ထိုင်းနိုင်ငံကို အစေ့ထုတ်ပြောင်းတန်ချိန် လေးသိန်းတင်ပို့ထား

22/07/2019 23:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

ယခုနှစ်အတွင်း ထိုင်းနိုင်ငံကို အစေ့ထုတ်ပြောင်း တန်ချိန်လေးသိန်းထိ တင်ပို့ထားပြီးပြီဖြစ်ကြောင်း မြန်မာနိုင်ငံ ပြောင်းစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

မြန်မာ့အစေ့ထုတ်ပြောင်းကို အခုနှစ် ဧပြီလမှစတင်ကာ ထိုင်းနိုင်ငံမှ စတင်ဝယ်ယူမှုများ ရှိလာတဲ့ အတွက် အခုလက်ရှိအချိန်ထိ တန်ချိန်လေးသိန်းခန့် တင်ပို့နိုင်ခဲ့တာဖြစ်တယ်လို့ မြန်မာနိုင်ငံ ပြောင်းစိုက်ပျိုးထုတ်လုပ် တင်ပို့ရောင်းချသူများအသင်းမှ ဥက္ကဌ ဦးမင်းခိုင် ကပြောပါတယ်။ 

“ တရုတ်ဘက်က သူတို့ပေါ်လစီကြောင့် ဝယ်ယူမှုမရှိခဲ့တာကြာပါပြီ။ အခု ဒီနှစ်မှာ ထိုင်းနိုင်ငံနဲ့ အစေ့ထုတ်ပြောင်းတင်ပို့ဖို့ ဆွေးနွေးခဲ့တယ်။ ဧပြီလမှာ စပြီးတင်ပို့ခဲ့တာပါ။ ဒီလကုန်ထိပဲ တင်ပို့ရတော့မယ်။ ဟိုဘက်မှာကျတော့ နောက်လဆို ပြောင်းထွက်တဲ့ရာသီ ရောက်နေပြီဆိုတော့ မဝယ်တော့ဘူး။ အခုလက်ရှိထိဆို တန်ချိန်လေးသိန်းခန့်လောက် တင်ပို့ပြီးသွားပြီ”

မြန်မာ့အစေ့ထုတ်ပြောင်းကို ရှမ်းပြည်နယ်မြောက်ပိုင်းမှာ အဓိကထားစိုက်ပျိုးလျက်ရှိနေပြီး ရှမ်းပြည်နယ် တောင်ပိုင်းနဲ့ အခြားပြည်နယ်များတွင်လည်း စိုက်ပျိုးလျက်ရှိကြောင်း အဆိုပါအသင်းမှသိရပါတယ်။

အစေ့ထုတ်ပြောင်းကို တရုတ်နိုင်ငံကို အဓိကထားစိုက်ပျိုးလျက်ရှိနေပြီး အခုလက်ရှိမှာ ထိုင်းနိုင်ငံကို တင်ပို့နေတာဖြစ်ကြောင်းလည်း မြန်မာနိုင်ငံ ပြောင်းစိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

တိုးတိုးခိုင်(ABM)

 


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်