ဒေသမျိုးစိုက်ပျိုးသည့် ထောပတ်တောင်သူများ ဈေးကွက်ခိုင်မာမှုရှိသည့် Hass မျိုးကို ပြောင်းလဲစိုက်ပျိုးလာကြ

    ဒေသမျိုးကိုသာ အဓိကထားစိုက်ပျိုးခဲ့ကြသည့် ထောပတ်စိုက်တောင်သူများအနေဖြင့် ဈေးကွက်ခိုင်မာကောင်းမွန်သည့် မျိုးကောင်းမျိုးသန့်ထောပတ် Hass မျိုးကို ပြောင်းလဲစိုက်ပျိုးလာကြကြောင်း ရှမ်းပြည်နယ်တောင်ပိုင်းရှိ ထောပတ်စိုက်ပျိုးသူများထံမှ သိရသည်။

ကျွန်တော်တို့က ထောပတ်ကို ဒေသမျိုးချည်း အပင် ၄၀၀ ကျော် စိုက်ပျိုးထားတာပါ။ ၂၀၁၃ ခုနှစ်က စစိုက်ခဲ့တာ။ ဒါပေမဲ့ အခုနောက်ပိုင်းဈေးကွက်မှာ ဒေသမျိုးနဲ့ Hass မျိုးက ဈေးနှုန်းတအားကွာလို့ မျိုးပြောင်းစိုက်ပျိုးဖို့ ဆုံးဖြတ်ခဲ့တာပါ။ ဒေသမျိုးက ဈေးမရလို့ပါ။ ပြီးခဲ့တဲ့နှစ်ကဆို ပွဲရုံမှာသွင်းတာ၊ ဒေသမျိုးအလုံးကြီး/ရှယ် တစ်ပိဿာကိုမှ ၂,၀၀၀ ဝန်းကျင်ပဲရခဲ့တယ်။ ပယ်သီး၊ အသီးညံ့ဆို တစ်ပိဿာကို ၅၀၀ ကနေ ၂၀၀ ကျပ်အတွင်းပဲရတယ်။

ဟု ရှမ်းပြည်နယ်တောင်ပိုင်း၊ တောင်ကြီးမြို့၊ နောင်ကားကျေးရွာမှ ထောပတ်စိုက်တောင်သူ ကိုခွန်သိန်းအုပ်က ပြောသည်။

    ကိုင်းဆက်မျိုးပြောင်းပြီးနောက် အချိန် (၁) လခွဲဝန်းကျင်အကြာ၌ အပင်မျိုးအသစ် အောင်မြင်နိုင်ပြီး၊ အချိန် (၂) နှစ်ဝန်းကျင်အကြာ၌ အသီးသီးနိုင်ကြောင်း သိရသည်။

ကိုင်းကူးကိုင်းဆက်စနစ်နဲ့ ကိုင်းပြန်ဆက်ပြီး Hass မျိုးကို ကူးပြောင်းနေပါတယ်။ ကိုင်းဆက်ကျွမ်းကျင်တဲ့ မိတ်ဆွေတွေရဲ့အကူအညီနဲ့ပါ။ နည်းစနစ်ကို ကိုယ်တိုင်လည်း နည်းနည်းနားလည်ပါတယ်။ ကျွန်တော်တို့ ကိုင်းဆက်တာ နောက်တောင်ကျသွားပါတယ်။ တကယ်ဆို အပင်သက်တမ်း တစ်နှစ်ကျော်လောက်ဆို ကိုင်းဆက်မျိုးပြောင်းလို့ အဆင်ပြေပါတယ်။

ဟု ၎င်းက ဆက်လက်ပြောသည်။

    ရှမ်းပြည်နယ်တောင်ပိုင်း ဈေးကွက်အတွင်း ထောပတ်သီးဒေသမျိုး (အရည်အသွေးကောင်း/ရှယ်) တစ်ကီလိုလျှင် ကျပ်(၃,၀၀၀) မှ (၃,၅၀၀)အတွင်း၊ ထောပတ်သီး Hass မျိုး တစ်ကီလိုလျှင် ကျပ်(၇,၀၀၀)မှ (၁၀,၀၀၀)အတွင်း ဈေးနှုန်းရှိနေကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more