ဂျပန်နိုင်ငံသို့ မျှစ်ခြောက်တင်ပို့မှု လိုအပ်ချက်ပမာဏပြည့်မီရန်ကြိုးပမ်း

မြန်မာနိုင်ငံမှ စိုက်ပျိုးထုတ်လုပ်သည့် မျှစ်ခြောက်ကို ဂျပန်နိုင်ငံသို့ တင်ပို့ရောင်းချနေရာ မျှစ်ခြောက်ပမာဏ များစွာ ထုတ်လုပ်နိုင်ရန် လိုအပ်နေဆဲဖြစ်သဖြင့် ဆက်လက်ကြိုးပမ်းဆောင်ရွက်သွားမည်ဖြစ်ကြောင်း သိရသည်။

ဂျပန်နိုင်ငံကို မျှစ်ခြောက်တင်ပို့နေတာတော့ ခြောက်နှစ်လောက်ရှိသွားပြီ။ ဂျပန်ဘက်က လိုအပ်နေတဲ့ မျှစ်ခြောက်ပမာဏက ဒီဘက်ကနေ တင်ပို့နိုင်တဲ့ပမာဏထက် ပိုများနေပါတယ်။ မျှစ်ခြောက်ဈေးကွက် ကောင်းမွန်နေတယ်။ ထုတ်လုပ်တဲ့နည်းပညာကိုသိရှိပြီး များများထုတ်လုပ်တင်ပို့နိုင်ဖို့သာ လိုအပ်နေတာပါ။

ဟု မြန်မာနိုင်ငံ ဝါးစိုက်ပျိုးရေးအသင်း ဥက္ကဌ ဦးကျော်ဝင်းက ပြောသည်။

မျှစ်ခြောက်တင်ပို့မှု မြင့်တက်လာစေရေးအတွက် မြန်မာနိုင်ငံ ဝါးစိုက်ပျိုးရေးအသင်း၊ မြန်မာနိုင်ငံမျှစ်လုပ်ငန်း အစုအဖွဲ့၊ ဂျပန်-မြန်မာအခြေစိုက်ကုမ္ပဏီတို့ ပူးပေါင်း၍ ၂၀၁၉ ခုနှစ်မှစတင်ကာ မျှစ်ခြောက်ထုတ်လုပ်နည်းသင်တန်းများ ပို့ချပေးနေကြောင်း သိရသည်။

မျှစ်ခြောက်က ဈေးကွက်လိုအပ်ချက်လည်း တကယ်များတာဖြစ်လို့၊ မျှစ်ခြောက်ပြုလုပ်တဲ့နည်းပညာကို အများသိရှိနားလည်အောင် သင်ပေးဖို့အတွက် လက်ရှိတင်ပို့နေတဲ့ ကုမ္ပဏီကို အကူအညီတောင်းလိုက်တာပါ။ ဒေသခံတွေနဲ့ စိတ်ပါဝင်စားသူတွေအတွက် မျှစ်ခြောက်ပြုလုပ်နည်း သင်တန်းပို့ချပေးနေတာ နှစ်ကြိမ်ရှိပြီ။ မြစ်ကြီးနား၊ ထားဝယ်၊ မြိတ်၊ ရှမ်းပြည်၊ နေပြည်တော် နေရာစုံကသင်တန်းသားတွေ တက်ရောက်နေပါတယ်။ မျှစ်ကို တန်နဲ့ချီ အခြောက်ခံတတ်ဖို့ကျတော့ သဘာဝနည်းအတိုင်းထုတ်လုပ်တာအပြင် နည်းပညာတွေ သိရှိဖို့ လိုအပ်လာပြီလေ။

ဟု ဦးကျော်ဝင်းက ဆက်လက်ပြောသည်။

မျှစ်ခြောက်ထုတ်လုပ်ရန်အတွက် မျှစ်နု၊ မျှစ်ဥများကို သုံးစွဲခြင်းမရှိဘဲ မျှစ်အရွယ်အစား (၄) ပေမှ (၆) ပေ အထက် ရှိသည့် မျှစ်ကြီးများကို အသုံးပြုကြသဖြင့် ဝါးမျိုးများ ပျက်သုဉ်းထိခိုက်မှုလည်းမရှိနိုင်ကြောင်း သိရသည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...