တစ်ပတ်စာဈေးကွက်သုံးသပ်ချက်

မတ်ပဲ

မတ်ပဲက အခုတစ်ပတ်မှာ စျေးပြန်ကျလာတာတွေ့ရပါတယ်။တနင်္လာ‌ နေ့ နဲ့ အင်္ဂါ‌နေ့ မှာ တက်စျေးငြိမ်ပြီး ဗုဒ္ဓဟူး‌နေ့ကနေ သောကြာ‌‌နေ့ အတွင်းမှာ ၆၀၀၀၀ လောက် ကျသွားတာဖြစ်ပါတယ်။ FOB စျေးထပ်တက်လာပေမယ့် ပြည်တွင်း မတ်ပဲစျေးက ကျဆင်းသွားတာပါ။ဝယ်လိုအားနည်းတဲ့အတွက်စျေးကျတာလို့သိရပါတယ်။ FOB စျေးက အမေရိကန်ဒေါ်လာ ၇၃၀ မှ ၇၄၀ အထိရှိလာတာဖြစ်ပါတယ်။

ရန်ကုန်ဘုရင့်နောင်ဈေးကွက်မှာ တနင်္လာနေ့ မှာ ၂၉၅၉၀၀၀ ၊ အင်္ဂါ‌နေ့မှာ ၂၉၄၀၀၀၀ ၊ ဗုဒ္ဓဟူးနေ့မှာ ၂၉၂၇၀၀၀ ၊ ကြာသပတေး‌နေ့မှာ ၂၉၂၂၀၀၀၊ သောကြာ‌နေ့မှာ ၂၉၁၈၀၀၀ ရှိပါတယ်။

အရင်တစ်ပတ်က မတ်ပဲ FAQ တစ်တန်ကို တနင်္လာ မှ သောကြာနေ့အတွင်း ၂၉၄၃၀၀၀ မှ ၂၉၇၅၀၀၀ ကျပ်ရှိခဲ့တာကြောင့် တစ်ပတ်အတွင်းမှာ တစ်တန်ကို ၆၀၀၀၀ ကျပ်လောက်စျေးကျလာတာဖြစ်ပါတယ်။

ပဲစင်းငုံ

ပဲစင်းငုံကတော့ ယခုတစ်ပတ်မှာလည်း စျေးဆက်တိုက်ထပ်ကျပါတယ်။ အရင်အပတ်နဲ့ယှဥ်ရင် တစ်တန်ကို ၆၀၀၀၀ လောက် စျေးကျလာတာဖြစ်ပါတယ်။ FOB စျေးမကျဘဲ ပြည်တွင်းပဲစဥ်းငုံစျေးကွက်ပြုတ်ကျလာနေတာဖြစ်ပါတယ်။

ပြည်ပအဝယ်နည်းတဲ့အခြေအနေ၊ ပဲခွဲစက်အဝယ်နည်းတာကြောင့် စျေးကွက်ကျနေတာဖြစ်တယ်လို့သိရပါတယ်။

ရန်ကုန်ဘုရင့်နောင်ကုန်စည်ဒိုင်မှာ တနင်္လာနေ့က ၂၄၉၈၀၀၀၊ အင်္ဂါ‌ေန့ မှာ ၂၄၄၀၀၀၀ ၊ ဗုဒ္ဓဟူးနေ့မှာ ၂၄၅၂၀၀၀ ၊ ကြာသပတေး‌နေ့မှာ ၂၄၅၁၀၀၀ ၊ သောကြာ‌နေ့မှာ ၂၄၄၀၀၀၀ စျေးသာရှိပါတယ်။

အရင်တစ်ပတ်တုန်းက တနင်္လာ‌နေ့ကနေ သောကြာနေ့မှာဆိုရင် ပဲစင်းငုံနီတစ်တန်ကို ၂၅၀၀၀၀၀ မှ ၂၅၂၅၀၀၀ ကျပ်ရှိခဲ့ ပါတယ်။ ဒါကြောင့် တစ်တန်ကို ၆၀၀၀၀ လောက်ထပ်ကျလာပါတယ်။

ပဲပုတ်

အခုတစ်ပတ်မှာတော့ ပဲပုတ် (ရှမ်း )က စျေးကျရိပ်ပြပြီး ပဲပုတ်(ဗမာ)က စျေးငြိမ်နေပါတယ်။

ပဲပုတ် (ဗမာ) မိုးပဲအသစ်မဝင်သေးပေမယ့်လည်း အဝေးတင်ပို့ရမှုနည်းပြီး လက်ကျန်ပဲများခြင်း၊ လုပ်ငန်းသမားသာပုံမှန်ဝယ်ယူမှု ရှိခြင်းကြောင့် စျေးငြိမ်နေပါတယ်။ ပဲပုတ်(ရှမ်း)ကတော့ မိုးပဲအသစ်မဝင်ပေမယ့်လည်း ဆီစက်သမားသာအဝယ်အေးတာကြောင့် စျေးကျသွားပါတယ်။

မန္တလေး ကုန်စည်ဒိုင်မှာ ပဲပုတ် ဗမာက ၃၇၀၀၀၀ ကျပ်ရှိပြီး ပဲပုတ် ( ရှမ်း) က ၂၆၀၀၀၀ ကျပ်နဲ့ အရင်အပတ်ကထက် ၁၀၀၀၀ မှ ၁၇၀၀၀ ကျပ်ကျသွားပါတယ်။

ကုလားပဲ

ပြည်တွင်းစားသုံးမှု အများဆုံး ပဲဖြစ်တဲ့ ကုလားပဲကတော့ အခုတစ်ပတ်မှာ စျေးပြန်ကျသွား ပါတယ်။ ကုလားပဲက ပြည်ပတင်ပို့မှု နည်းပြီး ပြည်တွင်းအဓိကစားသုံးတဲ့ ပဲမျိုးဖြစ်လို့ စားသုံးမှုနည်းပြီး ပဲခွဲစက်တွေအဝယ်အေးပါက စျေးကျဆင်းတတ်ပါတယ်။

မန္တလေးကုန်စည်စျေးကွက်မှာ ကုလားပဲ (V2) သုံးတင်းဝင် တစ်အိတ်ကို ၂၅၀၀၀၀ မှ ၂၅၂၀၀၀ ကျပ်ရှိပြီး ၃၀၀၀ ကျပ်ကျကာ ၊ ကုလားပဲ (V7) က ၂၃၆၀၀၀ မှ ၂၃၇၀၀၀ ကျပ်ရှိပြီး ၁၀၀၀၀ ကျပ်ကျပါတယ်။ ကုလားပဲ (929) က ၂၄၃၀၀၀ ကျပ်ရှိလို့ ၁၀၀၀ ကျပ်ကျ ပြီး ကုလားပဲထိုင်ဝမ်က ၂၃၀၀၀၀ မှ ၂၃၅၀၀၀ ကျပ်ရှိလို့ ၅၀၀၀ မှ ၈၀၀၀ ကျပ်အတွင်းစျေးကျ ပါတယ်။

ပြောင်း

ပြောင်းဆံကတော့ အခုတစ်ပတ်မှာ စျေးထပ်မကျတော့ဘဲ အရင်အပတ်မှာဖြစ်ပေါ်ခဲ့တဲ့အကျစျေးတန်းမှာပဲ ရပ်နေပါတယ်။ ထိုင်းကိုအခွန်ကင်းလွတ်ခွင့်နဲ့ ပြောင်းဆံတင်ပို့ခွင့် ကုန်ဆုံးသွားပြီဖြစ်တဲ့အတွက် ပြောင်းစျေးကွက် အတက်ဘက်ရောက်ဖို့ ခက်ခဲတယ်လို့သိရပါတယ်။လက်ရှိမှာစျေးကျနေပေမယ့် ပြောင်းဆံကို ပြည်တွင်းအစာစပ်စက်ရုံတွေနဲ့ ကုန်သည်တွေကတော့ ပြောင်းဆံအခြောက်အသန့်တွေကိုပုံမှန်ဝယ်ယူမှုရှိနေပါတယ်။

မန္တလေးကုန်စည်စျေးကွက်မှာ ပြောင်း ( ရှမ်း) ကတော့ ၈၁၀၀၀ မှ ၈၂၀၀၀ ကျပ် ၊ ပြောင်း ( CP) က ၈၀၀၀၀ မှ ၈၁၀၀၀ ကျပ်ရှိ ပါတယ်။

ရန်ကုန်ဘုရင့်နောင်စျေးကွက်မှာ ပြောင်းတစ်ပိဿာကို ၁၅၆၀ ကျပ်မှ ၁၅၈၀ ကျပ်စျေးရှိပါတယ်။

AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...