အစိမ်းရောင်လမ်း - တစ်ပတ်စာ သီးနှံဈေးကွက်သုံးသပ်ချက် (၂၁

မတ်ပဲ

မတ်ပဲက ယခုတစ်ပတ်မှာလည်း စျေးကွက်အေးပြီး တစ်တန်ကို ၁၀၀၀၀ ကျော်လောက် စျေးကျပါတယ်။ မတ်ပဲ FAQ က FOB စျေးပြန်တက်လာပေမယ့် ပြည်တွင်းစျေးကွက်ကတော့ ကျဆင်းနေဆဲဖြစ်ပါတယ်။ မတ်ပဲကို အိန္ဒိယနိုင်ငံက ဝယ်လိုအား နည်းနေတဲ့အတွက် ပြည်ပတင်ပို့မှုလျော့ကျပြီး အရောင်းအဝယ်အေးနေတာဖြစ်ပါတယ်။

ရန်ကုန်ဘုရင့်နောင်ဈေးကွက်မှာ အင်္ဂါနေ့က ၂၆၉၅၀၀၀၊ ဗုဒ္ဓဟူးနေ့မှာ ၂၇၀၀၀၀၀၊ ကြာသပတေးနေ့ မှာ ၂၇၁၀၀၀၀၊ သောကြာနေ့မှာ တော့၂၆၉၇၀၀၀ ကျပ်ရှိပါတယ်။

အရင်တပတ်က မတ်ပဲ FAQ တစ်တန်ကို ၂၆၇၉၀၀၀ မှ ၂၇၂၆၀၀၀ ကျပ်ရှိခဲ့ ပါတယ်။ FOB စျေးကတော့ တစ်တန်ကို အမေရိကန်ဒေါ်လာ ၇၁၀ မှ ၇၂၀ အထိရှိလာပါတယ်။

ပဲစင်းငုံနီ

ပဲစင်းငုံကတော့ တစ်ပတ်တာလုံး တစ်တန်ကို ၂၆ သိန်းကျော်ဝန်းကျင်စျေးတန်း မှာရှိခဲ့ပါတယ်။အရင်အပတ်နဲ့ယှဥ်ရင် တစ်တန်ကို ၄၀၀၀၀ ကျော်လောက်တက်လာတာတွေ့ရပါတယ်။

FOB စျေးကလည်း အရင်တစ်ပတ်ကထပ် အမေရိကန် ဒေါ်လာ ၆၃၀ မှ ၆၄၀ အတွင်းရှိရာကနေ အခုတစ်ပတ်မှာတော့ အမေရိကန်ဒေါ်လာ ၆၅၀ မှ ၆၆၀ အထိရှိ လာတာတွေ့ရ ပါတယ်။ ပဲစင်းငုံက ပြည်တွင်းမှာ လက်ကျန်နည်းနေပြီး ပြည်ပအဝယ်နဲ့ ပဲခွဲစက်တွေလည်း အဝယ် ရှိနေတာကြောင့် စျေးတန်းအတက်ပြလာနေတာဖြစ် ပါတယ်။

ရန်ကုန်ဘုရင့်နောင်ကုန်စည်ဒိုင်မှာ အင်္ဂါနေ့က ၂၆၄၀၀၀၀၊ ဗုဒ္ဓဟူးနေ့မှာ ၂၆၆၇၀၀၀၊ ကြာသပတေးနေ့ မှာ ၂၆၉၀၀၀၀၊ သောကြာနေ့မှာ တော့ ၂၆၅၀၀၀၀ စျေးရှိပါတယ်။

ဆန်

ဆန်စျေးကွက်ကတော့ ပြည်ပကို ဆန်တင်ပို့မှု ပမာဏမြင့်နေပေမယ့်လည်း ပြည်တွင်းစျေးကွက်မှာ ဆန်ကိုဝယ်လိုအား အလွန်လျော့ကျလာနေတယ်လို့သိရပါတယ်။ ဝယ်လိုအားလျော့ကျတဲ့အပြင် စျေးနှုန်းကလည်း အကျမှာပဲရှိနေသေးတယ်လို့သိရပါတယ်။

ဆန်ကို လက်ကားဝယ်ယူမှုအလွန်နည်းသွားပြီး လက်လီသာ အရောင်းအဝယ် ရှိနေတာဖြစ်ပါတယ်။ လက်ရှိဆန်စျေးကွက်မှာက ရွှေဘိုပေါ်ဆန်း၊ ဧရာပဒေသာ၊ ဧရာဝတီပေါ်ဆန်း၊ ကောက်ညှင်းဆန် တွေသာစျေးမြင့်တက်နေပြီး ကျန်တဲ့ ပြည်ပတင်ပို့မှုရှိတဲ့ဆန်နဲ့ ပြည်တွင်းစားသုံးမှုရှိတဲ့ဆန်တွေက စျေးကွက်ကျနေတာဖြစ်တယ်လို့သိရပါတယ်။

မြေပဲ

ပြည်တွင်း ကုန်စည်ဒိုင်တွေကို မိုးမြေပဲအသစ်တွေ ဒေသအစုံကနေ ဝင်ရောက်မှုရှိနေပေမယ့်လည်း မြေပဲစျေးကအတက်ဘက်ကို လှုပ်လာတယ်လို့သိရပါတယ်။ မိုးလွတ်မြေပဲ အရည်အသွေးကောင်းတွေက စျေးကောင်းရနေပြီး အရည်အသွေးနိမ့်ကုန်ပစ္စည်းကတော့ စျေးနည်းတယ်လို့သိရပါတယ်။

မန္တလေးကုန်စည်ဒိုင်မှာ S1 ဆံဖြူတစ်ပိဿာကို ကျောက်ပန်းတောင်းဒေသထွက် တစ်ပိဿာကို ၇၉၀၀ မှ ၈၀၀၀ ကျပ်ရှိပြီး နွားထိုးကြီးဒေသထွက် မြေပဲဆံကတော့ တစ်ပိဿာကို ၈၁၀၀ မှ ၈၂၅၀ ကျပ်နဲ့ မြင်းမူ မြေပဲဆံက ၈၃၀၀ မှ ၈၄၀၀ ကျပ်ရှိနေပါတယ်။

S1ဆီဆံကို ၇၂၀၀ မှ ၇၅၀၀ ကျပ်၊ ၇၆၀၀ မှ ၇၇၀၀ ကျပ်နဲ့ စျေးတန်းနှစ်မျိုးဖွင့်ထားပြီး အနီလုံးဆံကတော့ ၇၈၀၀ ကျပ်မှ ၈၃၀၀ ကျပ်ရှိတယ်လို့သိရပါတယ်။

ပြောင်း

ပြောင်းဆံကတော့ အခုတစ်ပတ်မှာ မန္တလေးစျေးကွက်မှာ အတက်ပြပြီး ရန်ကုန်စျေးကွက်မှာ စျေးထပ်ကျတာတွေ့ရပါတယ်။ အရည်အသွေးကောင်းတဲ့ပြောင်း အခြောက်တွေက ဝယ်လိုအားရှိပြီး စျေးအတက်ပြတာဖြစ်တယ်လို့သိရပါတယ်။ ပြောင်းဆံကိုပြည်တွင်းကုန်သည်တွေ၊ ပို့ကုန်သမားတွေ၊ အစာစပ်စက်ရုံတွေကဝယ်ယူမှုရှိနေပါတယ်။

ထိုင်းကိုအခွန်ကင်းလွတ်ခွင့်နဲ့ ပြောင်းဆံတင်ပို့ခွင့် ကုန်ဆုံးသွားပြီဖြစ်တဲ့အတွက် ပြောင်းဆံပြည်ပတင်ပို့မှုကတော့ လျော့ကျနေပါတယ်။

မန္တလေးကုန်စည်စျေးကွက်မှာ ပြောင်း ( ရှမ်း)နဲ့ ပြောင်း ( CP) က တစ်အိတ်ကို ၇၄၀၀၀ မှ ၇၅၀၀၀ ကျပ်နဲ့ အရင်တစ်ပတ်ကထက် ၁၀၀၀ ကျပ်အတက်ပြ ပါတယ်။ ပြောင်း ( ဗမာ) ကတော့စျေးတန်းဖွင့်ထားခြင်းမရှိပါဘူး။

ရန်ကုန်ဘုရင့်နောင်စျေးကွက်မှာက ပြောင်းတစ်ပိဿာကို ၁၄၄၀ ကျပ်မှ ၁၄၆၀ ကျပ်စျေးရှိ ပါတယ်။

AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...