပြီးတစ်အိတ်ကို ၅၀၀၀ ကျပ်၊ နှမ်းညိုကတော့ တစ်အိတ်ကို ၃၃၅၀၀၀ မှ ၃၅၀၀၀၀‌ ‌ ပေါက်ဈေးရှိကာ တစ်အိတ်ကို ၂၀၀၀၀ ကျပ်ဈေးမြင့်တက်လာပါတယ်။

ကြက်သွန်နီ

ဆက်တိုက်ဈေးကျဆင်းနေတဲ့ ကြက်သွန်နီကတော့ ဒီတစ်ပတ်မှာ ဈေးပြန်မြင့်တက်လာပါတယ်။ ဈေးကွက်ထဲ အဝင်နည်းလာတဲ့ အတွက် ဈေးမြင့်တက်လာတာဖြစ်ပြီး သယ်ယူပို့ဆောင်စရိတ် မြင့်တက်တာတွေကြောင့် ဈေးတွေမြင့်လာတာ ဖြစ်တယ်လို့ သိရပါတယ်။ နေ့စဉ် ရန်ကုန်ဈေးကွက်ထဲကို ပိဿာချိန် တစ်သိန်းအထက် အဝင်ရှိနေပါတယ်။

ဘုရင့်နောင်ဈေးကွက်မှာ ကြက်သွန်နီ (ဆိပ်ဖြူ)က တစ်ပိဿာကို ၁၆၀၀ မှ ၂၃၀၀ ကြားရှိပြီး ၃၀၀ ကျပ်ဈေးမြင့်တက်လာပါတယ်။ အခြား မြင်းခြံ၊ တောင်သာ၊ မုံရွာ၊ ရွှေဘိုတို့ကလည်း တစ်ပိဿာကို ၁၅၀၀ ကနေ ၂၅၅၀ ကြားရှိပြီး တစ်ပိဿာကို ၁၅၀ ကျပ်ဈေးမြင့်တက်လာပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...