ထားဝယ်ဒေသမှ လယ်သိမ်းဆည်းခံတောင်သူများ အာဏာပိုင်နှင့် ကုမ္ပဏီများကို ကျိန်စာတိုက်

ထားဝယ်- ထားဝယ်မြို့မှ လယ်သိမ်းဆည်းခံ တောင်သူလယ်သမားငါးဆယ်ခန့်က ၎င်းတို့ လယ်ယာမြေများအပေါ်တွင် လာရောက်အကောင်အထည်ဖော် ဆောင်ရွက်နေသည့် ကုမ္ပဏီများနှင့် အာဏာပိုင်များကို ကျိန်စာတိုက်ပွဲပြုလုပ်ခဲ့ကြောင်း သတင်းရရှိသည်။

ကျိန်စာတိုက်ပွဲကို ဖေဖော်ဝါရီ ၈ ရက်က ဆောက်လုပ်ရေးလုပ်ငန်းများ ဝင်ရောက်လုပ်ကိုင်နေသော လယ်သမား ဦးကြူလွင်၏ လယ်ကွင်းအတွင်း ပြုလုပ်ခဲ့ခြင်းဖြစ်သည်။

သိမ်းဆည်းခံ လယ်ယာမြေများအတွက် နစ်နာကြေးများနှင့် စီမံကိန်းဆောင်ရွက်ခြင်းမရှိသေးသော လယ်ယာများကို လယ်ယာမြေလုပ်ကိုင်ခွင့် ပြန်လည်ပေးအပ်ရန် သက်ဆိုင်ရာသို့ တင်ပြတောင်းဆိုခြင်း၊ ဆန္ဒ ထုတ်ဖော်ခြင်းများ ပြုလုပ်ခဲ့သော်လည်း သက်ဆိုင်ရာ အာဏာပိုင်များက တုံ့ပြန်မှုတစ်စုံတစ်ရာ မပြုသည့်အပြင် ကန်ထရိုက်ကုမ္ပဏီများက ဆောက်လုပ်ရေးလုပ်ငန်းခွင်များကို အရှိန်ဟုန်မြှင့်ဆောင်ရွက်နေသောကြောင့် ထိုသို့ပြုလုပ်ရခြင်းဖြစ်ကြောင်း လယ်သမားများက ပြောကြားသည်။

အဆိုပါ လယ်မြေများကို ထားဝယ်မြို့ပြဖွံ့ဖြိုးရေးစီမံကိန်း အတွက် ၁၉၉၀ပြည့်နှစ်တွင် သိမ်းဆည်းသည်ဟု သိရပြီး သိမ်းဆည်းခံတောင်သူများအား လယ်သုံးဧကတွင် ပေ ၆၀x ၄၀ မြေကွက်တစ်ကွက်သာ ပြန်လည်ပေးအပ်သဖြင့် မကျေနပ်ကြကြောင်း လယ်သမားများပြောသည်။

အဆိုပါ ပြန်လည်နေရာချထားမည့် နေရာသည် ချောင်ကျခြင်း၊ ရေဝပ်နေရာဖြစ်ခြင်း၊ လယ်တစ်ဧကတွင် အဆိုပါမြေကွက် ရှစ်ကွက် ရနိုင်ခြင်းတို့ကြောင့် လယ်သမားများက ပိုမိုအဆင်ပြေသောနေရာတွင် ပေ ၆၀ x ၈၀ မြေကွက်များ ပြန်လည်ပေးအပ်ရန် တောင်းဆိုထားကြောင်း သတင်းရရှိသည်။

လယ်သမား ၆၀ ကျော်နှင့် တာဝန်ရှိသူတို့ မြို့တော်ခန်းမ၌ တွေ့ဆုံဆွေးနွေးစဉ် ပြန်လည်ပေးအပ်မည့် မြေကွက်များကို လက်ခံသူ ခြောက်ဦးရှိခဲ့ပြီး လက်မခံသူများကို တရားရုံးတွင် တွေ့ဆုံမည်ဖြစ်ကြောင်း တိုင်းဒေသကြီး အုပ်ချုပ်ရေးမှူး ဦးတင်သိန်းက ပြောကြားကြောင်း သတင်းရရှိသည်။

“အဓိကကတော့ သိမ်းဆည်းခံလယ်သမားတွေကို ကူညီမယ့်သူမရှိတော့ဘူး။ ဒါကြောင့် နေမင်းနဲ့ လမင်းကို အကူအညီတောင်းခံရတဲ့သဘောပေါ့။ ကျွန်မတို့ကို အပြင်မှာ ဖိနှိပ်လို့ရပေမယ့် ကျွန်မတို့ လယ်သမားတွေရဲ့ စိတ်ခံစားမှုကို ဘယ်သူကမှ ထိန်းချုပ်လို့မရဘူး။ ဒါကြောင့် ခံစားချက်တွေကို ဖွင့်ချတာပေါ့။ တကယ်လည်း ခံစားရလို့ပါ” ဟု လယ်မြေများ သိမ်းဆည်းခံထားရသော ဒေါ်ရွှေစင်ယုက ပြောကြားသည်။

အဆိုပါလယ်သမားများက သိမ်းဆည်းခံလယ်မြေများအတွက် ဖျက်ဆီးသော အာဏာပိုင်များနှင့် ဆောက်လုပ်ရေးကုမ္ပဏီများသည် သံသရာအဆက်ဆက်၊ ဆွေမျိုးခုနစ်ဆက်တိုင်အောင် ဘေးဒုက္ခအမျိုးမျိုး၊ စိတ်သောကအမျိုးမျိုးရပါစေဟု ကျိန်စာတိုက်ပြီး သေရာမပါသော မြေများ သိမ်းယူခြင်းကြောင့် တမလွန်ဘဝတွင် မြေစောင့်သရဲများ ဖြစ်ပါစေဟု ဆုတောင်းခဲ့သည်။ ထို့အပြင် ၎င်းတို့သည် ဘဝအဆက်တိုင်း ခရိုနီ၊ အာဏာပိုင်များ နိုင်ထက်ပြုခြင်းမှ ကင်းဝေးပါစေကြောင်း ဆုတောင်းခဲ့သည်။

လက်ရှိတွင် ဆန္ဒပြကန့်ကွက်နေသော လယ်မြေများ၌ ပြည့်စုံမင်းဟိန်း၊ တင်အောင်၊ Super Local ကုမ္ပဏီများ အပါအဝင် ဆောက်လုပ်ရေးကုမ္ပဏီ ခြောက်ခုက မြို့ပြဖွံ့ဖြိုးရေးစီမံကိန်းများအဖြစ် ဝန်ထမ်းအိမ်ရာများ ဆောက်လုပ်ခြင်းနှင့် ပေ ၆၀၊ ပေ ၄၀ လမ်းများ ဖောက်လုပ်နေသည်။

သိမ်းဆည်းခံ တောင်သူလယ်သမား ၁၀၀ စီ ပါဝင်သော ဆန္ဒပြမှုများကို ၂၀၁၃ ခုနှစ် နိုဝင်ဘာနှင့် ၂၀၁၄ ခုနှစ် ဇန်နဝါရီ အတွင်း ပြုလုပ်ခဲ့သည်။ ယင်းကျိန်စာတိုက်ပွဲသည် ထားဝယ်ဒေသရှိ သိမ်းဆည်းခံတောင်သူလယ်သမားများအနေဖြင့် ပထမဆုံး ပြုလုပ်ခြင်းဖြစ်သည်။

ဓာတ်ပုံ - စိုးမိုးအောင်

REF: 7Day News Journal

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...

Read more

Aqua ဘူစတာ

Aqua ကယ်လဆီယမ်

Facebook စာမျက်နှာသို့သွားရန်