သခွားသီးပင်ကို ကုန်ကျစရိတ်လျော့ချသည့် အပ်ချည်ကြိုးတန်းစနစ်ဖြင့် စိုက်ပျိုးလာကြ

    သခွားသီးပင် စီးပွားဖြစ်စိုက်ပျိုးရာတွင် စိုက်ပျိုးကုန်ကျစရိတ်လျော့ချပြီး လွယ်ကူရိုးရှင်းသည့် အပ်ချည်ကြိုးတန်းစနစ်ဖြင့် ပြောင်းလဲစိုက်ပျိုးလာကြကြောင်း ကိုယ်တိုင်စိုက်ပျိုးထုတ်လုပ်နေသူများထံမှ သိရသည်။

သခွားပင်စိုက်ပျိုးတဲ့အခါ အပင်(၃)ပင်ကျော်မှာ တိုင်တစ်တိုင်ထောင်တယ်။ အပင် (၁၀၀၀) စိုက်မယ်ဆိုရင် တိုင် (၃၀၀) ကျော် လိုမယ်။ ကျွန်တော်တို့သုံးတာတော့ အင်္ကျီချုပ်တဲ့အပ်ချည်ကြိုး ဆိုဒ်ကြီးတွေကို သုံးပြီး စိုက်ပျိုးလာကြတယ်။ အပ်ချည်ကြိုးက တစ်လုံးကိုမှ (၁၄၀၀) ကျပ်ပဲ ပေးရတယ်။ အပ်ချည်ကြိုးတစ်လုံးကို အပင်ရေ (၃၀၀)အထိ ကြိုးတန်းလို့ရပါတယ်။ ကုန်ကျစရိတ်က တအားကြီး သက်သာသွားပြီလေ။

ဟု မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ်၊ ဒေးဒရဲကျေးရွာမှ သခွားသီး စီးပွားဖြစ်စိုက်ပျိုးထုတ်လုပ်နေသည့် တောင်သူ ကိုဟန်ဇော်သက် က ပြောသည်။

    သခွားသီးပင်စိုက်ပျိုးရာတွင် အချို့တောင်သူများမှာ တိုင်တစ်တိုင်လျှင် အပင်တစ်ပင်နှုန်း၊ အချို့တောင်သူများမှာ တိုင်တစ်တိုင်လျှင် အပင်(၃)ပင်နှုန်း၊ အချို့မှာလည်း တန်းများစွာအသုံးပြုသည့်နည်းစနစ်ဖြင့် စိုက်ပျိုးကြကာ၊ အချို့တောင်သူများကလည်း ပိုက်ဇကာငယ်များကိုအသုံးပြု၍ စိုက်ပျိုးလေ့ရှိကြသည်။

ကျွန်တော်တို့စိုက်ပျိုးနေတဲ့ နည်းစနစ်ဖြစ်တဲ့ သခွားပင်ကို အပ်ချည်ကြိုးနဲ့ထိန်းပြီး စိုက်ပျိုးတာက ခိုင်ပါ့မလားလို့ ထင်စရာတော့ ရှိတယ်။ တကယ်တော့ သခွားပင်ရဲ့နွယ်လေးတွေ အပေါ်ကိုတက်သွားနိုင်ဖို့အတွက် အပ်ချည်က လှေကားထစ်လေး သက်သက် ခဏလုပ်ပေးရုံပါပဲ။ သခွားပင်(၃)ပင်ကြား တစ်နေရာတိုင်းကို တိုင်တစ်တိုင် စိုက်တယ်။ အပေါ်ကနေ (၅)ပေ အမြင့်လောက်မှာ ဝါးခြမ်းနဲ့ တန်းလုပ်လိုက်တယ်။ တိုင်အောက်ခြေကနေ အပေါ်ကို (၆)လက်မလောက်အမြင့်နားမှာ နိုင်လွန်ကြိုးနဲ့ တန်းတစ်တန်း လုပ်လိုက်တယ်။ အဲ့ဒိအပေါ်က ဝါးခြမ်းတန်းနဲ့ အောက်က နိုင်လွန်ကြိုးတန်းကိုမှ အလယ်ခေါင်ကနေ အပ်ချည်ကြိုး(ဆိုဒ်ကြီး)တွေနဲ့ တိုင်လေးတွေ လှမ်းခတ်ချည်ပြီး စိုက်ပျိုးတဲ့စနစ်ပါ။ အပ်ချည်ကြိုး တစ်ကြိုးနဲ့ တစ်ကြိုးကြားမှာတော့ (၅)လက်မ/ (၆)လက်မလောက် ခြားလို့ရပါတယ်။

ဟု ကိုဟန်ဇော်သက်က ဆက်လက်ပြောသည်။

    သခွားသီးပင်စိုက်ပျိုးရေးသည် ဈေးကွက်မပြတ်လပ် ကောင်းမွန်နေသော်လည်း စိုက်ပျိုးသူနည်းပါးနေသေးပြီး အများဆုံးပမာဏအားဖြင့် တစ်ဧကဝန်းကျင်သာ စိုက်ပျိုးလေ့ရှိကြကြောင်း သိရသည်။

    သခွားသီးပင်ကို အပ်ချည်ကြိုး(ဆိုဒ်ကြီး)ဖြင့် ထိန်း၍ ကြိုးတန်းစိုက်ပျိုးသည့်စနစ်သည် ခေတ်မီပြီး ကုန်ကျစရိတ်လျော့ချရာရောက်သည့် စိုက်ပျိုးနည်းစနစ်တစ်မျိုးဖြစ်ကြောင်း သိရသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more