အစိမ်းရောင်လမ်း - တစ်ပတ်စာ သီးနှံဈေးကွက်သုံးသပ်ချက် (၁၃

မတ်ပဲ

မတ်ပဲဈေးက ခုတစ်ပတ်အတွင်းလည်း ထပ်မံကျဆင်းခဲ့ပြီး တစ်တန်လျှင် အမြင့်ဆုံး ၁ သိန်းကျော်အထိ ကျဆင်းခဲ့သည်။ မြန်မာ့ မတ်ပဲဝယ်လိုအား နည်းလာခြင်းကြောင့် ပြည်ပတင်ပို့မှုလျော့နည်းသွားပြီး အရောင်းအဝယ်အေး လာတာကြောင့် စျေးကျခြင်း ဖြစ်သည်။

FOB စျေးလည်း ပြန်ကျလာပြီး အမေရိကန်ဒေါ်လာ ၇၀၅ မှ ၇၁၅ အတွင်းရှိနေသည်။

ရန်ကုန်ဘုရင့်နောင်ဈေးကွက်တွင် တနင်္လာနေ့မှာ ၂,၆၉၁,၀၀၀ ကျပ် ၊အင်္ဂါနေ့မှာ ၂,၆၇၉,၀၀၀ ကျပ်၊ ဗုဒ္ဓဟူးနေ့မှာ ၂,၇၀၈,၀၀၀ ကျပ်၊ကြာသပတေးနေ့မှာ ၂,၇၂၆,၀၀၀ ကျပ်၊ သောကြာနေ့မှာ ၂,၇၀၇,၀၀၀ ကျပ်ရှိပါတယ်၊ အရင်အပတ်က မတ်ပဲ FAQ တစ်တန်ကို ၂,၇၃၈,၀၀၀ မှ ၂,၈၂၀,၀၀၀ ကျပ် ရှိခဲ့သည်။

ပဲစင်းငုံ

ပဲစင်းငုံဈေးက ယခုအပတ်အတွင်း တည်ငြိမ်မှုမရှိခဲ့ပေမဲ့ တစ်တန်လျှင် ၂၆ သန်းကျော်ဝန်းကျင် ရှိနေသည်။ FOB စျေးကတော့ အရင်တပတ်ထက် အမေရိကန်ဒေါ်လာ ၁၀ တက်လာပြီး ဒေါ်လာ ၆၃၀ မှ ၆၄၀ အတွင်းရှိနေသည်။

ပြည်တွင်းမှာ ပဲစင်းငုံလက်ကျန်နည်းပြီး ပြည်ပအဝယ်နဲ့ ပဲခွဲစက်တွေကလည်း ဝယ်ယူမှုရှိနေသည်ဟု သိရသည်။

ရန်ကုန်ဘုရင့်နောင်ကုန်စည်ဒိုင်ဈေးကွက်တွင် တနင်္လာနေ့က ၂,၄၉၂,၀၀၀ ကျပ်၊ အင်္ဂါနေ့ က၂,၅၀၂,၀၀၀ ကျပ်၊ ဗုဒ္ဓဟူးနေ့က ၂,၆၀၀,၀၀၀ ကျပ်၊ ကြာသပတေးနေ့ ၂,၆၂၅,၀၀၀ ကျပ်၊ သောကြာနေ့က ၂,၅၉၅,၀၀၀ ကျပ်ရှိပြီး အရင်အပတ်ကတော့ ၂,၅၇၀,၀၀၀ မှ ၂,၆၂၇,၀၀၀ ကျပ် ရှိခဲ့သည်။

ကြက်သွန်နီ

ကြက်သွန်နီဈေးက ရန်ကုန်စျေးကွက်မှာ အရောင်းအဝယ်သွက်လာပြီး စျေးအတက်ပြလာသည်။

နယ်စျေးကွက်တွင်တော့ ကြက်သွန်ကုန်ချိန်အဝင်များလာတာကြောင့် စျေးကွက်အေးနေသည်။

ရန်ကုန်ဘုရင့်နောင်ကုန်စည်ဒိုင်နှင့် နယ်ကုန်စည်ဒိုင်များသို့ ကြက်သွန်ကားအဝင်နည်းပါက အရောင်းအဝယ်သွက်လာပြီး စျေးတက်လေ့ရှိသည်။

ရန်ကုန်ဘုရင့်နောင်ဈေးကွက်တွင် ဆိပ်ဖြူကြက်သွန် တစ်ပိဿာ ၆၀၀ မှ ၁,၉၀၀ ကျပ်၊ မုံရွာကြက်သွန် ၆၅၀ မှ ၁,၉၅၀ ကျပ်၊ မြင်းခြံကြက်သွန် ၅၀၀ မှ ၂,၀၀၀ ကျပ်၊ ပခုက္ကူကြက်သွန် ၆၅၀ မှ ၁,၉၅၀ ကျပ် ရှိသည်။ ပြီးခဲ့တဲ့ အပတ်နဲ့ ယှဉ်ရင် တစ်ပိဿာကို ၅၀ မှ ၁၀၀ ကြားဈေးမြင့်တက်လာခြင်းဖြစ်သည်။

ပြောင်း

ပြောင်းဆံဈေးက ယခင်ကအတူအကျစျေးတန်းတွင် ငြိမ်နေဆဲဖြစ်သည်။ လက်ရှိကမ္ဘာ့ ပြောင်းစျေး ကျခြင်းနှင့် ပြည်ပတင်ပို့မှုလျော့နည်းလာခြင်းကြောင့် နိုဝင်ဘာလအထိ စျေးတက်နိုင်မယ့်အလားအလာ မတွေ့ရသေးဟု သိရသည်။

ထိုင်းနိုင်ငံသို့ အခွန်ကင်းလွတ်ခွင့်ဖြင့် ပြောင်းတင်ပို့ခွင့် ကုန်ဆုံးသွားပြီးနောက် စျေးကွက်ကျလာခဲ့သည်။

သို့သော် ပြောင်းကို ပြည်တွင်းကုန်သည်များ၊ ပို့ကုန်သမားများနှင့် အစာစပ်စက်ရုံများက ဝယ်ယူမှုရှိနေသည်။

မန္တလေးကုန်စည်ဈေးကွက်တွင် ပြောင်း (ရှမ်း) နှင့် ပြောင်း (CP) တစ်အိတ် ၇၃,၀၀၀ မှ ၇၄,၀၀၀ ကျပ် ရှိပြီး ပြောင်း (ဗမာ) သည် စျေးတန်းဖွင့်ခြင်းမရှိသေးပါ။ ရန်ကုန်ဘုရင့်နောင်စျေးကွက်တွင် ပြောင်းတစ် ပိဿာ ၁,၄၅၀ မှ ၁,၄၇၀ ကျပ် ရှိနေသည်။

AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ